JEREMIA 22:23 - BIBEL JAMITA NA DENGGAN

²³ Sonang hamu tinggal dihaliangi angka tiang sampinur Libanon, tapi sanoli on muda ro na hancit tu hamu, mangae ma hamu songon ina na manubuhon dakdanak.”

JEREMIA 22:23 ပူးပေါင်းရင်းမြစ်များ

JEREMIA 21:13

Satutuna gabe alomu ma Au, o kota na di ginjang ni rura, dolok batu di adaran; Au Tuhan mandok songon i, o hamu na mandok: Ise ma he na puluk ro tu hami jana ise ma he na puluk masuk tu inganannami?

JEREMIA 22:6

Anggo di Au santak do jeges ni bagas godang ni raja Juda on, songon jeges ni tano Gilead dohot angka Dolok Libanon, tapi baenonKu ma inganan i gabe songon padang halongonan na so niinganan ni halak.

JEREMIA 3:21

Tarbege do sora ni na gaor di puncu ni angka dolok; i ma sora ni halak Israel na martangisan jana mangido-ido hara ni na dung mardosa halahi jana lupa tu Tuhan Debata ni halahi.

JEREMIA 48:28

Hamu halak Moab, tadingkon hamu ma angka kotamunu jana maringanan di angka dolok batu ma hamu songon unggas darapati na mambaen asarna di sapsap bire.

JEREMIA 49:16

Hona tipu ma ho baenon ni gakgakmu. Nada adong na mabiar mida ho songon na niambang ni rohamu. Maringanan di rigang ni batu ma ho, dao di puncut ni dolok an; tapi haru dibaen ho pe bagasmu di inganan na gincat situtu, sagincat ni asar ni unggas rajawali, paijuron ni Tuhan do ho sian i. Tuhan do mandokkon i sudena.”

JEREMIA 6:24

Umbege barita i, gabe gale ma halak Jerusalem. Didondoni biar ma halahi jana mangae songon ina na giot tubu-tubuan.

JEHESKIEL 17:3

Anso diboto halahi na hudok: Adong ma sada unggas rajawali na godang, na jeges imbuluna, jana habongna i ginjang boti gogo. Habang ma ia tu Dolok Libanon, jana ditipulkon ia ma sada pusuk ni sada sampinur,

HOSEA 5:15

Angkon kehe do Au mulak tu ingananKu, lopus mangoku sala halahi jana manjalahi Au. Di bagasan pardangolan ni halahi gabe malungun halahi tu Au.”

HOSEA 7:14

Nada tutu situtu na ruar sian roha tangiang ni halahi. Angke muda martangiang halahi, diompaskon halahi do dirina tu podoman, jana mangandung songon na nibaen ni angka jolma na so mananda Au, hape tangiang ni halahi i nada ruar sian ate-ate na ias. Muda martangiang halahi mangido gandum dohot anggur, digomahi halahi ma pamatangna i songon halak sisomba gana-ganaan, mangalo do halahi tu Au!

AMOS 9:2

Haru pe mamintas halahi tu inganan ni halak na mate, tarihonKu do halahi. Haru pe manaek halahi tu langit, paijuronKu halahi sian i.

OBAJA 1:4

Haru dibaen ho pe bagasmu songon gincat ni asar ni unggas rajawali jana gincat ni angka bintang di langit, laing bisa Au do mangarumpakkon i.”

HABAKUK 2:9

Hona bura ma ho! Dipagukguk ho arta tu dongan sabagasmu marhite untung na dapotmu sian hakejamon, anso aman bagasmu sandiri jana dao sian hasusaan dohot parmaraan.

BILANGAN 24:21

Di bagasan parnidaan i diida si Bileam muse ma pomparan ni halak Keni, lalu didok ia ma ulpuhannia songon on, “Tutu nian tung na gogo do ingananmunu, songon asar di ginjang dolok batu na gincat.