JEREMIA 18:8 - BIBEL JAMITA NA DENGGAN

⁸ hape muba roha ni bangso i sian dosana, jadi gabe Husundati do nietKi.

JEREMIA 18:8 ပူးပေါင်းရင်းမြစ်များ

2 JUJUR TAON 12:6

Dioku raja i ma dohot angka pamimpin i bahaso na dung mardosa halahi. Didok halahi ma, “Tigor do sanga aha na nidok ni Tuhan i.”

MASMUR 106:45

Hara ni halahi diingot Ho parjanjianMu, jana diuba Ho haputusanMu, hara ni godang ni holong ni rohaMu.

MASMUR 135:14

BelaonMu ma bangsoMu jana maribo ni roha Ho di angka naposoMu.

MASMUR 90:13

Ale Tuhan intap ni andigan sai milas rohaMu? Marpangulahi jana ibo ma rohaMu di angka naposoMon.

HARURUAR 32:12

Biasi ma he angkon dokkonon ni halak Mesir: Dioban Ia ma halahi ruar anso dipadondonkon Ia do bala tu halahi jana dibunu Ia halahi di dolok jana disudehon Ia halahi sian tano on? Palambok ma da rohaMu na marpiar-piar i jana marpangulahi ma rohaMu taringot tu hamamago na giot paroonMu tu bangso on.

HARURUAR 32:14

Jadi gabe marpangulahi ma roha ni Tuhan i jana nada tulus didalankon Ia na nitahi ni rohaNia maradopkon bangso i parohon hamamago.

JEREMIA 12:16

Muda ra halahi manjagit ugamo ni bangsongKu sian sandok roha ni halahi jana ra manyumpahon marhite na mandok, ‘Mangasahon Tuhan na mangolu i,’ – songon na niajaran ni halahi najolo bangsongKu marsumpa mangasahon Baal jadi gabe tarmasuk ma halahi gabe bangsongKu jana gabe maduma.

JEREMIA 15:6

Madung ditulak jana ditadingkon hamu Au, hara ni i Huondamkon botohonKu laho mangabisi hamu. Ma pola loja Au mangorom muruk ni rohangKu.

JEREMIA 26:13

Hara ni i pauba hamu ma parngoluonmunu dohot angka pangalahomunu; oloi hamu ma Tuhan Debatamunu anso disundati Ia nietNia laho mangago hamu.

JEREMIA 26:19

Hape nada dibunu Raja Hiskia dohot rayat i si Mika. Mur mabiar roha ni si Hiskia tu Tuhan jana mangido ibo ni roha ia. Jadi gabe ditarik Tuhan mangulahi ondam-ondamNia i laho mangago halahi. Jana saonnari pe, ra dehe hita mangalapi hamagoan godang tu dirinta?”

JEREMIA 26:3

Betak na ra do bangso i manangihon, gabe mantak mambaen na jahat gabe Husundati rohangKu laho mangago halahi hombar tu pambaenan ni halahi na jahat i.”

JEREMIA 36:3

Betak na ra do halak Juda mantak mambaen na jahat muda dibege halahi taringot tu sude parmaraan na giot dondonkononKu tu halahi. Jadi ampunanKu do dosa dohot hajahatan ni halahi.”

JEREMIA 42:10

‘Muda giot hot do hamu maringanan di luat on, angkatonKu ma hamu jana nada dabuhononKu; pajongjongonKu ma hamu, jana nada runcurhononKu. Marsak sajo do Au hara ni na dung Hupamasa hamamago tu hamu.

JEHESKIEL 18:21

Muda nada be mambaen dosa sada halak parjahat, jana dipungka ia ma mandalankon angka tona na sian Au, jana dipatupa ia pangalaho na denggan jana na tigor, nada mate be ia.

JEHESKIEL 33:11

Dokkon ma tu halahi, mangasahon Au na mangolu, Tuhan Debata nada jop rohangKu muda mate halak parjahat i; tapi sugari mulak ma nian ia manadingkon angka dosana anso tongtong ia mangolu. Ale bangso Israel, antak hamu ma mambaen na jahat! Biasi angkon sai mate hamu?”

JEHESKIEL 33:12

“Antong, ale jolma parsantongkinan, dokkon ma tu halak Israel muda mambaen dosa halak na burju, gabe nada tarurupi hadengganannia i ia. Muda mantak halak parjahat mambaen dosa, nada be hona uhum ia baenon jana muda mambaen dosa halak na burju, nada be malua ia baenon.

JEHESKIEL 33:13

Bolas jadi do na dung Hujanjihon laho paluahon halak na burju i, tapi anggo dipungka ia do mambaen dosa jana diarop rohania giot paluaonKu ia hara ni hadengganannia na salpu i, sala do ia disi. Nada paingot-ingotonKu be hadengganan na dung unjung dibaen ia jana mate noma ia hara ni angka dosania i.

JEHESKIEL 33:14

Bolas jadi do na dung Hupaingot halak parjahat i mandok na giot mate noma ia. Tapi anggo mantak do ia mambaen dosa jana dipungka ia patupahon sanga aha na denggan dohot na tutu,

HOSEA 11:8

Didok Tuhan ma, “Ale Israel nada padiaronKu ho sanga tadingkononKu. Tarbaen Au ma he tu ho songon parabis ni Adma? Sanga Hubaen ho songon Zeboim? Nada torus rohangKu mambaen songon i, hara ni godang ni holong ni rohangKu tu ho!

AMOS 5:15

Hagigihon hamu ma na jahat, haholongi hamu ma na denggan, jana hajongjongkon hamu ma na tigor. Betak na ibo do roha ni Tuhan di angka jolma na teba i sian pomparan ni si Josep.

JUNUS 4:2

Jadi martangiang ma ia, “Nada he hudok hian do ale Tuhan taran so kehe sian bagasku na salpu i, na giot songon i hian do baenonMu? Hara ni i ma umbaen na huompoti kehe tu Tarsis! Huboto humani do Debata pangusayang dohot parholong Ho, na lambok jana mura sajo do manigor di Ho pauba sangkapMu manguhumi.

PANGARATAION 32:36

Paluaon ni Tuhan ma bangsoNa, jana haholonganNia angka naposoNa, muda diida Ia halahi gale-gale, jana abis gogona sude.

HAKIM-HAKIM 2:18

Muda dilehen Tuhan sada pamimpin di halak Israel, sai na ditolong Ia do i. Jana salolot mangolu pamimpin i, sai dipalua Tuhan do halahi sian angka musu ni halahi, dibaen ibo do rohaNia mida halahi muda dibege Ia halahi mangangguhi hara ni na diparkanciti jana dipapisat-pisat.