JEREMIA 22:14 - BIBEL JAMITA NA DENGGAN

¹⁴ Marjaya muse ma halak na mandok, “Giot pajongjongonku ma bagas godang na godang, marbilik-bilik na godang di tingkat parginjang.” Dung i dibaen ia ma di bagas godang i jandela na marbingke hayu sampinur Libanon, jana dicet na rara.

JEREMIA 22:14 ပူးပေါင်းရင်းမြစ်များ

2 SAMUEL 7:2

Jadi didok ia ma tu Panurirang Natan, “Ligi ma, anggo au maringanan di bagas godang na sian hayu sampinur Libanon do, hape Poti Parjanjian ni Debata disimpan hum di bagasan bandar sajo do!”

2 JUJUR TAON 3:5

Ruang tongana i dipapani do dohot hayu sampinur Libanon jana dilampis dohot sere na matobang na diukir dohot gambar ni bona ni harambir dohot hiasan na marrangging-rangging.

PODA 17:19

Halak na sai tagi martongkar hamaolon do na nihagiotanna. Halak siruak baba do na olo patida-tidahon, hagaoran dijalahisa.

PODA 24:27

Ulang marrumahtangga, anggo so jolo diparade ho ladangmu jana adong pancarianmu.

ENDE NA GODANG 1:17

Hayu aras do gabe tiang ni bagasta jana hayu sampinur do lotengna.

JESAYA 9:9

Padiar ma sude bangso i umbotosa, i ma Efraim dohot rayat Samaria na marhite gakgak dohot ginjang ni rohana mandok,

JEHESKIEL 23:14

Mur honok, mur so ture do si Oholiba. Sai na jeges do di rohania angka gambar na digorgahon di dingding suman-suman ni halak Kasdim jana na dirarai dohot mudar.

DANIEL 4:30

didok ia ma, “Ligi da, na jeges ma antong kota Babel! Au ma da na mambangun i gabe kota sabungan ni negara laho patandahon kuaso ni hagogoonku, hagodangan dohot habonggalonku!”

AMOS 6:8

Madung marsumpa Tuhan Debata hara ni diriNa sandiri, – songon on ma didok Tuhan, Debata Na Markuaso –, “Magigi do Au mida haginjangon ni roha ni Israel on; nada jop rohangKu mida angka bagas godang dohot angka bagas ni halahi na jeges-jeges i. PasahatonKu ma tu musu kota sabungan ni halahi rap dohot sude na adong di bagasanna.”

HAGAI 1:4

“Ale bangsongKu biasi maringanan di bagasan bagas na tohong jana togu hamu, hape bagasKu sandiri laing tinggal sego-segona?”

MALEAKI 1:4

Sugari rupani didok halak Edom pomparan ni si Esau i, “Madung dironcohon angka hutanami, tapi bangunonnami ma i mangulahi,” jadi alusan ni Tuhan Na Markuaso i ma, “Haru pe dibangun halahi mangulahi, rumpakkononKu do i muse. Goaron ni halak ma halahi ‘Tano na durako’ dohot ‘Bangso na nimuruhan ni Tuhan sapanjangna.’ ”