JEREMIA 2:22 - BIBEL JAMITA NA DENGGAN

²² Haru pe dipaias ho dirimu dohot aek abu, dohot sabun na marlobi-lobian, tapi hasalaanmi torus do i haidaan di Au, ninna Tuhan Debata.

JEREMIA 2:22 ပူးပေါင်းရင်းမြစ်များ

2 SAMUEL 11:12

Dung i didok si Daud ma, “Tuk ma i, laing maradian ma jolo ho dison sadari on jana ancogot manyogot hupaloas ma ho kehe.” Jadi laing di Jerusalem ma si Uria di na sadari i. Ancogotna i diontang si Daud ma ia mangan.

JOB 14:17

SesaonMu ma dosangku jana pasidingonMu; salangku pe angka na salpu sesaonMu.

MASMUR 130:3

Muda sai paingot-ingotonMu torus dosanami, ise be na tarbaen malua sian uhuman?

MASMUR 90:8

Dipatalak Ho angka dosanami di joloMu, dosanami na buni pe torang do di parnidaanMu.

JEREMIA 16:17

Huida do sude na nibaen ni halahi. Nada adong na buni di Au; angka dosa ni halahi pe Huida do.

JEREMIA 17:1

Didok Tuhan ma, “Madung tarsurat dosa ni Juda marhite pena bosi na marmata intan, taruhir di ateatemunu dohot di langgatan ni halahi.

JEREMIA 4:14

O Jerusalem, ambungkon ma hajahatan sian bagasan rohamu anso dipalua ho. Sadia honok nari angka pikiran na jahat i sai simpan-simpanonmu di bagasan rohamu?

JEHESKIEL 24:6

Didok Tuhan Debata i ma, “Marjaya ma kota i na gok dohot sibunu jolma! Songon huali na tasikon na so unjung dibasu do kota i. Diparuar ma juhut i sian bagasan sasangkorot, lopus nada adong be na tinggal.

HOSEA 13:12

“Madung dibungkus hasalaan ni Efraim, jana disimpan do dosana i.

AMOS 8:7

Disumpahon Tuhan do marhite hagogodang ni si Jakob, “Nada Hulupahon salolot ni lolotna sude na dikarejohon ni halahi!

PANGARATAION 32:34

Diingot Tuhan do sude, pangalaho ni musuna, Diuhumi Ia halahi, di hatiha hadenggananNa.