JEREMIA 2:20 - BIBEL JAMITA NA DENGGAN

²⁰ Didok Tuhan, “Madung honok na so ra ho tunduk tu Au; nada ra ho mangoloi sanga marsomba tu Au. Di puncu ni ganop dolok na gincat, dohot di toru ni sandok hayu na rumbun disomba ho do angka debata ni hagabean.

JEREMIA 2:20 ပူးပေါင်းရင်းမြစ်များ

1 RAJA-RAJA 12:32

Dung i dipambaeni si Jerobeam ma angka malim i di Betel anso martugas disi jana ia sandiri pe dohot ma manghaulkon haul tu angka lombu sere na nibaennia i. Jadi ditontuhon ia ma tanggal lima bolas bulan salapan gabe songon ari pesta ni ugamo di Israel, sarupa dohot ari pesta ni ugamo di Jerusalem. Kehe ma si Jerobeam pagodangkon ari pesta ni ugamo na nitontuhonnia i.

1 RAJA-RAJA 14:23

Di ginjang ni angka dolok dohot di toru ni angka hayu na godang, dipajongjong halahi do angka inganan parsombaan tu gana-ganaan jana dipajongjong halahi angka tugu dohot angka gambaran ni debata boru-boru Asera baen sombaon.

MASMUR 107:14

Dioban halahi ruar sian hagolapan; diponggolkon Ia rante ni halahi.

MASMUR 2:3

Didok angka na markuaso i do, “Beta, hita tunggalingkon ma halahi sian harajaanna.”

MASMUR 78:58

Marhite angka patung dohot inganan parsombaan ni gana-ganaan, mangiburu jana tarrimas Ia dibaensa.

HARURUAR 19:8

Jadi rap mangalusi ma sude bangso i, “Patulusonnami ma sude na nidok ni Tuhan i,” ning halahi mangalusi. Jana dipalalu si Musa ma alus on tu Tuhan.

HARURUAR 24:3

Jadi kehe ma si Musa jana dipabotohon ia ma tu bangso i sude parenta dohot aturan na nilehen ni Tuhan i. Rap mangalusi ma rayat i sanoli mandok, “Patulusonnami ma sude na nidok ni Tuhan i.”

HARURUAR 3:8

Jadi hara ni i, madung mijur Au laho palua halahi sian tangan ni halak Mesir, bope maroban halahi haruar sian luat i, tu sada luat na bidang jana na napu, tano inganan ni susu dohot aer ni loba, jana saonnari diingani halak Het, Amori, Peris, Hewi dohot Jebus.

JESAYA 1:21

Kota na burju najolo, saonnari gabe songon siboru jalang! Najolo burju halak kota i, hape anggo na adong saonnari hum sibunu jolma noma.

JESAYA 10:27

Di hatiha i ma paluaonKu hamu sian Asur, jana nada markuaso be halahi tu hamu.”

JESAYA 14:25

PusaonKu ma halak Asur na di Israel tanongKi jana na maringanan di angka dolok Hudege-dege ma i. PaluaonKu ma bangsongKi sian boban na nipaksahon ni halak Asur tu halahi.

JESAYA 9:4

Madung diropuhi Ho tinggala sian takkuhukna dohot lanja-lanja sian abarana, madung ditaluhon Ho bangso na mambaen susa bangsoMu, songon panaluhonMu di halak Midian na jolo.

JEREMIA 13:27

Madung Huida hamu patupahon angka pangalaho na Huhagigihon. Huida do hamu markarosuan jana manggampang di angka dolok dohot di angka ladang. Marjaya ma hamu halak Jerusalem! Andigan pe hamu giot malua sian sandok hajahatan?”

JEREMIA 17:2

Marsomba angka halakmu di angka langgatan dohot angka tiang gana-ganaan na dipajongjong di Debata Boru-boru Asera, di sandok hayu na rumbun, di puncu ni angka dolok,

JEREMIA 2:31

O hamu Israel, tangihon ma angka hatangKon. Unjung ma he Au songon padang halongonan maradopkon hamu, sanga songon tano na golap bulita jana na gok parmaraan? Hape biasi didok hamu sai na giot bebas hamu, jana nada ra be mulak mangulahi tu Au?

