JEREMIA 2:16 - BIBEL JAMITA NA DENGGAN

¹⁶ O ale Israel, hona gusting do obuk ni ulumu dibaen halak Memphis dohot Tahpanhes.

JEREMIA 2:16 ပူးပေါင်းရင်းမြစ်များ

2 RAJA-RAJA 18:21

Dipangasahon ho ma hape Mesir, tudos tu na martungkotkon arung do i; maponggol ma tungkotmi, hona susuk muse ma tanganmi. Songon i ma halak Mesir di sude halak na mararop roha tusi.’ ”

2 RAJA-RAJA 23:33

Marujung ma pangarajaion ni si Joahas di na tartangkup ia dibaen si Neko raja ni Mesir di Ribla na di Luat Hamat, jana dipaksa ia ma Juda manggarar pajak tusia 3.400 kilo perak dohot sere tolu pulu opat kilo.

JESAYA 19:13

Jolma na bodo do angka pamimpin di Zoan dohot Memphis. Nanggo na mamimpin halahi, na mur paliluhon bangso i noma dohonon.

JESAYA 59:13

Madung mardosa hami jana mangalo maradopkon Ho, jana nada ra mangihutkon Ho. Madung hami parkanciti halak na asing jana marbalik hami sian Ho. Nada tutu be pikirannami, jana hatanami pe gabus noma.

JESAYA 8:8

Masuhan ni halahi ma Juda songon aek magodang na mangalantap jabat liput abara jana mambaen bonom sasudena; jana habongna na mangirbang i ma manutupi sude luatmu; ale Immanuel!”

JEREMIA 44:1

Mangkuling ma Tuhan tu au taringot tu sude halak Israel na maringanan di Mesir, i ma na di kota Migdol, Tahpenhas, Memphis dohot di tano Patros.

JEREMIA 46:14

“Di angka kota ni Mesir, i ma di Memphis, Migdol dohot di Tahpanhes, pabotohon ma barita on, ‘Markobas ma hamu laho martahan, angke sude sinadonganmunu abiskonon noma i di parporangan!

JEREMIA 46:19

Marhobas be ma hamu angka halak Mesir anso ditaban jana dioban! Gabe lobu ma kota Memphis, inganan na lungun na so diingani.

JEREMIA 48:45

Angka bagian pangungsi na so margogo be, kehe ma tu Hesbon manjalahi parlindungan, tu kota na jungada diparenta Raja Sihon. Hape topet do gor kota i. Ma pola dipangan api i lalu tu batas dohot tu partoran Moab, i ma luat ni halak na tagi marporang.

JEHESKIEL 30:13

Didok Tuhan Debata i ma, “Giot ropukanKu angka gana-ganaan dohot angka debata na di Mempis. Nada adong be tu joloan on raja di Mesir. Mabiar baenonKu sude halak na maringanan disi.

JEHESKIEL 30:16

ParoonKu ma api di Mesir, humitir ma Sin jana hona rampas ma Tebe jana angka tembokna pe angkon martolbakan.

HOSEA 9:6

Madung donok hamamago jana masarsar ma hamu. Jadi palagut-laguton ni halak Mesir ma hamu anso dikubur di Memphis! Tubu ma duhut dohot duri, jana tutupanna ma parbagasonmunu humani dohot angka barang perakmunu sigodang arga i.

PANGARATAION 33:20

Salaho tu Marga Gad didok si Musa: “Nipuji ma Debata na mangalehen tano i tu si Gad maradu bidang anso diingani. Inte si Gad suman tu singa laho mangaluak tangan sanga uluna.