JEREMIA 22:9 - BIBEL JAMITA NA DENGGAN

⁹ Dung i alusan ni halak ma, umbaen na tarjadi pe sudena i hara ni na dung manyimbil hamu sian parjanjianmunu dohot Au Debatamunu, jana marsomba hamu lalu mangoloi tu angka debata.”

JEREMIA 22:9 ပူးပေါင်းရင်းမြစ်များ

1 RAJA-RAJA 9:8

Bagas parsombaan on, angkon gabe tiranggong, pola tehe sude halak na mamolus disi gabe homang jana tarsonggot. Dohonon ni halahi ma, ‘Biasi dibaen Tuhan i songon i tu luat on dohot tu bagas parsombaan on?’

2 RAJA-RAJA 22:17

Ditadingkon halahi do Au jana kehe halahi marsomba tu angka debata na asing. Pasunggul-sunggul murukKu do sude pambaenan ni halahi i. Muruk do Au tu Jerusalem jana nada ra mombun murukKi.

2 JUJUR TAON 34:25

Ditadingkon halahi do Au jana kehe halahi marsomba tu angka debata na asing. Pasunggul-sunggul muruk do Au tu Jerusalem, jana nada ra mombun murukKi.

JEREMIA 11:10

Madung dipambaeni halahi dosa na nibaen ni ompu ni halahi narobi; disomba halahi do angka debata jana nada ra halahi mangoloi parentangKu. Rap mangalaosi do halak Israel dohot Juda di parjanjian na Hubaen dohot ompu ni halahi.

JEREMIA 11:3

Au Tuhan, Debata ni Israel, Huburai do sanga ise na so mangoloi angka na nipangido ni parjanjianKi.

JEREMIA 16:11

Paboa ma tu halahi na Hudokkon songon on, ‘Madung ditadingkon ompumunu Au laho marsomba jana mangoloi tu angka debata. Dipasiding halahi do Au jana nada ra halahi mangoloi angka TonangKu.

JEREMIA 50:7

Sudena na marsuo dohot halahi marsisoro ma tu halahi. Didok musu ni bangsongKi do, ‘Aha na hita baen, nada adong sala ni i, angke na dung mardosa do angka jolma i tu Tuhan. Porsaya do antong ompu ni halahi tu Tuhan, jadi halahi pe sapatutna do angkon setia tuSia.’

JEREMIA 9:13

Dialusi Tuhan ma, “Patunda ni bangsongKu ma i na so ra marrohahon angka pangajaran na Hulehen tu halahi. Nada unduk halahi tu Au, jana nada ra mangihutkon parentangKu.

JEHESKIEL 12:16

Adong do saotik sian halahi na giot paluaonKu sian parporangan, sian tangkuraparon dohot nyae, anso diboto halahi di tonga-tonga ni bangso sileban i hajorbuton ni pambaenan ni halahi. Jadi okuon ni halahi ma disi, Au do Tuhan.”

JEHESKIEL 14:23

Jadi apulon ni halahi ma hamu, harana ligionmunu ma dalan ni halahi dohot pambaenanna, anso ditanda hamu na adong do dalanna tu Jerusalem, ninna Tuhan Debata.”

JEHESKIEL 39:23

Jana torang botoon ni sandok bangso, nitongos pe halak Israel tu habuangan hara ni dosa ni halahi do maradopkon Au. Na dung Hutadingkon do halahi jana Hupadiar talu dibaen musuna jana dibunui di bagasan parporangan.

JEHESKIEL 5:15

Anso sai gabe siincahan jana sipalayason dohot siparjoraan dohot habiaran di halak parbegu angka na humaliang ho, muda muruk Au jana marrimas jana Huuhumi ho di bagasan muruk marhite pincang-pincang ni harimason.

PANGARATAION 29:24

Jadi gabe sapa-sapa ma na satano on, ‘Biasi songon i ulaning dibaen Tuhan tu tano ni halahi i? Aha do mambaen songon i jabat murukNia?’