JEREMIA 3:13

Sandok okui sajo ma paboa na marsala dohot na dung mangalo ho tu Tuhan, Debatamu. Okui ma na dung dipataridahon ho holong ni rohamu maradopkon debata ni angka bangso na asing di toru ni ganop hayu na rumbun, dohot na so dioloi ho angka na Huparentahon. Au, Tuhan, madung mandok songon i.”

JEREMIA 30:8

Didok Tuhan Na Markuaso i do, “Muda dung dapot ari i, tipulkononKu ma auga na dibaen tu tangkuhuk ni halahi i jana rante ni halahi Hutalduskon. Nada be gabe hatoban ni halak na asing halahi.

JEREMIA 5:5

Dumengganan ma au kehe tu angka halak na godang anso mangkatai dohot halahi. Anggo halahi pasti diboto halahi sanga aha hagiot ni Tuhan Debata ni halahi.” Hape halahi sude pe nada ra diparenta Tuhan; nada ra halahi mangoloi Ia.

JEHESKIEL 16:28

Tapi laing na so sombu dope rohamu; gabe dikojar-kojar ho dope halak Asur. Gabe diangkupi halahi ho marhamainan, tapi sian halahi pe laing nada dapot ho sombu ni rohamu.

JEHESKIEL 16:31

Di balerong ni pasar dohot di topi ni sandok dalan dipajongjong ho do angka inganan parsombaan ni gana-ganaan jana marmainan ho disi. Tapi nada songon siboru jalang na somal ho manghaporluhon hepeng.

JEHESKIEL 16:41

Surbuan ni halahi ma angka bagasmu jana suruonna angka dadaboru manyaksihon paruhumanmu. Songon i ma baenonKu mangantak parhamainonmi. Nada be ho marbagi-bagi silua tu angka haholongan ni rohamu.

JEHESKIEL 20:28

Huoban ma halahi tu tano na dung Hujanjihon tu halahi. Di na niida ni halahi angka dolok na gincat dohot angka hayu na rumbun, dipelehon halahi ma haul tu sude hayu dohot dolok i. Dialap-alapi halahi ma anso muruk au marhite angka haul situtungon dohot pelean anggur ni halahi i.

JEHESKIEL 23:5

Haru pe na dung ripengKu si Ohola, laing tongtong do ia manggampang jana sai gintal do dihilala ia laho mangoloi angka haholongan ni rohania na sian Asur.

HOSEA 1:2

Hatiha mulai Tuhan manghatai marhite si Hosea, didok Ia ma tu si Hosea, “Kehe ma ho, buat ma sada halak siboru jalang baen dadaborumu, jana anakkon ma angka anak gampang, angke madung ramun kota on marhite na manundalkon Tuhan.”

HOSEA 2:5

Harana madung gabe parhamainan ina ni halahi; ia na marorot halahi madung marparange na so denggan. Harana didok ia do, “Giot ihutkononku do angka haholongan ni rohangku, na mangalehen roti dohot aek inumon, imbulu ni biri-biri dohot abit linen, miak dohot inumonku.”

HOSEA 3:3

Hudokkon ma tusia, “Lolot do ho tinggal rap dohot au nada manggampang be ho jana nada marhalaklahi; jana au on pe nada marhamainan dohot ho.”

HOSEA 4:13

Di angka inganan parsombaan ni gana-ganaan di puncu ni angka tor dihaulkon hamu do haul jana ditutung hamu dupa di toru ni angka hayu na godang jana na rumbun disi hara ni na laung inganan i. Tapi aha do akibatna? Gabe panggampang do angka borumunu jana parumaenmunu gabe dadaboru parhamainan!

HOSEA 9:1

Ale bangso Israel, ulang be hagodangkon hamu angka ari pestamunu songon angka bangso na asing. Madung ditadingkon hamu Debatamunu jana nada burju hamu tuSia. Di sude luat on, digadis hamu do dirimunu songon panggampang tu Debata Baal, jana sonang rohamunu manjagit gandum na nietong ni rohamunu songon upa ni debata i tu hamu!

