JEREMIA 22:21 - BIBEL JAMITA NA DENGGAN

²¹ Madung Hudok hata tu ho taran denggan dope pangalaho na masa tu hamu, hape nada ra hamu manangihon. Songon i hian do antong pangalahomu sian najolo lopus saonnari; nada jungada ra hamu mangoloi Au.

JEREMIA 22:21 ပူးပေါင်းရင်းမြစ်များ

2 JUJUR TAON 33:10

Digorahon Tuhan ma si Manase dohot rayatna i, tapi nada ra halahi manangihon.

MASMUR 129:1

Pajojor ma ale Israel, hancit ni na nitaonmu, na dibaen ni musu mamungka sian haposoonmu.

PODA 30:9

Harana, muda ompot kayo au, betak na gabe dokkononku do, na so porlu Ho di au. Jana muda marpogos au, betak na manangko ma au, jadi gabe hodar goarMu.”

JESAYA 48:8

Nada ditangihon ho sanga diboto ho, jana pinggolmu pe nada tarbuka sian najolo; tapi Huboto do, bahaso na durako do ho, jana didok halak do ho pangalaosi mulai sian bortian.

JEREMIA 13:10

Na jogal do roha ni bangso na jahat on jana na so ra do halahi mangoloi Au. Marsomba jana mangoloi angka debata na asing do halahi. Hara ni i ma halahi gabe songon bobat abit na so marguna i.

JEREMIA 19:15

bahaso na nidok ni Tuhan Na Markuaso i Debata ni Israel songon on, “Giot paroonKu noma tu kota on dohot tu angka huta pagaran na humaliangsa sandok parmaraan na dung Husangkaphon humani, hara ni jogal ni rohamunu dohot na so ra hamu manangihon.”

JEREMIA 2:25

Ale Israel, tongtong ma ho marsipatu jana ulang padiar manguas ho hara ni na parayakkon debata na asing. Tapi nimmu do, ‘Nada! Nada tarbaen au mulak. Madung huhaholongi debata na asing jana i noma ihutkononku.’ ”

JEREMIA 2:31

O hamu Israel, tangihon ma angka hatangKon. Unjung ma he Au songon padang halongonan maradopkon hamu, sanga songon tano na golap bulita jana na gok parmaraan? Hape biasi didok hamu sai na giot bebas hamu, jana nada ra be mulak mangulahi tu Au?

JEREMIA 25:3

“Mamungka sian taon patolu bolaskon dung mamarenta si Josia anak ni si Amon, raja di Juda, lopus tu sadari on, jadi madung dua pulu tolu taon honokna, hata ni Debata dipalalu tu au, jana nada unjung lupa au palaluhon hata i tu hamu, tapi nada ra hamu manangihonsa.

JEREMIA 25:4

Nada ra hamu manangihon sanga mamparrohahon, haru pe nian marpupu disuru Tuhan tu hamu angka panurirang, angka naposoNia.

JEREMIA 25:7

Hape Tuhan i sandiri mandok na so ditangihon hamu do Ia. Mur dialap-alapi hamu muse do anso gilap murukNia hara ni angka gana-ganaanmunu i. Hamu sandiri do mangalap-alapi uhuman tu hamu.

JEREMIA 25:8

Hara ni na so ra hamu manangihon hata na nidokNia, gabe didok Tuhan Na Markuaso i ma,

JEREMIA 3:24

Anggo na manyomba tu Baal, gana-ganaan na pailahon i hum na mambaen hamamago do i tu angka dakdanaknami dohot tu lombu maradu biri-biri, i ma sasudena na dung dikarejohon ni ompunami mamungka sian narobi.

JEREMIA 3:25

Jadi padiar ma maila hami jana padiar ma marlayas hami. Angke madung mardosa hami dohot ompunami maradopkon Tuhan Debatanami, jana nada jungada hami oloi angka parentaNia.”

JEREMIA 32:30

Sian mulana do dibaen halak Israel dohot Juda na so sonang rohangKu. Sai dipagilap-gilap halahi do muruk ni rohangKu marhite hajahatan ni parbuatan ni halahi.

