28 Di dia ma he angka debatamunu na nipaturemunu i? Muda masa hasusaan suruhon ma halahi paluahon hamu, anggo tarbaensa do! O ale Juda, bahat ni angka debatamu sabahat ni angka kotamu!
“Aha urusanku tu ho?” ning si Elisa tu raja ni halak Israel i. “Tu angka panurirang ni amangmi ma ho kehe.” “Nada!” ning si Joram mangalusi. “Angke na nisangkap ni Tuhan do laho pasahatkon hami na tolu tu raja Moab.”
“Ro ma hamu jana marlagut, hamu sude na malua sian tonga-tonga ni angka bangso. Angka halak na mangudur-udurkon patung hayu-hayu, na so marbinoto boti na oto; na martangiang tu angka debata na so bisa mambaen malua.
Diporsan patung i jana dibaen di ingananna, jongjong sajo noma i disi, jana nada tarbaen pinda. Matua na hohom do i muda martangiang halak tusia, jana nada margogo mangurupisa sian mara.
Muda marsurak ho, padiar ma gana-ganaanmi paluahon ho! Ombuson ni alogo ma halahi sude, angkon dihabangkon pangombus ni hosa. Tapi halak na marondingan tu Au angkon dapotan pusako di luat i jana punania ma dolokKu na badia i.
UhumanKu ma bangsongKi patunda ni na mardosa halahi jana dihudukkon halahi Au. Dihaulkon halahi do antong haul tu angka debata na asing, jana dipambaeni halahi patung lalu disomba halahi.
Dung i kehe tu angka debata na asing noma halak Juda dohot halak Jerusalem mangido tolong, i ma tu angka debata na nisomba ni halahi marhite na manghaulkon haul. Tapi nangkon na margogo angka debata i paluahon halahi di hamamasa ni parmaraan i.
Sun do bahatna debata ni halak Juda, sarupa dohot bahat ni kota ni halahi. Madung dipajongjong halak Jerusalem angka langgatan sabahat ni angka dalan di kota Jerusalem, i ma parhaulan ni haul tu Debata Baal sihagigian i.
Tudos tu bona ni anggur na ramos marbatu do Israel. Mur martamba-tamba sinadonganna, mur bahat angka langgatan na nibaenna. Mur tamba denggan tano i, mur jeges muse dibaensa angka tugu ni gana-ganaan na nisombana i.
Aha ma he guna ni patung gana-ganaan? Aha ma he guna ni patung gana-ganaan sibaen gabus i? Harana porsaya do na mambaenna di parkarejoanna, hape nian angka gana-ganaan na ngungu do na nibaenna i.
Hona bura ma halak na mangkuling tu hayu santuho, “Ngot ma ho!” Tu sada batu na ngungu, “Jongjong ma ho!” Tarbaen sada patung ma he mandok sangkababa hata tu ho? Nian marlampis sere do i dohot perak, tapi anggo tondi umpe adong di bagasanna.