JEREMIA 2:25 - BIBEL JAMITA NA DENGGAN

²⁵ Ale Israel, tongtong ma ho marsipatu jana ulang padiar manguas ho hara ni na parayakkon debata na asing. Tapi nimmu do, ‘Nada! Nada tarbaen au mulak. Madung huhaholongi debata na asing jana i noma ihutkononku.’ ”

JEREMIA 2:25 ပူးပေါင်းရင်းမြစ်များ

2 JUJUR TAON 28:22

Di pangalaho na songon i gawatna mur mambaen dosa dope si Ahas tu Tuhan.

2 JUJUR TAON 28:23

Mangalapi hamagoanna dope ia tu dirina dohot tu rayatnia hara ni na mamelehon haul ia tu angka debata ni halak Siria i na manaluhon ia. Dipikir ia, “Madung diurupi angka debata ni Siria i antong angka raja-raja ni Siria, jadi muda hupelehon haul tu halahi, betak na tolongannia muse do iba.”

JESAYA 2:6

Ale Debata, madung ditadingkon Ho bangsoMu pomparan ni si Jakob! Sanga na di dia pe di luat on, mamake hadatuon do halak songon halak Pilistin dohot halak na di Habincaran. Ditiru rayat i do adat na somal di halak na asing.

JESAYA 57:10

Hara ni pardalananmu na dao loja ma ho, tapi nada didok ho: “Nada adong arop ni roha!” Dapot ho do gogo na imbaru, hara ni i nada gale ho.

JEREMIA 13:21

Giot aha ma he dokkononmu anggo angka jolma na nietong ni rohamunu angka donganmunu, hape manaluhon dohot mangarajai hamu? Musti hancitan hamu songon dadaboru na giot manubuhon dakdanak.

JEREMIA 13:22

Betak sapa-sapa hamu biasi ro i tu hamu, biasi disibakkon pakeanmunu jana dibaen tu hamu roha-rohana. Patut angkon botoonmunu, patunda ni na magodangtu do dosamunu umbaen na tarjadi sudena i.

JEREMIA 14:10

Salaho tu bangso i didok Tuhan, “Nada jop rohangKu paida-ida angka jolma i na sai manadingkon Au, jana na so ra mangarajai dirina. Nada ra be Au manghalupahon hasalaan ni halahi, uhumanKu do halahi hara ni dosa ni halahi.”

JEREMIA 18:12

Tapi alusan ni halahi ma, ‘Aha guna ni i? Aha sundatna muda giot sai tongtong hami ihutkon hagiotnami na jahat i?’ ”

JEREMIA 2:31

O hamu Israel, tangihon ma angka hatangKon. Unjung ma he Au songon padang halongonan maradopkon hamu, sanga songon tano na golap bulita jana na gok parmaraan? Hape biasi didok hamu sai na giot bebas hamu, jana nada ra be mulak mangulahi tu Au?

JEREMIA 22:20

“Manangkok ma hamu tu Dolok Libanon dohot tu Basan jana marsurak ma hamu disi. Surakkon hamu ma sian partoran Abarim na dung ditaluhon sude donganmunu.

JEREMIA 22:21

Madung Hudok hata tu ho taran denggan dope pangalaho na masa tu hamu, hape nada ra hamu manangihon. Songon i hian do antong pangalahomu sian najolo lopus saonnari; nada jungada ra hamu mangoloi Au.

JEREMIA 3:13

Sandok okui sajo ma paboa na marsala dohot na dung mangalo ho tu Tuhan, Debatamu. Okui ma na dung dipataridahon ho holong ni rohamu maradopkon debata ni angka bangso na asing di toru ni ganop hayu na rumbun, dohot na so dioloi ho angka na Huparentahon. Au, Tuhan, madung mandok songon i.”

JEREMIA 44:17

Sude na dung hami janjihon laing patulusonnami do i. Laing hot do hami manghaulkon haul tu Namora di Langit, dohot manduruskon anggur baen pelean disia songon na dung somal masa di angka kota ni Juda dohot di angka dalan na di Jerusalem, dipadalan angka ompunami, angka raja-raja dohot angka pamimpinnami maradu hami sandiri. Anggo di hatiha i tuk do panganonnami, sonang do hami jana nada adong na maol sanga na aha.

ANDUNG 1:2

Tumatangis do ia dangol sasaborngin ramram ilu-ilu di hurumna i. Sahalak pe nada adong sian haholongan ni rohana na ra mangapoi ia. Dihianati angka donganna ia na marbalik gabe alona.

ANDUNG 4:4

Nada dipasusu be dakdanak na menek, gabe mate nguasan ma. Mangido mangan angka dakdanak, tapi nada adong mangalehensa.

JEHESKIEL 20:32

Giotmunu nian tudos ma hamu dohot angka bangso na asing i dohot tu halak na maringanan di tano sileban na manyomba hayu dohot batu. Tapi nada lalu anggo giot ni rohamunu.’ ”

HOSEA 2:3

Muda sai dipupu ia do na marhalaklahi, talduskononKu ma pakeannia i anso talak-talak ia songon di ari parsorangnia. Giot baenonKu noma ia songon tano na mahiang jana na gariang; gabe mate ma ia, mate manguas.”

HOSEA 2:5

Harana madung gabe parhamainan ina ni halahi; ia na marorot halahi madung marparange na so denggan. Harana didok ia do, “Giot ihutkononku do angka haholongan ni rohangku, na mangalehen roti dohot aek inumon, imbulu ni biri-biri dohot abit linen, miak dohot inumonku.”

MALEAKI 3:14

Didok hamu, “Nada adong gunana marsomba tu Debata. Aha ma he gunana taparate-atehon aha na angkon sikarejohonon maradopkon Ia jana mardalan mamake pakean paboa na marsak di adopan ni Tuhan Na Markuaso?

LUKAS 15:22

Tapi dipiohon amangna i ma angka naposona jana didok ma, ‘Pasigop buat pakean na dumenggan jana pakehon manigor tusia. Baen tintin tu jari-jarina i dohot sipatu tu patna i.

LUKAS 16:24

Dung i marsurak ma halak na kayo i, ‘Jo amang Abraham! Ibo ma rohamu di au, suruhon ma jolo si Lasarus mangaronjomkon jari-jarinia tu aek anso ro ia palambokkon dilangkon. Markancit sajo do au di bagasan api on!’

SURAT NI SI PAULUS TU PARLAGUTAN ROM 8:24

Angke madung dipalua hita, haru pe laing di bagasan arop ni roha. Tapi muda dung taida na niarop ni rohanta i, nada arop ni roha be na songon i. Harana, ise ma he na sai mararop ni roha tu na dung niidana?

PANGARATAION 28:48

Hara ni i ma gabe angkon mangoloi ho tu angka musu na giot sitongoson ni Tuhan laho mangalo ho. Tangkuraparon, manguas jana marsaemara ma ho – hurangan di sasudena. Kejam baenon ni Tuhan manyosak ho lopus abis ho.

PANGARATAION 32:16

Marsomba halahi tu patung, gabe mangiburu ma Tuhan. Gurgur ma murukNa dibaen hajahatan i.