JEREMIA 22:11 - BIBEL JAMITA NA DENGGAN

¹¹ Taringot tu si Joahas, anak ni si Josia na gabe raja di Juda manggontihon amangna, didok Tuhan songon on, “Madung kehe ia sian on jana nada mulak be ia.

JEREMIA 22:11 ပူးပေါင်းရင်းမြစ်များ

2 RAJA-RAJA 23:29

Hona bunu ma Raja Josia di Megido di na kehe ia tusi mandapotkon si Neko raja ni Mesir na topet hatiha ro rap dohot tentarania laho mamorangi raja Asur na di topi ni Batang aek Efrat.

2 RAJA-RAJA 23:30

Dibuat angka pagawena i ma bangke ni Raja Josia i jana dioban halahi ma markareta mulak tu Jerusalem. Disi ma ia dikuburkon di kuburan ni raja-raja. Dung i dipili jana diangkat rayat ni Juda ma anaknia si Joahas gabe raja gontinia.

2 RAJA-RAJA 23:31

Marumur dua pulu tolu taon ma si Joahas di na gabe raja ia di Juda, jana tolu bulan do honokna mamarenta ia di Jerusalem. Si Hamutal do goar ni inangnia boru ni si Jeremia sian kota Libna.

2 RAJA-RAJA 23:34

Dung i diangkat Raja Neko ma si Eliyakim anak ni si Josia gabe raja ni Juda, jana digonti ia ma goarna gabe si Joyakim. Dioban ia ma si Joahas tu Mesir jana disi ma marujung ngoluna.

1 JUJUR TAON 3:15

Adong do opat anak ni si Josia, i ma si Johanan, si Joyakim, si Zedekia dohot si Joahas.

2 JUJUR TAON 28:12

Adong do opat halak na godang sian Israel na mangalo tu tindakan ni tentara na mulak i, i ma si Asarya anak ni si Johanan, si Berekia anak ni si Mesilemot, si Jehiskia anak ni si Salum, dohot si Amasa anak ni si Hadlai.

2 JUJUR TAON 34:22

Hombar tu parenta ni raja i, kehe ma si Hilkia dohot na deba nari i martahi tu sada anakboru na margoar si Hulda, sada halak panurirang na maringanan di parhutaan na imbaru na di Jerusalem. (Halaklahina si Sallum anak ni si Tikwah jana pahompu ni si Harhas, mangurus pakean ibadat do karejonia di Bagas Ni Debata.) Dibege si Hulda do sude na nipatorang ni halahi i.

JEREMIA 22:27

Sun ma lungun ni rohamunu tu luat on, tapi nada mulak be hamu tuson.”

ZEPANYA 1:1

On ma hata ni Tuhan tu si Zepanya anak ni si Kusi, i ma anak ni si Gedalya, i ma anak ni si Amarya, i ma anak ni si Hiskia, taran di tingki ni si Josia anak ni si Amon raja di Juda.