HAMALIMON 26:13

Au do Tuhan Debatamu na maroban hamu ruar sian tano Mesir anso ulang diparhatoban hamu. Madung Huponggolkon kuaso na mandondoni hamu, jana Hubaen hamu gabe halak na dung malua.”

NAHUM 1:13

Saonnari ponggolkononKu ma boban na mamborati ho, jana gotapkononKu rante na manambat hamu.”

PANGARATAION 12:2

Muda dung masuk hamu tu luat i, angkon roncohononmunu do angka inganan pamelean, inganan ni bangso na maringanan disi mamele angka debata ni halahi di ginjang ni angka dolok na timbo, di angka tor, dohot di toru ni angka hayu na rumbun.

PANGARATAION 15:15

Ingot hamu ma, hatoban do hamu najolo di Mesir jana na dung dipalua ni Tuhan Debatamunu do hamu, hara ni i ma umbaen na hulehen parenta on tu hamu.

PANGARATAION 26:17

Di ari sadari on, madung dioku hamu Tuhan do Debatamunu. Madung dijanjihon hamu laho mangoloi tuSia dohot patuluskon sude aturan dohot parentaNia.

PANGARATAION 4:20

Tapi anggo hamu bangso na nipaluaNia do sian Mesir, inganan liang bosi di hamu. Dioban Ia do hamu haruar sian luat i, anso gabe bangsoNia sandiri, songon na masa di hamu saonnari.

PANGARATAION 4:34

Jungada ma he adong sada debata na puluk mambuat sada bangso sian bangso na asing lalu mambaen halahi bangsonia sandiri, songon na nibaen ni Tuhan Debatamunu di hamu di Mesir? Diida hamu sandiri do sanga songon dia godang ni hagogoon ni Debata parohon parmaraan dohot porang, mambaen angka hahomangan dohot patuluskon angka pangalaho na jorbut.

PANGARATAION 5:27

Antong Musa, ho ma kehe laho manangihon sandok na nidok ni Tuhan Debatanta i. Dung salpu i, angkon mulak ho laho palaluhon tu hami sanga aha, na nidokNa i tu ho. Tangi ma hami jana mangoloi.’

JOSUA 1:16

Jadi dialusi Marga Ruben, Gad dohot deba sian Marga Manase ma, “Sanga aha na nisurumu baenonnami, patulusonnami ma i, jana sanga tu dia disuru ho hami kehe, laing na kehe ma hami.

JOSUA 24:24

Dung i didok angka halahi ma tu si Josua, “Hum Tuhan Debatanta i do na giot oloannami. Sai oloannami ma angka parentaNia.”

JOSUA 24:26

Disuratkon si Josua ma sude uhum dohot angka aturan i di bagasan Buku Uhum ni Debata. Dung i dibuat si Josua ma sada batu na godang, lalu dipajongjong ia ma i di toru ni sada hayu na godang di inganan hapunjungan ni Tuhan.

HALUMBAAN 17:1

Dung i ro ma sada sian surusuruan na pitu i na maniop sambong na pitu i, mangkobari dohot au ninna ma, “Beta, anso hupatidahon tu ho sanga na bia baenon manguhumi panggampang godang i, na juguk di ginjang ni aek na bahat.

HAKIM-HAKIM 10:6

Mangulahi ma muse mardosa halak Israel tu Tuhan. Nada diantureskon halahi Tuhan jana mantak halahi marsomba tu Tuhan. Marsomba halahi tu angka Debata Baal dohot Astoret dohot tu angka debata ni bangso Siria, Sidon, Moab, Amon dohot Pilistin.

HAKIM-HAKIM 2:11

Dung i mardosa ma halak Israel maradopkon Tuhan, jana mulai ma halahi marsomba tu Baal.

HAKIM-HAKIM 2:13

Nada marsomba tu Tuhan be halahi, tapi marsomba tu Baal dohot Astoret noma halahi.

1 SAMUEL 12:10

dung i martangiang ma halahi tu Tuhan lalu mangoku, ‘Madung mardosa hami hara ni na marbalik sian Ho, ale Tuhan, jana hami somba angka patung ni Debata Baal dohot Astoret. Tapi saonnari, palua ma hami sian musunami, gabe mangoloi tu Ho ma hami!’ ”