JEREMIA 21:9 - BIBEL JAMITA NA DENGGAN

⁹ Ganop halak na tinggal di bagasan kota mate ma baenon ni podang, tangkuraparon sanga nyae masa. Tapi sanga ise na haruar laho tunduk tu halak Babel na mamorangi kota on, malua do halahi jana nada hona bunu.

JEREMIA 21:9 ပူးပေါင်းရင်းမြစ်များ

JEREMIA 14:12

Haru pe puaso halahi, nangkon na ra Au manerge pio-pio ni halahi mangido tolong; jana haru pe dihaulkon halahi tu Au haul situtungon dohot haul gandum, nangkon na sonang rohangKu mida halahi. Tapi marhite porang, haleon dohot hamamasa ni nyae giot pangabisonKu halahi.”

JEREMIA 21:7

Ho dohot angka pagawemu maradu angka jolma na malua sian parporangan, tangkuraparon dohot nyae masa, padiaronKu sudena i hona tangkup baenon ni Raja Nebukadnesar dohot baenon ni angka musu na giot mamatehon ho. Bunuon ni si Nebukadnesar ma hamu sude nada adong ampunan dohot ibo ni rohana. Au Tuhan, mandok songon i.”

JEREMIA 24:10

ParoonKu tu halahi parporangan, tangkuraparon, dohot nyae masa lopus marmatean halahi sude jana umpe sada na tading di luat na dung Hulehen on tu halahi dohot ompu ni halahi.”

JEREMIA 27:11

Tapi anggo bangso na ra tunduk jana mangoloi tu raja ni Babel, padiaronKu do maringanan di bona buluna sandiri, jana martani disi. Au Tuhan, madung mandok songon i.”

JEREMIA 27:12

Hupalalu muse ma songon i tu si Zedekia raja ni Juda. Hudok ma, “Manyora ma da tu raja ni Babel. Tunduk ma da ho tusia dohot tu bangsonia i, anso malua raja i.

JEREMIA 27:13

Madung didokkon Tuhan, sanga bangso dia na so tunduk tu raja Babel mate ma baenon ni porang, tangkuraparon dohot nyae masa. Biasi ra raja i dohot rayat songon i parmatena?

JEREMIA 39:18

Nada bunuon ho, angke giot paluaonKu do ho. Malua do hosamu angke marpangunsandean do ho tu Au. Au Tuhan, Au do na mandok i.”

JEREMIA 45:5

Biasi dijalahi ho hagodangon ni dirimu? Ulang jalahi i. Angke satutuna paroonKu ma parhancitan tu sude na mangolu, songon i ma didok Tuhan. Tapi anggo tu ho lehenonKu do ngolu songon gonti ni sude inganan na giot bolusonmu.”

JEHESKIEL 5:12

Sapartolu sian jolma na mangingani ho, mate ma i hara ni nyae masa dohot baenon ni haleon potir na masa di kota i. Sapartolu hona sambol baenon ni podang humaliangmu, jana sapartolu nari sarsarkononKu sun tu dia jana paihut-ihuton ni podang sian pudi baenonKu.