JEREMIA 19:7 - BIBEL JAMITA NA DENGGAN

⁷ SundatanKu ma di inganan on tahi ni halak Juda dohot Jerusalem. PadiaronKu ma halahi rumpak baenon ni podang ni musu, baenon ni tangan na giot mambuat hosa ni halahi. PadiaronKu ma bangke ni halahi dipapangani angka unggas na di langit dohot angka binatang na di tano on.

JEREMIA 19:7 ပူးပေါင်းရင်းမြစ်များ

2 RAJA-RAJA 21:14

Angka halak kota i na tinggal dope padiaronKu ma gabe soroon ni angka musuna na giot mamupusi dohot mangarampas luat ni halahi.

PODA 21:30

Muda Tuhan mangalo ho nada adong tarbaen manolong; magopo do hapistaran, sinaloan dohot habisuhon.

JESAYA 29:14

Hara ni i, baenonKu ma parkaro halongangon tu bangso i, halongangon na pahomangkon roha. Gabe maoto ma halak na marroha, jana nada marguna be hamaloan ni halahi.”

JESAYA 8:10

Baen ma sangkap, tapi nada marguna sudena i. Roha-rohamu ma mandokkon hata! Nada adong guna ni i sudena, angke Debata do na mandongani hami.

JEREMIA 15:2

Muda disapai halahi tu ho, sanga na tu dia halahi kehe, songon on ma dokkon alusna, ‘Didok Tuhan, na ditontuhon parmatena hara ni nyae padiar ma mate hara ni nyae. Na kehe tu hamatean, tu hamatean ma! Na kehe tu podang, tu podang ma! Na kehe tu tangkuraparon, tangkuraparon ma! Na kehe tu tabanan, tu tabanan ma!’

JEREMIA 15:9

Markancit ma ina na dung pitunoli tubuan anak, hosana mangkip-angkip. Madung manggolap mataniari disia di tonga ari maila ma ia jana heput. Na tinggal sian halahi lehenonKu ma tu podang di jolo ni musuna songon i ma didok Tuhan.”

JEREMIA 16:4

Marmatean do halahi hona nyae na mambaen mate, jana marmatean ma halahi di parporangan sanga mate tangkuraparon. Sahalak pe nada adong na manangisi halahi sanga na manguburkonsa. Marampar do bangke ni halahi songon rompak-rompak di tano i, jana dipapangani unggas ma i dohot angka binatang.

JEREMIA 18:21

Hara ni i, padiar ma mate tangkuraparon angka dakdanak ni halahi sanga mate dipangan podang. Padiar ma angka dadaboru ni halahi agoan halaklahi dohot dakdanakna; padiar ma marmatean angka halaklahi baenon ni nyae masa jana angka doli-dolina marmatean di parporangan.

JEREMIA 21:7

Ho dohot angka pagawemu maradu angka jolma na malua sian parporangan, tangkuraparon dohot nyae masa, padiaronKu sudena i hona tangkup baenon ni Raja Nebukadnesar dohot baenon ni angka musu na giot mamatehon ho. Bunuon ni si Nebukadnesar ma hamu sude nada adong ampunan dohot ibo ni rohana. Au Tuhan, mandok songon i.”

JEREMIA 22:19

Saraton ma si Joyakim jana sampakkononna tu balian ni pintu horbangan ni Jerusalem songon na nibaen ni halak tu bangke ni halode.”

JEREMIA 22:25

jana pasahatonKu tu angka jolma na nihabiaranmu jana na marpor ni roha mamunu ho. PasahatonKu ma ho tu si Nebukadnesar raja ni Babel rap dohot paranganna.

JEREMIA 32:28

PadiaronKu do kota on madabu tu tangan ni si Nebukadnesar raja Babel i dohot paranganna. Taluhonon ni halahi noma kota on,

JEREMIA 34:20

PasahatonKu ma halahi tu musu na giot mamatehon halahi. Papanganan ni unggas ma bangke ni halahi dohot angka binatang panyoro.

JEREMIA 46:26

pasahatonKu ma i tu si Nebukadnesar raja ni Babel dohot tu tentarana na giot mamatehon halahi. Tapi inganan ni halak do Mesir muse songon di hatiha na salpu. Au Tuhan, madung mandok songon i.”

JEREMIA 7:33

Angka bangke i ma panganon ni unggas dohot binatang panyoro jana nada adong manyosaksa.

JEREMIA 8:2

nada laho palaguton sanga tanomon mangulahi tapi padiaron do rerak di tano i songon rompak. Marserak ma angka holi-holi ni jolma i di las ni ari, di torang ni bulan dohot angka bintang na nihaholongan ni halahi, na nioloanna, na nisomba dohot pangidoan ni panogu-noguon ni halahi.

JEREMIA 8:8

Puluk do hamu antong mandok na malo hamu, jana na pistar salaho tu angka tona! Cubo hamu ma jolo mangaligi angka tona na Hulehen i madung dipauba angka panyurat na so tigor!

JEREMIA 8:9

Pailaon noma angka halak na pistar di tonga-tongamunu; mago ma roha ni halahi jana tarjorat. Nada ra halahi manangihon sipaingotKu; saonnari hapistaran aha dope na tading di halahi?

ANDUNG 3:37

Hum hagiot ni Tuhan sajo do na giot mardalan;

HAMALIMON 26:17

Au do alomunu, gabe ditaluhon hamu jana halak na mangkagigihon hamu, gabe mangkuasoi hamu. Gok biar ma hamu, gabe marlojong hamu haru so adong mangayak-ayak.

HAMALIMON 26:25

ParoonKu ma parporangan laho manguhum hamu, angke madung dilaosi hamu aturanKu, dung i muda marlagut hamu di kotamunu manjalahi paronding-ondingan, paroonKu ma tu hamu nyae na so haubatan gabe tunduk hamu tu musumunu.

SURAT NI SI PAULUS TU PARLAGUTAN ROM 3:31

Muda songon i, na mangagohon Tona i do lakna hami markite-hite haporsayaan i? Dao ma i! Tapi hami pajongjong do Tona i.

SURAT NI SI PAULUS TU PARLAGUTAN ROM 4:14

Angke sugari halak na burju mangoloi Tona i sajo do na giot maruli di na nijanjihon ni Debata i, nada adong gunana haporsayaan i, jana hum hata-hata sajo do janji i.

1 SAMUEL 17:46

Pasahaton ni Tuhan ma ho laing di ari sadari on tu au; taluhononku ma ho jana lobongonku ma ulumi. Lehenonku ma pamatangmi dohot pamatang ni angka tentara ni Pilistin i tu angka unggas dohot binatang anso panganonna. Jadi gabe botoon ni na satano on ma, anggo hami bangso Israel adong do Debata na hami somba