Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JEREMIA 18:23 - BIBEL JAMITA NA DENGGAN

23 Tapi diboto Ho do ale Tuhan sasude na nitahi ni roha ni halahi laho mamatehon au. Hara ni i, ulang be ampuni halahi; ulang sesa hasalaan ni halahi. Potuk ma halahi lopus dabu. Maralo ma Ho tu halahi di bagasan muruk ni rohaMu.”

အခန်းကိုကြည့်ပါ။ ကော်ပီ




JEREMIA 18:23
28 ပူးပေါင်းရင်းမြစ်များ  

O Tuhan, madung hatihana do tindakan baenonMu, angke nada dioloi halak tona na nipasahatMu.


Ho ma padiarkon talu dohot pailahon sanga ise halak na giot mamunu au. Padiar ma kehe boti so martontu halak na martahi mangalo au.


Diboto Ho do godang ni sitaononku, torang do di rohaMu ilu-ilungku. Nada he tarsurat do sudena i di bukuMu?


O, Tuhan, Debata Na Markuaso, i ma Debata ni Israel. Jongjong ma Ho jana uhumi ma angka bangso, indangkon sai pola ibo rohaMu mida halak panghianat.


Aha ma na giot baenonmunu di ari panguhuman, jana hatiha hasesego na giot ro sian sihadaoan? Tu ise ma ho kehe mangido pangurupion? Di dia ma he tabunihononmunu hakayoonmunu i?


Angkon marbile do ganop halak jana dipaila. Ulang lehen ampunan tu halahi, ale Tuhan!


Madung Hubuhul ari laho parohon hamamago tu angka halak Anatot, jana muda dapot hatihana i, sahalak pe nada adong na malua.”


Dung i hudok ma, “Diboto Ho do ale Tuhan. Ingot ma au jana urupi. Baloskon ma tu halahi na manyosak au. Ulang mabahattu sobarMu maradopkon halahi gabe sanga lalu dibunu halahi au. Ingot ma antong, hara ni Ho do da umbaen na marlayas au.


Sai Ho ma pailahon dohot manggohi biar tu halak na manyompiti ngolungku. Tapi ulang baen tu au songon i ale Tuhan. Paro ma jaya hamagoan tu halahi lopus abis matimpas halahi.


Paksaonna ma hamu pasahatkon tano na dung Hupasahat i tu hamu, jana baenonKu ma hamu mangoloi tu musumunu di tano na so nitandamunu. Hara ni murukKu na marjimbur songon api na gara jana na so haintopan ma umbaen na songon i Hubaen sudena i.”


Didok halahi ma, “Tole ma martahi hita mangalo si Jeremia. Haru so adong pe ia laing na adong do angka malim na mangalehen pangajaran, laing na malo do angka halak na bisuk mangalehen sipaingot; jana laing tarbaen angka panurirang do palaluhon angka tona ni Debata tu hita. Beta ma hita aduhon ia tu paruhuman jana nada be patangi-tangionta angka hatania.”


Didok angka malim ma dohot angka panurirang tu angka pamimpin dohot tu rayat i, “Patut do mate bayo on niuhuman, harana diparuar ia do angka hata na mangalo kota on. Hamu sandiri pe, madung mambege.”


Disi hupabotohon sude tona ni Tuhan songon na niparentahonNia i tu au, manigor ditangkup halahi ma au lalu marsurahi halahi, “Angkon mate ho!


Sun ma muruk ni halahi tu au jana diparentahon halahi anso dibalbali au jana dihurung di bagas ni si Jonathan, juru tulis ni bagas godang i. Gabe hurungan do dibaen bagas i.


Jadi kehe ma angka pagawe i mandapotkon raja i jana didok halahi ma, “Angkon mate niuhuman do bayo on. Angke hara ni na nidoknia songon i, gabe gale do roha ni angka parajurit dohot halak na asing na adong dope di kota on. Nada diurupi ia rayat i, tapi diago ia do.”


Angkon maila do nian halahi hara ni sude parbuatan ni halahi na jat i. Hape sihapal bohi do halahi jana na so umboto ila. Patunda ni i angkon gabe madabu do halahi songon halak na asing na dung madabu i; abis noma barita ni halahi muda jabat Au manguhum halahi. Au Tuhan, madung mandok songon i.”


BaenonKu ma dalanna anso tartuktuk angka jolma on lalu tinggang. Ama dohot dakdanakna, dongan maradu hombar bagasna marmara noma.”


Au Tuhan Debata, padondonkononKu ma murukKu na jorbut i tu bagas paribadatan on, tu jolma dohot tu binatang dohot tu suan-suanan dohot tu suha ni tano. Marjimbur-jimbur ma murukKu songon api na so haintopan.”


O hamu bangsongKu, patut nian maila ma hamu hara ni sude halayason na dung nibaenmunu on! Hape hapal do bohimunu jana nada mamboto hahaila. Jadi hara ni i angkon madabu hamu songon halak na asing na dung madabu i; abis ma riwayatmunu muda dung Huuhumi hamu. Au Tuhan, madung mandok songon i.”


Diboto Ho do sogo ni roha ni musungku tu au, dohot sanga na bia tahi ni halak i mangago au.


Dibege Ho do, ale Tuhan, dipalayas au; diboto Ho do sangkap ni halahi sudena.


Angke anggo angka ari i, i ma, ‘Angka ari pamaloson.’ Jadi di na songon i ma tulus sanga aha na dung tarsurat di Buku Na Badia i.


Tapi hara ni jogal ni rohamu na so ra muba, ditamba ho do rimas tu dirimu sandiri di ari haririmas dohot hapataran ni uhuman ni Debata na tigor i.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