JEREMIA 20:8 - BIBEL JAMITA NA DENGGAN

⁸ Ganop mangkuling au, marsurak au sagogongku, “Hakejamon! Parmaraan!” Dipacia-cia jana dipalayas do au, Tuhan, ari-ari, hara ni na palaluhon tonaMi.

JEREMIA 20:8 ပူးပေါင်းရင်းမြစ်များ

2 RAJA-RAJA 2:23

Dung i kehe ma si Elisa sian Jeriko tu Betel. Di tonga dalan marroan ma angka dakdanak sian kota mangalayas-layasi tusia, “O palpal, palpal, morot ho sian on!” ning halahi marsurahi.

2 JUJUR TAON 36:16

Hape diparmayam-mayam halahi do angka utusan ni Debata i, dipartatai halahi angka panurirangNia jana nada ditangihon halahi hatana. Ujungna sun ma muruk ni Tuhan tu halahi jadi gabe nada adong be dalan ruar di halahi.

JESAYA 57:4

Ise do na nipartataanmunu? Ise do na niincahanmunu, hamu angka pargabus dohot pangalo?

JEREMIA 15:10

Na sial ma da au on! Tu aha do umbaen na ditubuhon dainang au? Angkon martongkar jana martangkangi au dohot sandok jolma na adong di luat on. So jungada au painjamkon sanga manginjam, hape haru songon i pe sude jolma mamurai au.

JEREMIA 15:15

Dung i hudok ma, “Diboto Ho do ale Tuhan. Ingot ma au jana urupi. Baloskon ma tu halahi na manyosak au. Ulang mabahattu sobarMu maradopkon halahi gabe sanga lalu dibunu halahi au. Ingot ma antong, hara ni Ho do da umbaen na marlayas au.

JEREMIA 17:27

Tarjadi ma sudena i muda dung marpangoloion hamu tu Au jana diparbadia i hamu Ari Sabat i songon ari na mardohonan. Ulang maroban barang bagi aha pe hamu mamolus sian angka horbangan ni Jerusalem anggo di ari i. Muda dilanggar hamu do angka na Huparentahon i, tutungonKu abis angka horbangan ni Jerusalem i dohot angka bagas godang na disi jana nada haintopan api i.’ ”

JEREMIA 20:7

O Tuhan, Ho do mangelek au jana madung hona elekMu au. Gumogo do Ho sian au jana madung dipatunduk Ho au. Dipacia-cia sude halak au, dipalayas sian manyogot lalu tu potang ari.

JEREMIA 28:8

Na dung dilumbahon angka panurirang hian do taran so adong dope hita, na giot masa parporangan, tangkuraparon dohot nyae ro tu bahat bangso dohot harajaan na gogo-gogo.

JEREMIA 5:1

O hamu halak Jerusalem, bolus hamu ma angka dalan di kotamu! Jalahi ma disi, jana ligi sandiri ma! Pareso hamu ma di angka tano lapang ni kota i sanga adong do sada halak na tigor na bonar maradopkon Debata. Muda adong do antong, ampunan ni Tuhan ma Jerusalem.

JEREMIA 5:6

I ma dalanna gabe soroon ni singa na sian harangan halahi, jana diparsuragehon ni sorigala na sian padang halongonan. Humadeap ma angka angguliman manjalahi soroanna di bagasan angka kota ni halahi, jana sanga ise na ruar sian bagasna soroanna noma i. Patunda ni na dung bahat do halahi mardosa umbaen na tarjadi sudena i, jana marpupu halahi manghudukkon Debata.

JEREMIA 6:10

Tu ise ma lakna mangkobari jana marsaksi anso diparate-atehon halahi? Satutuna, nada marsunat pinggol ni halahi, jadi nada marbinege! Satutuna, gabe incak-incak do hataNia di halahi, jana nada dihagioti halahi!

JEREMIA 7:9

Manangko do hamu, mambunu, marmainan, manyaksihon gabus, manghaulkon haul tu Baal, dohot marsomba angka debata na so nitandamunu.

HABAKUK 1:3

Biasi dipadiar Ho au paida-ida hajahatan na songon i bahat? Tahan dehe Ho lakna paida-ida songon i bahat ni pangalaosion? Sanga na di dia masa hasegoan, na mangasahon gogo, parbadaan dohot parsalisian.

LUKAS 11:45

Jadi adong ma sahalak sian Siboto Surat i na mandok, “Guru, madung diincahi Ho hami markite-hite na nidokMi.”

IBRANI 11:26

Dihilala si Musa dao dope ummarga maruli incak-incak hara ni Kristus na nijanjihon ni Debata i ulang pado manjagit sasude arta ni tano Mesir; harana upa di ari na giot ro do na nipainte ni si Musa.

IBRANI 13:13

Hara ni i, beta ma tadapotkon Ia di ruar ni bandar i jana dohot ma hita niincahan rap dohot Ia.

1 PETRUS 4:14

Na maruntung do hamu muda dipabile halak hamu songon sada siihutkon Kristus. I ma tandana paboahon na maruli Tondi na sangap hamu, i ma Tondi Parbadia.