JEREMIA 35:15

Torus do marpupu Husuru naposongKu, sude angka panurirang tu hamu, jana madung dipaingot halahi hamu laho padenggankon pangalahomunu jana anso mantak hamu mambaen jahat. Dipaingot halahi do hamu anso ulang mamele tu angka debata jana anso ulang mangoloi tu halahi, anso tarbaen hamu torus maringanan di luat na dung Hulehen on tu hamu dohot tu ompumunu. Hape nada ra hamu mamparrohahon jana nada ra hamu manangihon.

JEREMIA 48:11

Pandok ni Tuhan, “Sian najolo aman do Moab. Na so unjung dope i dioban tu habuangan. Songon aek ni anggur do ia na dipadiar mindo, jana na so jungada diusehon tu inganan na asing. Laing matua huskus anggurna i jana tabo.

JEREMIA 6:16

Didok Tuhan ma tu bangsoNia, “Jongjong ma hamu di angka sirpang ni dalan, jana tangkas pamanat hamu! Sapai hamu ma angka dalan narobi, jana dia na dumenggan sian i. Ihutkon hamu ma dalan i, anso sonang hamu di ngolu on.” Hape didok halahi do, “Nada ra hami mangihutkon dalan i!”

JEHESKIEL 20:13

Hape di padang parhorsihan i, dialo halahi muse do Au. Dilaosi halahi do angka tona na sian Au na manjamin mangolu tongtong sanga ise na patuluskonsa. Gabe hodar jana ramun dibaen halahi Ari Sabat i. Hara ni i, di parhorsihan i madung nian hobas Au laho palalu murukKu tu halahi dohot mamusa halahi.

JEHESKIEL 20:21

Hape angka na umposo i pe manggagai do tu Au. Dilaosi halahi do angka tona na sian Au jana dipasiding halahi do parenta na sian Au, na manjamin tongtong mangolu sanga ise na mandalankonsa. Jadi hara ni i madung hobas Au laho palaluhon murukKu maradopkon halahi di parhorsihan i jana mamunu halahi sude.

JEHESKIEL 20:28

Huoban ma halahi tu tano na dung Hujanjihon tu halahi. Di na niida ni halahi angka dolok na gincat dohot angka hayu na rumbun, dipelehon halahi ma haul tu sude hayu dohot dolok i. Dialap-alapi halahi ma anso muruk au marhite angka haul situtungon dohot pelean anggur ni halahi i.

JEHESKIEL 20:8

Tapi dialo halahi do Au jana nada ditangihon halahi. Nada ra halahi mangambungkon angka patung sihagigian i jana nada ra halahi mantak marsomba tu gana-ganaan ni Mesir i. Dompak disi dope halahi madung hobas Au palalu murukKu tu halahi.

ZEPANYA 3:2

Nada ra i manangihon jana nada ra manjagit sipaingot. Nada porsaya tu Tuhan jana nada ra mangido tolong tu Debata.

ZAKARIA 7:7

Nada he on ma hata ni Tuhan na nipalalu marhite angka panurirang na jolo, hatiha Jerusalem dohot angka kota na humaliangna diingani angka jolma di bagasan sonang, dohot tano Negeb jana dohot luat partoran laing di ingani?

PANGARATAION 31:27

Huboto do sanga na bia jogal ni roha ni bangso i jana na sai tagi-tagi mangalo. Na dung mangalo do halahi tu Tuhan salolot mangolu au, jana mur mangalo dope i muse dung marujung ngolungku.

PANGARATAION 9:24

Sian dung hutanda hamu, sai matua na mangalo do hamu tu Tuhan.

PANGARATAION 9:7

Ingot hamu sanga na bia dibaen hamu gabe muruk Tuhan Debatamunu di parhorsihan i. Mamungka sian ari disi ditadingkon hamu Mesir, lopus tu ari parlalumunu dison, na dung mangalo do hamu tu Tuhan.