JEREMIA 19:2 - BIBEL JAMITA NA DENGGAN

² anso rap hami kehe tu Rura Hinom mamolus sian Pintu Horbangan Beling. Angkon disi ma paboaonku tonaNia i.

JEREMIA 19:2 ပူးပေါင်းရင်းမြစ်များ

2 RAJA-RAJA 23:10

Tofet, i ma inganan pamelean ni debata na di Rura Hinom, dipahodar do. Jadi dung songon i nada adong be tarbaen halak laho mamelehon dakdanakna songon haul situtungon di Debata Molok.

2 JUJUR TAON 28:3

jana ditutung ia dupa di Rura Hinom. Dipelehon ia dope tehe anaknia sandiri gabe haul tu gana-ganaan mangihutkon hasomalan na jat di angka jolma na nipaorot ni Tuhan sian tano Kanaan dompak na masuk halak Israel tu tano i.

2 JUJUR TAON 33:6

Dipelehon ia do angka dakdanaknia gabe haul situtungon di Rura Hinom. Dipadalan ia muse do pangalaho hadatuon, na martondung, aji, dohot na mangido panogu-noguon tu angka sumangot. Mardosa situtu do ia tu Tuhan jabat dipagurgur ia muruk ni Tuhan.

NEHEMIA 3:29

Si Zadok anak ni si Imer, si Semaya anak ni si Sekhanya, panjago ni pintu horbangan Timur: Tembok na di jolo ni bagasnia i.

JEREMIA 1:7

Tapi dialusi Tuhan ma, “Ulang dokkon maposotu dope Au. Muda Husuru ho tu sada bangso, angkon kehe ho jana sandok na Husuru dokkononmu angkon palaluonmu do i tu halahi.

JEREMIA 11:6

Dung i didok Tuhan ma tu au, “Kehe ma ho mandapotkon angka kota na di Juda dohot tu angka dalan na di Jerusalem. Palalu ma jolo tonangKon tu angka jolma na disi. Suru ma halahi mamparrohahon dohot mangoloi angka na nipangido ni parjanjianKu.

JEREMIA 18:2

“Kehe ma ho tu bagas ni sitopa hudon; disi ma Hupalalu tonangKu tu ho.”

JEREMIA 26:2

manigor didok Tuhan ma tu au, “Kehe ma ho jongjong di alaman ni BagasKu jana palalu ma tu halak Juda na ro marsomba tusi, sandok na Huparentahon tu ho sipalaluonmu tu halahi. Saotik pe ulang urahi.

JEREMIA 3:12

Disuru Tuhan ma au kehe tu Israel lalu mandok songon on, “O ale Israel na so setia, mulak ma ho tu Au! Gok ibo ni roha do Au jana nada sapanjangna Au muruk tu ho.

JEREMIA 32:35

Dipambaeni halahi do angka langgatan tu Baal di Rura Hinom, jana dipelehon halahi angka dakdanak halaklahi dohot dadaboru ni halahi tu Debata Molok. Hape nian na so jungada do Husuru halahi patupahon na songon i, salang tubu di bagasan rohangKu pe nada jungada sisongon i paboa na giot baenon ni halahi parbuatan na songon i jorbutna dohot na mambaen halak Juda mardosa.”

JEREMIA 7:2

“Jongjong ma ho di horbangan ni Bagas Ni Tuhan, baritahon ma hata on jana dokkon ma, ‘Tangihon hamu ma hata ni Tuhan, ale halak Juda, na masuk sian sude horbangan on laho marsomba Tuhan!’

JUNUS 3:2

Didok Ia ma, “Kehe ma ho tu Ninive, kota na godang i, jana palalu ma tu pangisi ni kota i tona na Hulehen tu ho.”

MATEUS 10:27

Sanga aha na Hudok tu hamu di na golap, hobarkon hamu ma i di arian raya. Sanga aha na Huhusipkon tu pinggolmunu, jamitahon hamu ma i sian bungkulan ni bagas!

BAENON NI ANGKA RASUL 20:27

Nada unjung hutabunihon diringku maradopkon angka karejongku laho patorangkon tu hamu sude sangkap ni Debata.

BAENON NI ANGKA RASUL 5:20

“Kehe ma hamu tu Bagas Ni Debata, jana disi ma hamu jongjong laho mamaritahon sude hata hangoluan i tu halak na bahat.”

JOSUA 15:8

dung i manangkok mamolus Rura Hinom tu Selatan ni tor inganan hajongjongan ni Jerusalem kota ni angka halak Jebus. Sian i torus ma garis batas i tu ambubu ni tor i di Hasundutan ni Rura Hinom, di ujung Parutara ni Rura Refaim,