JEREMIA 2:36 - BIBEL JAMITA NA DENGGAN

³⁶ Nayang na i didok rohamu laho paubahon parangemu! Jana angkon maila ma ho hara ni halak Mesir, songon na dung dipaila ni Asur i ho.

JEREMIA 2:36 ပူးပေါင်းရင်းမြစ်များ

2 JUJUR TAON 28:16

Dipungka angka halak Edom muse ma mangulahi mamorangi Juda jana ditangkup halahi ma bahat jolma. Jadi hara ni i mangido ma Raja Ahas tu si Tiglat-Pileser raja ni Asur anso manongos bantuan.

JESAYA 20:5

Tarhirim jana agoan arop ni roha ma sanga ise halak na mangasahon Sudan dohot na manggodangkon Mesir.

JEREMIA 2:18

Na mahua ma ho tu Mesir? Na giot manginum aek ni Batang aek Nil? Na giot mahua ma ho tu Asur? Na giot manginum aek ni Batang aek Efrat?

JEREMIA 2:23

Pulukna i antong mandok na so jungada dipahodar ho dirimu, jana paboa na so unjung Baal diihutkon ho! Ligi ma sandok dosamu di rura; ingoti hajahatanmu jana akui ma! Sai songon unto boru-boru na gintal do ho, marlojong panyihal-nyihalon umpe tarpaso,

JEREMIA 2:33

Na sun do antong malomunu mambaen dalan laho manarik roha ni angka haholongan ni rohamunu i. Salang boru panggampang na jumorbut i pe laing tarbaensa do marsiajar sian hamu.

JEREMIA 22:20

“Manangkok ma hamu tu Dolok Libanon dohot tu Basan jana marsurak ma hamu disi. Surakkon hamu ma sian partoran Abarim na dung ditaluhon sude donganmunu.

JEREMIA 22:22

Hara ni i, gabe mago boti noma angka pamimpinmunu songon na niombus ni alogo. Angkaton ma angka donganmunu i songon taban, jana kotamunu dipabile hara ni sandok hajahatanmunu i.

JEREMIA 31:22

Sadia honok nari sai torus ganggu ho, ale dakdanak dadaboru na so setia tu Au? Madung Hutompa na imbaru di tano on, dadaboru mangondingi halaklahi.”

JEREMIA 37:7

mandok tu si Zedekia songon on, “Anggo tentara ni Mesir na ro i laho tuson mangurupi ho, marbalik do i, jana mulak.

JEREMIA 46:12

Na dung tarboto do tu sandok bangso hahaila na tarjadi di hamu. Tarbege do sora ni pangararmunu tu sude portibi on. Martondong do tentara na sada tu donganna jana gabe rap tungkap halahi tu tano.

ANDUNG 4:17

Manatap do matanami, paintehon pangurupi na so ra ro i. Hami arop do nian ro pangurupi sian sada bangso, hape nada adong na mangalehen.

ANDUNG 5:6

Kehe hami tu Mesir laho mangido sipanganon, tu Asur pe kehe hami anso ulang tangkuraparon.

JEHESKIEL 16:28

Tapi laing na so sombu dope rohamu; gabe dikojar-kojar ho dope halak Asur. Gabe diangkupi halahi ho marhamainan, tapi sian halahi pe laing nada dapot ho sombu ni rohamu.

JEHESKIEL 29:7

Taran marpangunsadean halahi tu ho maponggol do ho lalu masuk tu gidik-gidik ni halahi, gabe tarsilpok tanggurung ni halahi.

HOSEA 10:6

Obanon ma gana-ganaan i tu Asur anso dilehen gabe silua di raja godang i. Maila ma Israel jana marlayas hara ni na dohot mangihutkon gana-ganaan i.

HOSEA 12:1

Didok Tuhan ma, “Dihuliangi Efraim do Au marhite gabus dohot sipaoto-oto; bangso Juda laing tongtong mangalo tu Au, Debata Na Badia jana na tigor.

HOSEA 14:3

Mulak ma hamu tu Tuhan jana palalu hamu ma tangiang on gabe songon haul tuSia, “Tuhan, sesa ma sude dosanami jana jagit ma tangiangnami on, gabe pujionnami ma Ho laing songon na dung hami janjihon i.

HOSEA 5:13

Torang do diboto bangso Israel dohot bangso Juda hajorbuton na masa di halahi, gabe kehe ma Israel tu Asur laho mangido bantuan sian raja bolon i. Hape nada haurupan raja i sanga tarpadenggan na masa tu halahi.

HOSEA 7:11

Moncong-oncong Israel songon unggas darapati na oto; mula-mulana kehe angka halak ni halahi mangido bantuan tu Mesir, dung i marlojong muse ma halahi tu Asur!