JEREMIA 22:28 - BIBEL JAMITA NA DENGGAN

²⁸ “Adong he na dung gabe songon hudon tano na matapor do Raja Joyakin, na niambungkon jana na so tarpake be? Hara ni i dehe umbaen na dipaorot jana dibuang ia dohot dakdanaknia tu luat na so nitanda ni halahi?”

JEREMIA 22:28 ပူးပေါင်းရင်းမြစ်များ

2 SAMUEL 5:21

Marlojongi ma tentara ni Pilistin i nada sanga be taroban halahi angka patung si sombaon ni halahi. Dipamuai si Daud dohot parangannia i ma patung i.

2 JUJUR TAON 21:20

Umpe adong sada halak na manyosal di parmatena i. Dikuburkon di Kota Ni si Daud do ia, tapi nada di kuburan ni angka raja-raja i. Di na gabe raja, marumur tolu pulu dua taon ma si Joram jana salapan taon honokna ia mamarenta di Jerusalem.

MASMUR 31:12

Songon rompak do iba dietong, jana dihalupahon songon jolma na dung nitanom.

JEREMIA 14:18

Muda kehe au tu padang, huida ma angka bangke na nipangan ni porang. Di bagasan kota huida parkancitan; angka jolma na giot mate malean. Didalankon panurirang dohot malim langgamanna so diboto sanga aha na nipambaenanna.”

JEREMIA 15:1

Didok Tuhan ma tu au, “Indada ra Au maribo ni roha mida bangso on, haru pe jongjong dison si Musa dohot si Samuel mangido ibo ni roha sian Au tu halahi. Suru ma kehe bangso on; nada jop rohangKu paida-ida halahi.

JEREMIA 16:12

Hape jumahat dope na nibaenmunu. Na jogal do rohamunu jana rohamunu na jahat i do diparrohahon hamu. Nada ra hamu mangoloi Au.

JEREMIA 17:4

Paksaonna ma hamu pasahatkon tano na dung Hupasahat i tu hamu, jana baenonKu ma hamu mangoloi tu musumunu di tano na so nitandamunu. Hara ni murukKu na marjimbur songon api na gara jana na so haintopan ma umbaen na songon i Hubaen sudena i.”

JEREMIA 22:27

Sun ma lungun ni rohamunu tu luat on, tapi nada mulak be hamu tuson.”

JEREMIA 22:30

“Na dung ditontuhon do jolma i agoan angka dakdanakna jana sai lus di bagasan ngoluna. Sian pomparanna nada adong na marhasil mamarenta di Juda songon raja sian pomparan ni si Daud. Au Tuhan, madung mandok songon i.”

JEREMIA 24:1

Sanoli dung dioban si Nebukadnesar raja ni Babel i si Joyakin anak ni si Joyakim raja ni Juda rap dohot angka pamimpin ni Juda, angka tukang na malo dohot angka parkarejo na pande jana dioban gabe taban sian Jerusalem tu Babel, dilehen Tuhan ma tu au sada parnidaan. Huida ma dua karanjang na marisi batu ni ara payak di jolo ni Bagas Ni Debata.

JEREMIA 37:1

Di na dipecat ni si Nebukadnesar raja ni Babel i si Joyakin anak ni si Joyakim, diangkat ia ma si Zedekia anak ni si Josia gabe raja di Juda.

JEREMIA 48:38

Di ginjang ni sude bungkulan ni bagas dohot di angka tano lapang sora ni na tangis noma na tarbege. Angke madung Hutaporkon Moab songon hudon tano na so marguna.

HOSEA 13:15

Haru pe sonang Israel songon duhut na napu, laing suruonKu ma alogo Habincaran na milas i sian padang parhorsihan. Mahiang ma baenon ni alogo i sude mual ni aek dohot angka sumur bage, gabe mago ma sudena na mararga.

HOSEA 8:8

Songon barang na so diparhagiot halak, nada marguna be Israel, angke madung marcampur dohot angka bangso na asing.