Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JEREMIA 20:10 - BIBEL JAMITA NA DENGGAN

10 Tarbege ma halak marhusipi di sude inganan, “Biar noma na marroha-roha! Beta ma hita aduhon ia tu raja!” Salangkan angka ale-alengku sudena paintehon hadadabungku noma. Didok halahi, “Aropku marhite elek-elek, tartaluhon hita do i, anso tarbaen hita palalu hosom tusia.”

အခန်းကိုကြည့်ပါ။ ကော်ပီ




JEREMIA 20:10
35 ပူးပေါင်းရင်းမြစ်များ  

Gabe ditonahon si Isebel ma barita on tu si Elia, “Sai diuhumi angka debata ma au, dibunu pe au jadi ma, anggo so hubaen ancogot songon on ari tu ho songon na nibaenmi tu angka panurirang i.”


Disi diida si Ahab si Elia, didok ia ma, “O alongku, dipaihut-ihut ho ma au, atehe?” “Tutu do,” ning si Elia mangalusi. “Angke dibaen ho do hajahatan na tarlobi di panatapan ni Tuhan,


“Suru anso dikurungkon halahi ia di hurungan, jana dilehen ia mangan dohot minum saotik sajo lopus mulak au horas torkis.”


Dialusi si Ahab ma, “Adong dope sada nari, i ma si Mika anak ni si Jimla. Tapi goyak do rohangku mida i, harana na so jungada dope hum saragam panyurirangonnia na denggan tu au; hum na so ture do sude.” “Ulang ma dok songon i!” ning si Josafat.


Sogen angka donganku mida au; angka haholonganku mandao be ma sian au.


Pangalaho na jorbut sai paayak-ayak au; hubege do hata husip ni musu martahi saroha halahi mangalo au; jana martuptup laho mambuat hosangku.


Tapi anggo au, laing tu Ho do ale Tuhan pos ni rohangku, angke Ho do antong Debatangku.


Ibo rohaMu di au, ale Tuhan, pamalum ma au, anso tarbaloskon au jolo hajahatan ni angka alongku.


Salang ale-aleniba na umdonok pe antong, halak na mangan rap dohot iba, madung mangalo tu iba.


Dihobuk musu au, songon singa sipangan jolma halahi. Hujur dohot pana do ipon ni halahi, podang na tajom do dila ni halahi.


Halak na manabunihon hosom ni rohana, panipu do i, halak na pasarsarkon late, na bodo do i.


na mamuratu mandok halak pardosa, na mambaen jorat tu halak na paingotkon dohot na manyosak halak na tigor markite-hite saksi pargabus.


Porangon ni halahi ma ho, tapi nada tartaluhonsa, angke dongananKu do ho laho mangondihon ho, songon i ma hata ni Tuhan.”


Songon biri-biri na so mardongan biar do au na ditogu tu panyambolan. Nada huboto hapengani au do na giot honaan ni halahi di angka sangkap na jahat i. Didok halahi, “Tole ma hita taba bona ni hayu on dompak ra dope marbatu; tabunu ma i anso dihalupahon halak goarnia.”


Anggo halak Anatot, giotna mate ma au. Didok halahi do, “Muda sai dipupu ho do palaluhon angka tona ni Tuhan tu hami, bunuonnami noma ho.”


Didok halahi ma, “Tole ma martahi hita mangalo si Jeremia. Haru so adong pe ia laing na adong do angka malim na mangalehen pangajaran, laing na malo do angka halak na bisuk mangalehen sipaingot; jana laing tarbaen angka panurirang do palaluhon angka tona ni Debata tu hita. Beta ma hita aduhon ia tu paruhuman jana nada be patangi-tangionta angka hatania.”


Ancogotna i dung dipalua si Pashur au sian bayangan i, hudok ma tusia, “Nada si Pashur goar na nilehen ni Tuhan tu ho, tapi ‘Gaor di sasude’, do.


Tapi di na lalu au di Pintu Horbangan Benyamin, ditangkup komandan ni tentara na disi ma au jana didok ia, “Na giot lari do ho tu pihak ni halak Babel!” (Si Jeria do goar ni komandan i; anak ni si Selemia, pahompu ni si Hananya.)


Nada puluk hami ruar tu dalan sanga kehe tu balian, angke di sude inganan sai mambaen gogo do angka musu na marsinjata.


Sian tonga-tonga ni halak na mangingani ho adong do deba pajajang-jajang na sai manilakoi halak na asing anso mate hona uhum. Adong muse do na giot mangankon juhut na dung dipelehon tu gana-ganaan. Adong muse dope na sai ra marhamainan.


Manigor torang ma tarida na dumenggan parkarejoan ni si Daniel ulang pado angka gubernur dohot angka parpangkat na gincat na asing i. Hara ni i, por ma roha ni raja i giot mangangkat ia gabe parkuaso di sude harajaan i.


Jadi sai dijalahi halahi ma hatiha na denggan. Dilehen halahi ma hepeng sogok tu halak na gabe kaki tangan ni halahi jana disuru halahi ma angka kaki tangan i mangalancap songon halak na burju laho mangonjap Jesus markite-hite sapa-sapa, anso tarpasahat halahi Jesus tu toru ni kuaso ni gubernur.


Nada tarbuktihon halahi muse angka adu-aduan ni halahi tu tuan i salaho tu au.


Jadi dung dibege halahi na songon i muruk sajo ma halahi, jana martahi ma halahi laho mamatehon angka rasul i.


Jadi dung dibege angka na ro tu rapot ugamo i na nipajojor ni si Stefanus i, gabe hancit ma roha ni halahi jana patungaripon ma halahi tusia.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