JEREMIA 22:15 - BIBEL JAMITA NA DENGGAN

^15-16 Muda dipajongjong ho bagas godang mamake hayu sampinur Libanon na jumegesna, i ma he tandana paboa ho ma raja na dumenggan sian angka raja na asing? Ingot ma jolo tu amangmu. Didai ia do ngolu na sonang jana mardohar do ia di sude karejonia, angke tigor jana lidang do ia tongtong jana tigor do dibaen ia parkaro ni halak na pogos.

JEREMIA 22:15 ပူးပေါင်းရင်းမြစ်များ

2 SAMUEL 8:15

Songon i ma si Daud mamarenta di sude Israel jana dijago ia do rayatnia i anso sai dipatupa na tigor dohot na denggan tu halahi.

1 RAJA-RAJA 10:9

Sipujion do Tuhan, Debatamu! Diangkat Ia antong tuan i gabe raja ni Israel, i ma tandana na jop roha ni Tuhan maradopkon tuan i. Nada marnamantak Ia mangkaholongi Israel, hara ni i ma umbaen na diangkat Ia tuan i gabe raja ni halahi, anso laing tarpatulus tuan i manjongjongkon tona dohot hatigoran.”

2 RAJA-RAJA 22:2

Dipatupa si Josia do na pasonangkon roha ni Tuhan; tiruan ni ompuna Raja Daud do diihutkon ia, jana dioloi ia do sude tona ni Debata sasingkopna.

2 RAJA-RAJA 23:25

Nada unjung dope adong sada raja na songon Raja Josia pangoloina tu Tuhan sian sasude situtu ni rohana jana na patuduhonsa di sude pardalan ni ngoluna dohot pangalahona, hombar tu sude tona na dapot di buku ni si Musa. Dung Raja Josia, nada adong be raja na songon ia.

1 JUJUR TAON 3:15

Adong do opat anak ni si Josia, i ma si Johanan, si Joyakim, si Zedekia dohot si Joahas.

2 JUJUR TAON 34:2

Dipatupa ia do na pasonangkon roha ni Tuhan, diihutkon ia do tiruan ni Raja Daud ompuna i, jana dihaburjuhon ia do mangoloi uhum ni Debata sian sude rohania.

2 JUJUR TAON 35:22

Tapi laing karas do si Josia laho mangalo. Nada ra ia mangihutkon na nidok ni Debata marhite Raja Neko i. Pauba rupa ma ia jana kehe ia masuk tu parporangan na di tano napa Megido.

2 JUJUR TAON 35:26

Barita na asing salaho tu si Josia, holong ni rohania tu Tuhan, pangoloionnia tu Tona Ni Tuhan,

PODA 20:28

Muda mardongan hatigoran, holong dohot setia raja mamarenta, gabe totop ma markuaso ia.

PODA 21:3

Sumonang do roha ni Tuhan mida hatigoran dohot hatutuan ni pambaenanmu, ulang pado sasude na nihaulkonmu.

PODA 25:5

Paruar ma angka panuturi na jahat sian bagas godang, baru pe togu pangarajaion hara ni hatigoran.

PODA 29:4

Muda dirohahon parkuaso hatigoran, togu ma negarana. Tapi muda hepeng dirohahon, maronco ma luatna.

PODA 31:9

Manghatai ma ho pajongjongkon hatigoran. Pahot ma hak ni halak na pogos dohot na dangol.”

PARJAMITA 10:17

Mardohar do luat na marrajahon na marsahala, na mangan di hatihana angka na marpangkatna, na so ra mabuk jana na malo mangorom dirina.

PARJAMITA 2:24

Nada adong be na dumenggan di jolma sian na mangan, minum dohot na mangkilalahon parkarejoan dohot suha ni karejona. Hupangkilalahon do sudena i, silehen-lehen ni Debata do.

JESAYA 3:10

Dokkon ma martua halak na tigor! Harana panganan ni halahi ma suha ni parkarejoanna.

JESAYA 33:16

Jadi gabe malua do hamu jana sonang, songon na tinggal di bagasan benteng na togu. Singkop do sipanganon dohot siinumon di hamu.

JESAYA 9:7

Mur tu godangna do kuasonia, jana tongtong dame harajaannia. Ia ma raja na songon panggonti ni si Daud, marojakan tu hatigoran dohot hasintongan do harajaannia sian mulai saonnari lalu tu salolotna. Angkon tulus sudena i baenon ni Tuhan Na Markuaso i.

JEREMIA 22:18

Hara ni i, taringot tu si Joyakim raja ni Juda anak ni si Josia, didok Tuhan songon on, “Nada tangisan ni halak hamamatenia, nada adong na mandok, ‘Iale, dongan iale.’ Nada adong na marhabot ni roha sanga na pio-pio, ‘Ibo roha mida raja i atehe!’

JEREMIA 22:3

“Tigor jana jujur ma pambaenanmunu! Palua ma halak na hona incop sian tangan ni halak na mangincopsa. Ulang ma manjahati sanga manyosak hamu tu halak na leban, dakdanak na so marama so marina, sanga na mabalu. Ulang ma bunu hamu halak na so marsala di inganan on, ninna Tuhan.

JEREMIA 23:5

Didok Tuhan ma, “Dapot do i hatihana, patubuonKu ma di pomparan ni si Daud sada tunas na tigor. Marhite bisuk mamarenta raja i, jana patulusonna hatigoran dohot hatutuan di sandok luat.

JEREMIA 42:6

Na denggan bope na jat, sai tangihononnami do sora ni Tuhan, Debatanta, paboa na dung hami suru ho tuSia, anso denggan hami hara ni na dung hami bege sora ni Tuhan, Debatanta.”

JEREMIA 7:5

Pauba hamu ma ngolu dohot pangalahomunu. Baen hamu ma na tigor na sada tu na asing.

LUKAS 11:41

Na adong di bagasan mangkuk dohot pingganmunu i, i ma nian silehenonmunu tu angka halak na pogos. Di pangalaho na songon i ma gabe ias sudena i di hamu.

BAENON NI ANGKA RASUL 2:46

Ganop ari marlagut do halahi di Bagas Ni Debata; marmoga-moga jana martoruk ni roha, rap mamonggoli roti halahi di angka bagas ni halahi. Jana rap mangan ma halahi di bagasan jop ni roha dohot toruk ni roha;

1 KORINTUS 10:31

Sanga aha pe na nibaenmunu – mangan sanga minum hamu – pasangapkon Debata ma baen hamu sudena i.

PANGARATAION 4:40

Oloi hamu ma sandok aturan na hulehen tu hamu sadari on, jadi gabe horas ma hamu dohot pomparanmunu. Sai torus ma hamu mangolu di tano na nilehen ni Tuhan na gabe hamu puna salolot-lolotna.”