JEREMIA 21:13 - BIBEL JAMITA NA DENGGAN

¹³ Satutuna gabe alomu ma Au, o kota na di ginjang ni rura, dolok batu di adaran; Au Tuhan mandok songon i, o hamu na mandok: Ise ma he na puluk ro tu hami jana ise ma he na puluk masuk tu inganannami?

JEREMIA 21:13 ပူးပေါင်းရင်းမြစ်များ

MASMUR 125:2

Songon angka dolok na mangondingi Jerusalem, songon i ma pangondingi ni Tuhan di bangsoNa, saonnari ro di salolot-lolotna.

HARURUAR 13:20

Ditinggalkon halak Israel ma Sukot, jana marbandar ma halahi di Etam, di topi ni parhorsihan.

HARURUAR 13:8

Di parmulaan ni pesta i, angkon baritahononmunu do tu angka dakdanakmunu, dibaen hamu pe sudena i, i ma hara ni sasude na dung dibaen Tuhan tu hamu di na laho maninggalkon tano Mesir hamu.

JESAYA 22:1

On ma alatan taringot tu Rura Halumbaan: O hamu na maringanan di Jerusalem, biasi manaek hamu sude tu tarup ni bagas?

JEREMIA 17:3

dohot di angka dolok di balian ni kota. Hara ni sandok dosa na dung dipambaeni hamu di luat on sudena, baenonKu ma anso diangkat angka musumunu i sude arta dohot sinadonganmunu.

JEREMIA 21:5

Au sandiri giot mamorangi hamu sagogongKu jana mardongan gilap ni murukKu.

JEREMIA 49:16

Hona tipu ma ho baenon ni gakgakmu. Nada adong na mabiar mida ho songon na niambang ni rohamu. Maringanan di rigang ni batu ma ho, dao di puncut ni dolok an; tapi haru dibaen ho pe bagasmu di inganan na gincat situtu, sagincat ni asar ni unggas rajawali, paijuron ni Tuhan do ho sian i. Tuhan do mandokkon i sudena.”

JEREMIA 50:31

Babel, maginjangtu do rohamu! Hara ni i, Au Tuhan Debata Na Markuaso, mangalo ho. Madung hatihana uhumanKu ho.

JEREMIA 51:25

O ale Babel, tudos tu dolok do ho na mangaroncohon sude portibi on. Tapi Au Tuhan giot mangalo ho. TarihonKu ma ho jana Hupabalik jana Hupadiar puntung gabe tiranggong.

JEREMIA 7:4

Ulang haporsayai hamu hata gabus na mandok, ‘On ma Bagas Ni Tuhan, Bagas Ni Tuhan, Bagas Ni Tuhan.’

ANDUNG 4:12

Nada adong na porsaya sian tonga-tonga ni angka raja dohot halak na saportibi bahaso na bolas masuhan ni musu do angka horbangan ni kota Jerusalem.

JEHESKIEL 21:3

Au Tuhan mandok songon on, ‘Musumu do Au. SintahonKu ma podangKu jana bunuonKu hamu sude, na jahat dohot na burju.

JEHESKIEL 34:10

Au Tuhan Debata mandok tu hamu, musumunu do anggo Au. BuatonKu ma mangulahi angka biri-biringKi sian hamu nada Hupatola be hamu mamikirkon haporluanmunu sandiri. PaluaonKu ma angka biri-biringKi sian hamu, anso ulang be gabe panganonmunu halahi.’ ”

JEHESKIEL 5:8

Jadi, Au Tuhan Debata mandok, bahaso musumu do Au. UhumanKu ma ho di adopan ni angka bangso.

MIKA 3:11

Anso dapotan hepeng sogok do umbaen na mamarenta angka parkuaso ni kota, angka malim mangajarkon Uhum Ni Tuhan anso dapotan gaji, marjamita angka panurirang anso dapotan hepeng – dung i diambang halahi ma di pihak ni halahi Tuhan i. Didok halahi ma, “Di tonga-tonganta do Tuhan; nada pola ro parmaraan tu hita.”

NAHUM 2:13

“Musumu do Au,” ninna Tuhan Na Markuaso i, “TutunganKu ma sude angka karetamu lopus abis. Marmatean ma angka tentaramu di bagasan parporangan, jana pambuatanKu ma sandok na nipambuatanmu sian halak na asing. Nada habegean be angka tuntutan ni suruanmu.”