Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JEREMIA 2:32 - BIBEL JAMITA NA DENGGAN

32 Adong ma he bujing-bujing na manghalupahon barang parhiasanna? Sanga boru na manghalupahon bayo na mambuatsa? Hape anggo Au madung dihalupahon hamu mamungka sian hatiha na so taretong be honokna.

အခန်းကိုကြည့်ပါ။ ကော်ပီ




JEREMIA 2:32
24 ပူးပေါင်းရင်းမြစ်များ  

Dung sidung dilehen anak boru i angka unto i minum, dibuat hatoban ni si Abraham i ma anting-anting sere sigodang arga, dipapakehon ia ma tu igung ni anak boru i. Tanganna i pe dipapakehon ia ma sapasang golang sere.


Dung i dirungkari hatoban i ma pakean, perak dohot barang sere, laho pasahatkonsa tu si Ribka. Dohot tu ibotonia i pe, songon i tu inangna i dilehen ia muse do silehen-lehen angka sigodang arga.


O hamu anak boru ni Israel, andungi hamu ma si Saul, raja i! Na pajagar hamu dohot pakean na arga sian abit kirmisi, jana na pajegeskon hamu dohot sere maradu batu na arga.


Dihalupahon halahi do Debata na paluahon halahi, na dung patupahon angka pangalaho na godang di Mesir,


Hamatean do bagian ni halak pardosa, angka bangso na so manghabiari Debata.


O Israel, madung dihalupahon ho Debata na paluahon dohot na manjagohon ho songon dolok batu na tohong. Balik do, madung disuani ho angka kobun laho marsomba angka debata.


Tu ise ulaning ho humitir jana mabiar, gabe margabus ho, jana nada mangingot Au, sanga inda ditangihon ho Au. Nada he hara ni na sip jana Hupapitpit matangKu, gabe nada mabiar be ho tu Au?


“Jop ma rohangku hara ni Tuhan, hara ni Debata, tondingku marhamogaan. Songon pangoli di ari parbagasonna mamake pakean na sumurung jegesna, madung dipapakehon Tuhan tu au baju haluaan dohot hamonanganku.


Na jogal do roha ni bangso na jahat on jana na so ra do halahi mangoloi Au. Marsomba jana mangoloi angka debata na asing do halahi. Hara ni i ma halahi gabe songon bobat abit na so marguna i.


I ma bagianmu na dung Hutontuhon hara ni na nihalupahonmu Au jana porsaya ho tu angka gabus.


Hape madung dihalupahon bangso i anggo Au, jana manutung dupa halahi tu gana-ganaan. Tartuktuk halahi di dalan narobi na angkon siboluson ni halahi, gabe manyimbil tu dalan na so dipahornop.


Nada jungada sada bangso manggonti debatana haru pe i nian nada Debata na satutuna. Hape anggo bangsongKu ditulak do Au jana marsomba tu na so margogo mambaen bagi aha.


Na sun do antong malomunu mambaen dalan laho manarik roha ni angka haholongan ni rohamunu i. Salang boru panggampang na jumorbut i pe laing tarbaensa do marsiajar sian hamu.


na mambaen bangsongKu mangkalupahon Au, marhite nipi na dicaritohon sian na sada tu na asing, songon ompu ni halahi na manghalupahon goarKu hara ni Baal.


Tarbege do sora ni na gaor di puncu ni angka dolok; i ma sora ni halak Israel na martangisan jana mangido-ido hara ni na dung mardosa halahi jana lupa tu Tuhan Debata ni halahi.


Adong muse do sigararon mamunu jolma, siincop mudar dohot na mamoro angka donganna sabangso. Madung dihalupahon halahi sudena Au. Au Tuhan Debata, madung mandok songon i.


Dipajongjong halak Israel angka bagas godang hape lupa halahi tu Panompa ni halahi. Dibangun halak Juda angka kota na marbenteng, hape paijuronKu ma api laho manyurbu lopus abis angka bagas godang dohot angka kota ni halahi i.”


Gabe maradong bangso ni Tuhan, tapi sai tagi mangalo, ditulak halahi do Sipalua na gumogo. Mamokmohi halahi, butongan sipanganon. Ditadingkon halahi do Debata Na Manjadihon.


Gabe huida ma Kota Na Badia i, i ma Jerusalem na imbaru, na mijur sian banua ginjang sian Debata. Madung jolo nihobasan kota i songon boru na giot marbagas laho mandapotkon halaklahina.


Nada be maribadat halahi tu Debata, Tuhan ni halahi, na dung paluahon halahi sian kuaso ni sude musu na humaliang halahi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