JEREMIA 21:6 - BIBEL JAMITA NA DENGGAN

⁶ BunuonKu ma halak na mangingani kota on; bope jolma sanga binatang marmatean ma baenon ni nyae masa na jorbut.

JEREMIA 21:6 ပူးပေါင်းရင်းမြစ်များ

PAMUNGKAAN 6:7

jabat didok Ia, “Huabiskon noma jolma na Hutompa on, dohot sude binatang bope angka unggas i, harana manyosal do Au manompa halahi.”

JESAYA 6:11

Marsapa ma au, “Sadia honok ma na songon on ale Tuhan?” AlusNia, “Lopus gabe tinggal sego-segona sajo angka kota jana mamolngit, lopus nada diingani be angka bagas, lopus rumar tano i jana nada tubuan sanga aha.

JEREMIA 14:12

Haru pe puaso halahi, nangkon na ra Au manerge pio-pio ni halahi mangido tolong; jana haru pe dihaulkon halahi tu Au haul situtungon dohot haul gandum, nangkon na sonang rohangKu mida halahi. Tapi marhite porang, haleon dohot hamamasa ni nyae giot pangabisonKu halahi.”

JEREMIA 16:4

Marmatean do halahi hona nyae na mambaen mate, jana marmatean ma halahi di parporangan sanga mate tangkuraparon. Sahalak pe nada adong na manangisi halahi sanga na manguburkonsa. Marampar do bangke ni halahi songon rompak-rompak di tano i, jana dipapangani unggas ma i dohot angka binatang.

JEREMIA 20:4

Tuhan sandiri mandok, ‘BaenonKu ma ho gaor di bagasan dirimu sandiri dohot di angka donganmu. Idaon ni matamu ma halahi bunuon ni musu ni halahi. PadiaronKu ma sude halak Juda patunduhon ni Babel; haldungonna deba sian halahi gabe taban tu Babel jana tebana i mate niuhuman.

JEREMIA 32:24

Madung dipajongjong halak Babel angka tembok humaliang ni kota on laho manghobuk dohot mangarampassa jana saonnari mangaroro ma halahi. Parporangan, tangkuraparon dohot nyae masa ma mambaen madabu kota on tu tangan ni halahi. Diida Ho do tulus sude sandok na nidokkonMu.

JEREMIA 33:12

Didok Tuhan Na Markuaso i ma, “Nada diingani jolma sanga binatang luat na songon padang halongonan on. Tapi haru songon i pe adong do i muse di pudian ni ari angka padang hatubuan ni duhut inganan ni halak marmahani angka biri-birina.

JEREMIA 34:17

Hara ni i Au Tuhan mandok, anggo hamu madung mangalaosi tu parentangKu; nada dipalua hamu dongan sabangsomunu Israel. Antong saonnari Hulehen ma hamu bebas mamili: Bebas laho mate di partempuran, mate dibaen nyae masa, sanga mate tangkuraparon. Giot baenonKu mabiar bangso na satano on mida sipamasaonKu tu hamu.

JEREMIA 36:29

Disuru Tuhan ma au mandok songon on tu raja i, “Madung ditutung ho surat balunan i, jana nada disapai ho tu si Jeremia sanga hara ni aha umbaen na disuratkon ia bahaso giot ro raja ni Babel mangaroncohon luat on lalu mamunu halakna dohot angka pahan-pahananna.

JEREMIA 42:22

Antong, ingot hamu ma: Di tano por ni roha na giot topoton dohot ingananmunu i, disi ma hamu mate baenon ni porang, sanga hara ni haleon potir sanga baenon ni nyae masa.”

JEREMIA 7:20

Au Tuhan Debata, padondonkononKu ma murukKu na jorbut i tu bagas paribadatan on, tu jolma dohot tu binatang dohot tu suan-suanan dohot tu suha ni tano. Marjimbur-jimbur ma murukKu songon api na so haintopan.”

JEHESKIEL 12:16

Adong do saotik sian halahi na giot paluaonKu sian parporangan, sian tangkuraparon dohot nyae, anso diboto halahi di tonga-tonga ni bangso sileban i hajorbuton ni pambaenan ni halahi. Jadi okuon ni halahi ma disi, Au do Tuhan.”

JEHESKIEL 14:13

muda mardosa sada luat nada setia tu Au, na giot uhumanKu do negara i. RoncohononKu ma bohal simpanan ni halahi, Huparo haleon potir jana Hubunu jolmana bope pahan-pahananna.

JEHESKIEL 14:17

Bolas jadi do Huparo porang tu luat i, lalu ningKu do, abisi ma tano i ho ale podang, gabe abis Hubaen sian i jolma dohot pahan-pahanan.

JEHESKIEL 14:19

Bolas jadi Huparo nyae masa tu luat i, jana palalu hosom au tu halahi lopus abis jolma sanga pahan-pahanan.

JEHESKIEL 14:21

Didok Tuhan Debata i: “DabuhononKu ma uhuman na jumorbut tu kota Jerusalem laho mamusa jolma bope pahan-pahanan. Uhuman i, i ma: Porang, tangkuraparon, binatang panyoro dohot nyae.

JEHESKIEL 33:27

Mangasahon Au Na Mangolu, ninna Tuhan Debata, angkon mate tarbunu noma angka jolma na maringanan di lobu ni kota na sego i. Angka na maringanan di padang-padang, panganon ni angka binatang panyoro noma i. Angka na martabuni di dolok-dolok dohot angka liang, mate ma i baenon ni nyae masa.

JEHESKIEL 33:29

Di na hona uhum baenonKu bangso i hara ni angka dosa ni halahi jana mamolngit Hubaen luat i, gabe botoon ni halahi ma Au do Tuhan.”

JEHESKIEL 7:15

Di angka dalan na di kota marbadai jolma, di angka bagas ro nyae masa dohot na tangkuraparon. Sanga ise na di balian ni kota mate di bagasan parbadaan noma i, jana na tinggal di kota gabe mate baenon ni nyae noma i dohot tangkuraparon.

HOSEA 4:3

Jadi hara ni i gabe mahiang ma luat on, jana mate noma sandok na mangolu disi. Susa ma sude ragam ni binatang na di awang-awang, na di darat dohot na di laut.”

MIKA 3:12

Hara ni hajahatanmi, pangkuran noma Sion songon ladang. Jerusalem gabe timbunan ni angka batu, jana dolok ni Bagas Na Badia gabe gasgas.

ZEPANYA 1:3

sude jolma dohot binatang sude unggas dohot ihan. PutusanKu noma sandok jolma manusia, sahalak pe nada paloasonKu be mangolu. Au Tuhan, madung mandok songon i.

LUKAS 21:24

Adong ma na dibunu dohot podang, adong muse ma i na dioban gabe taban tu angka luat ni halak; jana dege-degeon ni halak ma Jerusalem lopus abis hatiha na dung nitontuhon ni Tuhan i tu halahi.”