JEREMIA 22:26 - BIBEL JAMITA NA DENGGAN

²⁶ UsironKu ma ho dohot inangmu jana buangonKu tu luat na so hatubuanmu jana disi ma marujung ngolumunu.

JEREMIA 22:26 ပူးပေါင်းရင်းမြစ်များ

2 RAJA-RAJA 24:8

Marumur salapan bolas taon ma si Joyakin di na gabe raja ia di Juda jana tolu bulan honokna mamarenta ia di Jerusalem. Si Nehusta do goar ni inangnia boru ni si Elnatan sian Jerusalem.

2 RAJA-RAJA 25:27

Di tanggal dua pulu pitu bulan dua bolas taon patolu pulu pituhon dung hona oban si Joyakin tu habuangan, si Ewil Merodak noma gabe raja di Babel. Laing di bagasan taon i manigor dipatuduhon ia ma ibo ni rohania tu si Joyakin, jana dipalua ma ia sian hurungan,

2 RAJA-RAJA 25:29

Nada be mamake pakean ni halak na tarkurung ia. Jotjot do mangan ia di bagas godang jana dilehen do hepeng tu haporluan ni ngolunia.

JESAYA 22:17

Jago ho, ambungkonon ni Tuhan ma ho tu sihadaoan. JomahonNia ma ho jana balun-balunonNia. BuangonNia ma ho tu luat na gumodang. Mate disi ma ho di lambung ni angka kareta na sai nipangasahonmi. Ditilakoi ho goar ni bagas ni tuanmu.

JEREMIA 10:18

Danggurkonon ni Tuhan ma hamu tu habuangan; abiskononNia noma hamu. I ma parenta ni Tuhan.

JEREMIA 13:18

Didok Tuhan tu au, “Suru ma raja i dohot namora i mijur sian habangsana i, angke madung madabu tukuna na jeges i sian ulunia.

JEREMIA 16:13

Hara ni i, paorotonKu noma hamu sian luat on jana buangonKu tu sada luat na asing situtu di hamu dohot di ompumunu. Anggo disi arian na borngin mangoloi tu angka debata na leban noma hamu, jana nada maribo ni roha be Au mida hamu.’ ”

JEREMIA 22:27

Sun ma lungun ni rohamunu tu luat on, tapi nada mulak be hamu tuson.”

JEREMIA 28:4

ObanonKu muse ma si Joyakin anak ni si Joyakim raja ni Juda i rap dohot sude rayat ni Juda na hona oban tu Babel. Satutuna do, tipulkononKu ma hagogoan ni Babel. Au Tuhan, madung mandok songon i.”

JEREMIA 29:2

Hubaen surat i dung dioban tu habuangan Raja Joyakin, inangna, angka pagawe ni bagas godang, angka pamimpin ni Juda dohot Jerusalem, angka tukang na malo dohot angka parkarejo na pande.

JEREMIA 44:14

Sian halak Juda na teba i na kehe tu Mesir laho maringanan disi, sahalak pe nada adong na malua sanga mangolu. Sahalak pe sian halahi nada adong be na mulak tu Juda, haru pe lungun sajo roha ni halahi. Tutu do nada adong be na mulak sian halahi asing ni na mangungsi piga-piga halak.”