JEREMIA 18:20 - BIBEL JAMITA NA DENGGAN

²⁰ Patut ma he baloskonon hadengganan dohot hajahatan? Hape madung dihuar halahi godung anso madabu au tu bagasan. Ingot ma na dung huondihon halahi di adopanMu anso ulang muruk Ho tu halahi.

JEREMIA 18:20 ပူးပေါင်းရင်းမြစ်များ

JOB 6:27

Salang bagian na so marama pe laing dirohai ho, dikilang ho dohot ale-alemu anso tibu makayo ho.

MASMUR 106:23

Hara ni i gabe tubu di rohaMu laho mangabisi bangsoMi, tapi diambati si Musa, halak na nitodoMi. Ia gabe panonga-nongai di halahi gabe mombun antong rimasMi.

MASMUR 119:95

Sai inte do parjahat i laho mamunu au, tapi sai hupasari-sari do parentaMu.

MASMUR 35:12

Dibalos halahi do hadenggananku dohot hajahatan; bonom ma au di bagasan pandelean.

MASMUR 35:7

So adong harana manaon jorgong halahi tu au, dohot mambaen godung na bagas padapotkon au.

MASMUR 38:20

Hajahatan do dibaen halahi balos ni hadengganan, jana dimusu halahi au, hara ni na huparayak na denggan.

MASMUR 57:6

Ditaon musungku do jorgong tu au, digohi biar do rohangku. Dihuar halahi do godung di dalanku, hapengani halahi sandiri tu bagasan madabu.

MASMUR 7:15

Dihuar ia lubang di halak na asing, hape ia sandiri madabu tu bagasan.

PODA 17:13

Sanga ise na mambalos hadengganan dohot na jat, sian bagasna pe nada morot be na jat.

PODA 26:27

Sanga ise na manghuar lubang tu halak na asing, runcur do i tu bagasan. Sanga ise manggulang batu, i do na nidondonanna.

PARJAMITA 10:8

Sanga ise manghuar lubang, muli madabu do ia tu bagasan; sanga ise na mansegoi tembok turbingon ni ulok ma ia.

JEREMIA 11:14

Jadi hara ni i ale Jeremia, ulang tangiangkon halahi sanga mangido tolong tu Au salaho tu halahi! Muda susa halahi jana mangido tolong tu Au, nada tangihononKu be halahi.”

JEREMIA 14:20

Ale Tuhan, hami oku do dosanami dohot dosa ni ompunami. Tutu madung mardosa hami tu Ho.

JEREMIA 15:1

Didok Tuhan ma tu au, “Indada ra Au maribo ni roha mida bangso on, haru pe jongjong dison si Musa dohot si Samuel mangido ibo ni roha sian Au tu halahi. Suru ma kehe bangso on; nada jop rohangKu paida-ida halahi.

JEREMIA 17:18

Sai Ho ma pailahon dohot manggohi biar tu halak na manyompiti ngolungku. Tapi ulang baen tu au songon i ale Tuhan. Paro ma jaya hamagoan tu halahi lopus abis matimpas halahi.

JEREMIA 18:19

Jadi martangiang ma au, “O Tuhan, tangihon ma tangiangkon parrohahon ma sanga na aha na nidok ni musungku taringot tu au!

JEREMIA 18:22

Suru ma tompu ro angka panyamun tu bagas ni halahi anso mangangguhi halahi hara ni songgotna. Madung dihuar halahi godung anso madabu au tu bagasan, jana ditaon halahi jorgong laho manangkup au.

JEREMIA 27:18

Anggo na tutu do halahi panurirang, jana na dung manjagit tona sian Au, angkon pangidoon ni halahi saonnari tu Au, Tuhan Na Markuaso, anso ulang dioban tu Babel angka barang-barang na adong dope di BagasKu dohot di bagas godang na di Jerusalem.

JEREMIA 5:26

O hamu bangsongKu, adong do sian tonga-tongamunu angka halak na jahat. Songon halak na manaon sambil laho manangkup unggas, songon i ma ditaon halahi jorgong laho manangkup jolma.

JEREMIA 7:16

Didok Tuhan, “Ale Jeremia, ulang tangiangkon angka jolma on. Ulang mangido tolong sanga ditangiangkon ho salaho tu halahi: Ulang sosak-sosak Au angke nada ra Au manangihon pangidoanmi.

ANDUNG 3:59

Diida Ho do hajahatan na dibaen tu au, bela ma parkarongku, ale Tuhan!

JOHANNES 10:32

Tapi didok Jesus ma tu halahi, “Madung diida hamu Au mambaen angka karejo na denggan, na nisuruhon ni Damang karejohononKu; sian sude parkarejoan i, hara ni karejo na dia ma umbaen giot dangguranmunu Au?”

JOHANNES 15:25

Jadi madung songon i pangalahona anso laing tulus na tarsurat i di Buku Tona ni halahi na mandok, ‘Dihosomi halahi do Au haru so binoto sanga hara ni aha.’

1 SAMUEL 19:4

Dung i dihatahon si Jonatan ma angka na denggan salaho tu si Daud tu si Saul, “Amang, ulang ma antong mardosa ho maradophon si Daud naposomi. Harana nada adong hasalaan dibaen ia tu amang, balikna do, na dung bahat do na denggan dibaen ia tu amang.