JEREMIA 22:10 - BIBEL JAMITA NA DENGGAN

¹⁰ Hamu halak Juda, ulang ma hamu marsak hara ni parmonding ni Raja Josia. Si Joahas anakna i ma tangisi hamu angke madung hona oban ia jana nada mulak be. Nada idaonna be tano hatubuanna.

JEREMIA 22:10 ပူးပေါင်းရင်းမြစ်များ

2 RAJA-RAJA 22:20

Hara ni i, nada patuluson be uhuman i tu Jerusalem salolot mangolu ho. Di bagasan dame do ho laho marujung ngolumu.” Jadi mulak ma angka na nisuru i mandapotkon raja i jana dipalalu halahi ma tona i.

2 RAJA-RAJA 23:29

Hona bunu ma Raja Josia di Megido di na kehe ia tusi mandapotkon si Neko raja ni Mesir na topet hatiha ro rap dohot tentarania laho mamorangi raja Asur na di topi ni Batang aek Efrat.

PARJAMITA 4:2

Mangiburu do au marningot angka halak na dung honok marujung ngoluna harana martuaan do halahi ulang pado na mangolu.

JESAYA 57:1

Mate halak partigor, jana nada adong sahalak pe na mampardulihonsa; angka halak na alim hona sintak hosana, jana nada adong na mangantureskonsa; tutu, hara ni na dung rarat hajahaton, hona sintak ma hosa ni halak partigor.

JEREMIA 16:7

Nada adong muse na giot mambaen pangapulion laho mangapoi halak na marsiluluton. Nada adong halak na dohot mararsak ni roha, haru pe tu halak na agoan ama sanga ina.

JEREMIA 22:11

Taringot tu si Joahas, anak ni si Josia na gabe raja di Juda manggontihon amangna, didok Tuhan songon on, “Madung kehe ia sian on jana nada mulak be ia.

JEREMIA 22:18

Hara ni i, taringot tu si Joyakim raja ni Juda anak ni si Josia, didok Tuhan songon on, “Nada tangisan ni halak hamamatenia, nada adong na mandok, ‘Iale, dongan iale.’ Nada adong na marhabot ni roha sanga na pio-pio, ‘Ibo roha mida raja i atehe!’

JEREMIA 22:27

Sun ma lungun ni rohamunu tu luat on, tapi nada mulak be hamu tuson.”

JEREMIA 25:27

Dung i didok Tuhan ma tu au, “Dokkon ma tu angka jolma i, bahaso Au Tuhan Na Markuaso, Debata ni Israel, marsuru halahi minum lopus mabuk jana muta-uta. Hubaen halahi tinggang jana nada lobassa be jongjong hara ni parporangan na Huparo tu halahi.

JEREMIA 28:4

ObanonKu muse ma si Joyakin anak ni si Joyakim raja ni Juda i rap dohot sude rayat ni Juda na hona oban tu Babel. Satutuna do, tipulkononKu ma hagogoan ni Babel. Au Tuhan, madung mandok songon i.”

JEREMIA 42:18

Songon dia pangalaluhonKu, Au Tuhan Na Markuaso, Debata ni Israel, di hamumurukKu dohot hosom ni rohangKu tu halak Jerusalem, songon i muse ma palaluonKu hosom ni rohangKu tu hamu na kehe tu Mesir i. Gabe mabiar ma halak mida hamu; incahanna hamu, jana goarmunu baenon ni halak gabe songon bura. Nada idaonmunu be bona bulumunu on.”

JEREMIA 44:14

Sian halak Juda na teba i na kehe tu Mesir laho maringanan disi, sahalak pe nada adong na malua sanga mangolu. Sahalak pe sian halahi nada adong be na mulak tu Juda, haru pe lungun sajo roha ni halahi. Tutu do nada adong be na mulak sian halahi asing ni na mangungsi piga-piga halak.”

ANDUNG 4:9

Maruntungan noma mate di parporangan, sian na mate malean. Mardangol halahi boti muli-muli markancit, hara ni na so adong panganon sian ladang.

JEHESKIEL 24:16

“Ale jolma parsantongkinan di sada hatiha buatonKu ma jolma hasudungan ni rohamu. Tapi nada tola mangandung sanga tangis ho, sanga pe padiarkon marabur ilumu.

LUKAS 23:28

Ditailihon Jesus ma tu halahi jana didok Ia ma, “Hamu angka boru Jerusalem! Ulang ma tangisi hamu Au. Dirimunu sandiri dohot angka dakdanakmunu ma tangisi hamu.