JEREMIA 2:6 - BIBEL JAMITA NA DENGGAN

⁶ Nada diantoi halahi Au; Au do nian na dung manogu halahi di dalan, jana na maroban halahi ruar sian Mesir, manyalpui parhorsihan; tano gariang na margaba-gobi, boti na harsang gok parmaraan padang na so diingani jana nada adong mamolus sian i!

JEREMIA 2:6 ပူးပေါင်းရင်းမြစ်များ

2 RAJA-RAJA 2:14

Dung i dilipatkon ia ma juba ni si Elia i tu aek i didok ia ma, “Di dia dehe Tuhan, Debata ni si Elia i?” Dung bola dua aek i dilipat ia, taripar ma ia tu bariba.

JOB 3:5

Baen ma ari i mangalomlom, manggolap mambulita, mangarambon jana samon; ombun bope sonja tutupkon tusi, gupgupi muse sian sinondang ni mataniari.

JOB 35:10

Tapi nada tu Debata na manompasa na mangalehen arop ni roha di na ro hasusaannia.

MASMUR 23:4

Haru pe mardalan au di dalan na golap nada huhabiari parmaraan, ale Tuhan, angke Ho do mandongani au. Ho do mangondihon au songon parmahan mangondihon biri-birina, mardongan tungkot dohot ora-ora.

MASMUR 77:5

Huingot ma angka ari na salpu tarsunggul ma tu roha angka taon na dung salpu.

HARURUAR 20:2

“Au do Tuhan Debatamu, na maroban ho ruar sian tano Mesir, sian tano parhatobanan i.

JESAYA 63:9

sian sude hasusaan ni halahi. Nada tongoson ni Tuhan suruan sanga duta, Ia sandiri do paluahon halahi. Sian narobi do dipature-ture Ia halahi hara ni holong dohot ibo ni rohaNia.

JESAYA 64:7

Nada adong na martangiang tu Ho, sanga pe pangurupionMu dipangido. Dibaen dibunihon Ho bohiMu sian hami, dipadiar Ho hami diago dosanami sandiri.

JEREMIA 13:16

Angkon parsangaponmu do Tuhan Debatamu taran so diparo Ia hagolapan, taran so tartuktuk patmunu di angka dolok, jana na torang na niarop ni rohamu digonti Ia gabe hagolapan.

JEREMIA 2:2

Kehe ma ho paboahon barita on tu sude halak na adong di Jerusalem, “O ale Israel, Huingot do holongmu, taran di haposoonmu; godang ni holong ni rohamu di na dompak boru ho. Diihutkon ho do Au tu halongonan mangolu sian luat na so marsuan-suanan.

JEREMIA 2:8

Angka malim nada adong be na marsapa sanga di dia Au, Tuhanna. Angka na pajongjong uhum pe nada mamboto sanga ise Au. Angka na markuaso mangalo do tu Au. Mangasahon goar ni Baal mandok hata angka panurirang, jana marsomba gana-ganaan na so marguna i.”

JEREMIA 5:12

Madung mangalo bangso ni Tuhan maradopkon Tuhan i. Didok halahi, “Tole ma da, nada pola baenonNia bagi aha. Nada pola hona parmaraan hita jana nada pola songgop tu hita porang sanga haleon.

JEREMIA 5:2

Haru pe didok halahi, “Marhite Tuhan na mangolu,” tapi marsumpa pargabus do halahi.

JEREMIA 51:43

Gabe inganan na jorbut noma angka kotana, tudos tu padang halongonan na harsang. Nada adong halak na ra maringanan sanga mamolus disi.

HOSEA 12:13

Gilo do ompunta si Jakob tu Aram jana marinduk somang ma ia tu halak na disi jana marmahan angka biri-biri ni jolma i laho mambuat boru disia.

HOSEA 13:4

Didok Tuhan ma, “Au do Tuhan Debatamu, mamungka sian tano Mesir. Nada adong Tuhan Debatamunu asing sian Au. Jana nada adong sipalua asing sian Au.

AMOS 2:10

Huoban do hamu haruar sian Mesir, jana Hutogu mamolus padang parhorsihan opat pulu taon honokna. Hulehen do di ho tano ni halak Amori gabe tanomu sandiri.

MATEUS 4:16

Halak na maringanan di bagasan hagolapan madung marnida sondang na godang! Madung bincar sinondang na torang! Di halak na maringanan di luat na nilinggoman ni hamatean!”

PANGARATAION 1:19

“Dung i tapatulus muse ma sanga aha na niparentahon ni Tuhan tu hita. Tatadingkon ma Dolok Sinai, lalu mardalan hita mamolus parhorsihan na bidang jana na jorbut i laho tu luat partoran ni halak Amori. Di na lalu hita di Kades-Barnea,

PANGARATAION 32:10

Dapot Ia halahi hatiha diparedang-edangan, di na lungun boti na harsang di halongonan. Dipahan Ia halahi antong jana diondihon Ia, songon na manjagohon di diriNa.

PANGARATAION 8:2

Ingot hamu ma! Opat pulu taon lolotna Tuhan Debatamunu manogu-nogu hamu di pardalanan na dao manyalpui parhorsihan. Diloas Ia masa angka hamaolon tu hamu laho manguji hamu, anso tarida Ia sanga aha na giot baenonmunu jana sanga na oloanmunu do angka parentaNia.

HAKIM-HAKIM 6:13

“Tola dehe au marsapa Tuan? ning si Gideon mangalusi. Muda tutu Tuhan mandongani hami, antong biasi didondoni angka pangalaho on hami? Di dia do sandok hahomangan na jungada dibaen Tuhan najolo i jana na nicaritohon ni angka ompu na umpompar hami sanga songon dia pangharuarkon ni Tuhan di halahi sian Mesir? Saonnari madung ditadingkon Tuhan hami jana dipadiar Ia hami dirajai angka halak Midian.”