JEREMIA 2:33 - BIBEL JAMITA NA DENGGAN

³³ Na sun do antong malomunu mambaen dalan laho manarik roha ni angka haholongan ni rohamunu i. Salang boru panggampang na jumorbut i pe laing tarbaensa do marsiajar sian hamu.

JEREMIA 2:33 ပူးပေါင်းရင်းမြစ်များ

2 JUJUR TAON 33:9

Patunda ni si Manase gabe dibaen angka rayat ni Juda do angka dosa na jumahat sian na nibaen ni angka bangso na di Kanaan na niusir ni Tuhan di hatiha na masuk bangso ni Tuhan i tu tano i.

JEREMIA 2:23

Pulukna i antong mandok na so jungada dipahodar ho dirimu, jana paboa na so unjung Baal diihutkon ho! Ligi ma sandok dosamu di rura; ingoti hajahatanmu jana akui ma! Sai songon unto boru-boru na gintal do ho, marlojong panyihal-nyihalon umpe tarpaso,

JEREMIA 2:32

Adong ma he bujing-bujing na manghalupahon barang parhiasanna? Sanga boru na manghalupahon bayo na mambuatsa? Hape anggo Au madung dihalupahon hamu mamungka sian hatiha na so taretong be honokna.

JEREMIA 2:34

Hodar do pakeanmunu hara ni mudar ni halak na pogos dohot na so marsala, nada hara ni mudar ni panangko. Tapi haru songon i pe,

JEREMIA 2:36

Nayang na i didok rohamu laho paubahon parangemu! Jana angkon maila ma ho hara ni halak Mesir, songon na dung dipaila ni Asur i ho.

JEHESKIEL 16:27

Saonnari ligi ma, uhumanKu ma ho jana buatonKu pasupasu na dung Hulehen humani tu ho. Hupasahat ho tu halak Pilistin na manghosomi ho jana na magigi mida pangalahomu na jat i.

JEHESKIEL 16:47

Sombu dehe dihilala ho mangihutkon indege ni halahi dohot maniru parange ni halahi sihagigian i? Nada podo! Santongkin nari jumorbut muse dope ho sian halahi.

HOSEA 2:13

UhumanKu ma ia hara ni angka ari-ari na nipakenia manutung dupa tu Baal, jana mangias, mamake barang parhiasannia jana mangkojar angka haholongannia. Dihalupahon ia situtu do Au anggo di angka ari i. Au do Tuhan na mandok songon i.