JEREMIA 2:23 - BIBEL JAMITA NA DENGGAN

²³ Pulukna i antong mandok na so jungada dipahodar ho dirimu, jana paboa na so unjung Baal diihutkon ho! Ligi ma sandok dosamu di rura; ingoti hajahatanmu jana akui ma! Sai songon unto boru-boru na gintal do ho, marlojong panyihal-nyihalon umpe tarpaso,

JEREMIA 2:23 ပူးပေါင်းရင်းမြစ်များ

ESTER 8:16

Dabu jana sonang ma roha ni halak Jahudi, marmoga-moga jana margodang ni roha.

MASMUR 36:2

Hara ni ginjang ni rohana, diambang ia na so diboto Tuhan dosania jana nada uhumanNa ia.

MASMUR 50:21

Dibaen ho ma i sudena, tapi laing Hupahohom do, diambang ho do lakna sarupa bakonta. Tapi anggo saonnari uhumonKu ma ho jana parkarohononKu ma i.

PODA 28:13

Na manabunihon dosana, nada i maruntung. Sanga ise na mangokui jana manadingkon dosana, Debata do, mangalehen ampun.

PODA 30:12

Adong do halak na mangetong ias dirina hape nian na santak do hodarna.

PODA 30:20

On do siasat ni sada dadaboru na so setia tu halaklahi; dung marmainan, mangan ma ia lalu diceka ia pamangannia, dung i didok ia ma, “Nada hubaen da sanga na aha!”

JEREMIA 14:10

Salaho tu bangso i didok Tuhan, “Nada jop rohangKu paida-ida angka jolma i na sai manadingkon Au, jana na so ra mangarajai dirina. Nada ra be Au manghalupahon hasalaan ni halahi, uhumanKu do halahi hara ni dosa ni halahi.”

JEREMIA 16:10

Muda dipabolkas ho sudena on tu halahi, sapa-sapa ma halahi sanga hara ni aha umbaen na ra Au manguhumi halahi songon i boratna. Sapa-sapa ma halahi sanga aha hasalaan dohot dosa ni halahi maradopkon Au Tuhan Debata ni halahi.

JEREMIA 2:36

Nayang na i didok rohamu laho paubahon parangemu! Jana angkon maila ma ho hara ni halak Mesir, songon na dung dipaila ni Asur i ho.

JEREMIA 3:2

Manaili ma jolo ho tu ginjang, tu puncu ni angka dolok! Na dia dope inganan i na so unjung ditopot ho laho marmainan? Songon halak Arab na juguk di padang halongonan, songon i ma ho juguk di topi dalan painte-intehon halak na giot manandangi ho. Gabe hodar luat on dibaen ho hara ni parmainanmu.

JEREMIA 31:22

Sadia honok nari sai torus ganggu ho, ale dakdanak dadaboru na so setia tu Au? Madung Hutompa na imbaru di tano on, dadaboru mangondingi halaklahi.”

JEREMIA 7:31

Madung dipajongjong halahi sada langgatan na margoar Tofet di Rura Hinom laho manghaulkon angka dakdanak ni halahi baen haul situtungon. Hape so jungada Husuru halahi mambaen sisongon i, salang tubu di bagasan rohangKu pe nada unjung na songon i.

JEREMIA 9:14

Jogal do roha ni halahi jana marsomba tu Baal do halahi songon na niajarkon ni angka ompu ni halahi.

HOSEA 1:2

Hatiha mulai Tuhan manghatai marhite si Hosea, didok Ia ma tu si Hosea, “Kehe ma ho, buat ma sada halak siboru jalang baen dadaborumu, jana anakkon ma angka anak gampang, angke madung ramun kota on marhite na manundalkon Tuhan.”

LUKAS 10:29

Tapi na giot patigor diri do Siboto Surat i. Marsapa ma ia, “Ise do satutuna na tardok, dongan jolma?”

SURAT NI SI PAULUS TU PARLAGUTAN ROM 3:19

Tapi taboto do sude na tarsurat di Buku Tona dilehen do tu halahi na mangolu di toru ni Tona, anso nada adong sanga na ise be marsidalian jana sude portibi on hona uhuman ni Debata.