JEREMIA 20:18 - BIBEL JAMITA NA DENGGAN

¹⁸ Biasi he angkon sai tubu au? Hum anso marhancit dehe jana hasusaan? Dohot anso ngolungku marsalpuan hum di bagasan hahaila?

JEREMIA 20:18 ပူးပေါင်းရင်းမြစ်များ

1 RAJA-RAJA 19:4

jana kehe ma ia dalanan pat sadari daona tu parhorsihan jana maradian ma ia di toru ni hayu na rumbun. Juguk ma ia disi jana gumonan noma mate ning rohania. “Nada tahan au be on Tuhan,” ning ia tu Tuhan. “Buat ma da hosangkon, dumengganan noma au mate!”

JOB 14:1

Mamungka sorang jolma gale so margogo; pendek ngoluna sai mardamoro.

JOB 14:13

Paloas au martabuni di portibi ni halak na mate i. Linggomi ma au lopus di parmombun ni murukMu. Tapi tontuhon hatihana laho marningot tu diriniba.

JOB 3:20

Biasi padiaron mangolu jolma na marhancit i? Biasi lehenon sinondang tu halak na susa?

JOB 5:7

Nada! Tapi sian jolma sajo do, na mangalapi tu dirina hamamagona, na songon gurasa na mamuretek sian apina.

MASMUR 102:3

Salpu do ngolungku songon timus, milas songon na hona purun holi-holingku.

MASMUR 69:19

Diboto Ho do incak-incak, hahaila bope tilako na tu au, diboto Ho do sude musungku.

JESAYA 1:6

Sian ambubumu lalu tu palampak ni patmu umpe adong be pamatangmu na so hona nyae. Marlombaman sude pamatangmunu, marbosari jana mangkabugang. Nada dipaias sanga dibalut dope angka bugangmunu i. Nada muse diubati dohot miak.

JESAYA 51:7

Tangihon ma Au, ale hamu angka na umboto hasintongan, ale bangso na manyimpan pangajaranKu di bagasan rohamu! Ulang mabiar hamu muda dipabile jolma, jana ulang tarsonggot muda diincahi halahi.

JEREMIA 15:10

Na sial ma da au on! Tu aha do umbaen na ditubuhon dainang au? Angkon martongkar jana martangkangi au dohot sandok jolma na adong di luat on. So jungada au painjamkon sanga manginjam, hape haru songon i pe sude jolma mamurai au.

JEREMIA 15:18

Biasi dehe sai torus au marhancit? Biasi banga gasangku jana nada marnamalum? Betak na giot lebak do au baenonMu songon batang aek na mahiang di ari logo?”

JEREMIA 3:25

Jadi padiar ma maila hami jana padiar ma marlayas hami. Angke madung mardosa hami dohot ompunami maradopkon Tuhan Debatanami, jana nada jungada hami oloi angka parentaNia.”

JEREMIA 8:18

Mabugang ate-atengku jana maniak, nada haubatan pardangolanniba.

ANDUNG 1:12

“O hamu angka halak na mamolus di dalan, ligi pe da jana parrohahon. Adong dehe godang ni parkancitan songon na hutaon saonnari, hara ni muruk ni Tuhan i?

ANDUNG 3:1

Au ma da halak na dung manaon parkancitan, hara ni uhuman ni Debata.

HABAKUK 1:3

Biasi dipadiar Ho au paida-ida hajahatan na songon i bahat? Tahan dehe Ho lakna paida-ida songon i bahat ni pangalaosion? Sanga na di dia masa hasegoan, na mangasahon gogo, parbadaan dohot parsalisian.

JOHANNES 16:20

Hudok ma tu hamu: Satutuna martangisan ma hamu jana mangandungi; tapi jop ma roha ni portibi on. Susa ma rohamunu tapi gabe muba ma hasusaanmunu i gabe hajojop ni roha.

BAENON NI ANGKA RASUL 5:41

Morot ma halahi sian rapot ugamo i mardongan jop ni roha, harana na dung dietong roha ni halahi do patut marlayas hara ni Jesus.

2 TIMOTEUS 1:12

Hara ni i ma umbaen na hutaon sudena on, tapi nada maila au, angke tangkas do huboto sanga ise na huhaporsayai. Pos do rohangku, sanga aha na nipasahatNia tu au, tarjagohon Ia do i lopus tu Ari Parpudi i.

IBRANI 10:36

Porlu do sobar hamu, jana muda dung dipatulus hamu hagiot ni Debata, jagitonmunu ma janji i.

IBRANI 11:36

Adong ma deba na niincahan, na diparkanciti, dirante jana dipamasuk tu hurungan.

IBRANI 12:2

Tu Jesus ma tatatap, na manogu-nogu hita di bagasan haporsayaan, jana na maroban haporsayaanta i tu hasanggaman. Ditaonkon Ia do mate di hayu parsilang gonti ni jop ni roha na dung diparade diSia, jana juguk do Ia nuaeng di siamun ni habangsa ni Debata.

IBRANI 13:13

Hara ni i, beta ma tadapotkon Ia di ruar ni bandar i jana dohot ma hita niincahan rap dohot Ia.