JEREMIA 21:14 - BIBEL JAMITA NA DENGGAN

¹⁴ Tapi uhumanKu ma ho patunda ni parbuatanmu. SurbuonKu ma bagas godangmi, jana puntung muse ma sandok na adong di Humaliangna. Au Tuhan, madung mandok songon i.”

JEREMIA 21:14 ပူးပေါင်းရင်းမြစ်များ

2 JUJUR TAON 36:19

Ditolbakkon ia ma tembok ni kota Jerusalem jana disurbu ia kota i dohot Bagas Ni Tuhan maradu bagas godang maradu sude angka barang sigodang arga na adong dope di bagasan angka bagas godang i.

PODA 1:31

Jadi, patunda ni angka parbuatanmunu i rasoanmunu ma i lopus gabe mardangol hamu.

PODA 12:14

Sian hata dohot parbuatanna do halak nitanda, jagitonna do upana marguru tu pambaenanna.

JESAYA 10:12

Tapi didok Tuhan ma, “Anggo dung sidung do na giot baenonKi di Dolok Sion dohot di Jerusalem, uhumonKu do raja ni Asur i hara ni ginjang ni rohana dohot gakgakna.”

JESAYA 10:16

Dibaen madung manyombong halak Asur, paroon ni Tuhan Na Markuaso i ma nyae laho manguhumi angka perwira na mamokmohi saonnari. Hona arun na lobi milas ma halahi songon api na torus manutungi.

JESAYA 24:21

Di hatiha i, uhuman ni Tuhan ma angka na markuaso di awang-awang na so martopi i dohot angka raja na di tano on.

JESAYA 37:24

Ditongos ho ma suruanmu mamburas, na dung nitaluhonmu marhite sude kareta porangmi angka dolok pargincat na di Libanon. Manggodang ma ho mandok na dung ditaba ho angka bona ni sampinur na gumincat dohot na jumegesna disi, jana dibolusi ho angka harangan godang na tumobangna i.

JEREMIA 11:16

Jungada do Hugoari halahi bona ni zetun na rumbun, gok parbatuna na jeges. Hape anggo saonnari marhite sora na mangaronggur giot tipulkononKu ma sude rantingna i jana Hututungi angka bulungna i.

JEREMIA 11:22

Jadi hara ni i, didok Tuhan Na Markuaso i ma, “UhumanKu ma halahi! Marmatean di parporangan ma angka doli-doli ni halahi; angka dakdanak ni halahi mate tangkuraparon.

JEREMIA 17:10

Au do Tuhan na mandodo roha; Huuji do ate-ate ni jolma. BaloskononKu do tu ganop hombar tu pangalahona; jana Hubaen hombar tu pambaenanna.”

JEREMIA 17:27

Tarjadi ma sudena i muda dung marpangoloion hamu tu Au jana diparbadia i hamu Ari Sabat i songon ari na mardohonan. Ulang maroban barang bagi aha pe hamu mamolus sian angka horbangan ni Jerusalem anggo di ari i. Muda dilanggar hamu do angka na Huparentahon i, tutungonKu abis angka horbangan ni Jerusalem i dohot angka bagas godang na disi jana nada haintopan api i.’ ”

JEREMIA 22:1

Songon on ma didok Tuhan, “Kehe ma ho tu bagas godang ni raja Juda jana palaluma hata on!

JEREMIA 22:7

Giot tongosonKu halak mangaroncohonsa. Maroban pato ma halahi jana parunggalkononna ma angka tiangna na jeges-jeges i na nibaen sian hayu sampinur Libanon. Dung i sampakkonon ni halahi ma i tu api.

JEREMIA 32:19

Sumurung do angka sangkapMu jana hahomangan do angka pambaenanMu; diida Ho do sude pambaenan ni jolma, jana dibalos Ho do tu halahi hombar tu pambaenan ni halahi.

JEREMIA 46:23

jana songon na mangarabi harangan godang lopus sae sude. Nada taretong bahat ni tentara ni musu i, umbahat sian siapor. Au Tuhan mandok.

JEREMIA 50:32

Tartuktuk ma bangsomu siginjang roha i jana tinggang. Sahalak pe nada adong na mangurupi laho pajongjongkon ho. SurbuonKu ma angka kotamu, jana sandok na adong humaliang ni kota i, Huabisi.”

JEREMIA 52:13

Disurbu si Nebusaradan ma Bagas Ni Debata, bagas godang ni raja i dohot sude bagas ni halak na godang-godang di Jerusalem.

JEREMIA 6:19

Parrohahon ma ale portibi! Nada ra bangsongKu manjagit pangajaranKu jana nada mangoloi tu Au. Hara ni angka tahi ni halahi, Huparo ma parmaraan tu halahi.

JEREMIA 6:29

Madung nian sun milas ni pandakdak, hape laing so ra do malala jana mago logam na so marguna. Nada adong gunana sai torus diuji bangsongKi laho papitahon angke nada dipasiding angka halakna na jahat i.

JEREMIA 9:25

Didok Tuhan ma, “Dapot do i hatihana, uhumanKu halak Mesir, Juda, Edom, Amon, Moab dohot halak na mangingani padang halongonan na manggusting pendek obukna. Na dung marsunat do sude angka jolma i, hape halahi sandiri bope halak Israel nada maniop parjanjianKu na nigambarkon ni sunat i.”

ANDUNG 2:3

Di bagasan parpiar ni murukNa, gogo ni Israel diponggolkon Ia. Taran ro musu mangaroro, nada ringkot rohana mangalehen pangurupiNia. Songon api na manggasa-gasa mangabisi sasudena, songon i ma Tuhan muruk tu Israel.

JEHESKIEL 21:3

Au Tuhan mandok songon on, ‘Musumu do Au. SintahonKu ma podangKu jana bunuonKu hamu sude, na jahat dohot na burju.

MIKA 7:13

Tapi anggo tano on gabe gariang noma hara ni hajahatan ni halak na manginganisa.

ZAKARIA 11:1

O ale Libanon ungkap ma angka pintumi! Anso dipangan api angka bona ni arami