JEREMIA 19:11 - BIBEL JAMITA NA DENGGAN

¹¹ Angkon dokkononku tu halahi na didokkon Tuhan Na Markuaso i songon on, “Giot sego-segoonKu ma bangso on dohot kota on lopus songon kendi na masarsar i na so tarpauli be mangulahi. Kuburkonon ni halak ma angka bangke ni halahi di Tofet, hara ni na so adong be inganan pananomanna na asing.

JEREMIA 19:11 ပူးပေါင်းရင်းမြစ်များ

MASMUR 2:9

Mardongan tungkot bosi tipulkononmu halahi songon hudon tano ropukonmu halahi.’ ”

PODA 6:15

Hara ni parbuatanna i, ompot ma dondonan ni parmaraan halahi gabe mate ma halahi.

JESAYA 30:14

Maropuk ma hamu songon hudon tano na matapor sarge umpe sangkoping na tarpake gabe ngarngar pambuat ni banggar sian tataring sanga panahu ni aek sian kula.”

JEREMIA 13:14

Jana marsitomboman halahi baenonKu. Songon i ma baenonKu na matobang dohot na poso nada adong ampunanna. AbisanKu ma halahi nada mamake ibo ni roha dohot pangusayang. Au Tuhan, madung mandok songon i.”

JEREMIA 19:12

Giot baenonKu kota on dohot halak na manginganisa songon Tofet.

JEREMIA 19:6

Jadi hara ni i dapot do i hatihana nada goaron be inganan on Tofet sanga Rura Hinom tapi Rura Panyambolan.

JEREMIA 25:34

Hamu angka pamimpin, dohot angka parmahan ni bangso ni Tuhan! Pagogo hamu ma partangismunu! Margiling-giling ma hamu di abu, dibaen madung dapot hatihana bunuon hamu; sambolon ma hamu songon biri-biri na dibante.

JEREMIA 48:38

Di ginjang ni sude bungkulan ni bagas dohot di angka tano lapang sora ni na tangis noma na tarbege. Angke madung Hutaporkon Moab songon hudon tano na so marguna.

JEREMIA 51:63

Antong, dung sidung disise Ho buku on tu angka jolma i, tambatkon ma batu tu buku on jana ambungkon ma tu tonga-tonga ni Batang aek Efrat,

ANDUNG 4:2

Najolo songon sere na arga do angka na bajar di kota Sion, hape saonnari tudos tu hudon tano noma dibaen.

BAENON NI ANGKA RASUL 21:11

Ro ma ia mandapotkon hami, lalu dibuat ia ma bobat ni si Paulus. Dirahuti ia ma patnia, songon i muse tangannia sandiri dohot bobat i jana didok ia ma, “On ma na nidok ni Tondi Parbadia: Rahuton ma nampuna bobat on di Jerusalem, songon on ma baenon ni halak Jahudi jana pasahatonna ma ia tu angka bangso na asing na so Jahudi,” ning ia.

HALUMBAAN 2:27

Jana mamarenta ma ia tu halahi dohot tungkot bosi; dohot mangabiskon bangso i songon na manapor-napor hudon tano – dos songon na Hujagit sian Damang.