JEREMIA 18:13 - BIBEL JAMITA NA DENGGAN

¹³ Didok Tuhan ma, “Sapai ma tu ganop bangso, sanga na unjung tarjadi songon on. Madung dibaen halak Israel pangalaho na jorbut i!

JEREMIA 18:13 ပူးပေါင်းရင်းမြစ်များ

JESAYA 36:22

Jadi disibakkon si Elyakim, si Sebna dohot si Joah ma pakeanna be tanda ni marsakna. Jadi kehe ma halahi paboahon tu raja i sandok na nipardokkonan ni pangarajai inumon ni Asur i.

JESAYA 66:8

Jungada ma he tarbege na songon i? Nada unjung dope masa sada bangso ditubuhon di bagasan sadari. Hape anggo Sion, nada pola lolot mangae madung sorang angka anakna.

JEREMIA 14:17

Disuru Tuhan ma au paboahon arsak ni rohangku tu bangsoNa i. Angkon dokkononku songon on, “Tangis noma au torus-torusan, arian na borngin ilu maraburan. Dibaen banga do bugang ni bangsongku jana tarlobi do pardangolanna.

JEREMIA 18:14

Na so ra mantak do salju sian dolok batu na di Libanon. Nada jungada mahiang aek na borgo na mardalan di partoran.

JEREMIA 23:14

Tapi madung Huida jumahat dope pangalaho ni angka panurirang di Jerusalem. Margabusi do halahi dohot marmainan jana diurupi halahi do halak na jahat, gabe umpe adong sahalak pe na ra pauba rohana. Anggo di Au mandosdos do halahi sudena rap parjahat songon halak Sodom dohot Gomora.”

JEREMIA 31:4

PadengganonKu ma mangulahi parngoluonmunu. Sanoli nari buatonmunu ma rapano jana manortor ma hamu marjop ni roha.

JEREMIA 5:30

Madung masa sada pangalaho na jorbut jana habiaran di luat on:

ANDUNG 1:15

Layas do sude diida Tuhan ulu balangku na garang i. Ditongos Ia tentara anso mate sude sian au doli-doli. Dipisat Tuhan do bangsongku lopus maropuk, songon pambaen ni halak na mamoro anggur.

HOSEA 6:10

Huida do sada hajorbuton di Israel: Hodar do dibaen bangsongKi dirina sandiri marhite na manyomba gana-ganaan.

AMOS 5:1

Tangihon ma ale bangso Israel! Giot endehononKu sada ende arsak di hamu:

AMOS 5:2

Madung tinggang Israel boru na bujing i, nada lobassa jongjong be! Dipadiar ia bustang di tano, nada adong mangurupisa jongjong.

1 KORINTUS 5:1

Satutuna madung lalu tu au paboahon na adong deba sian hamu marpangalaho na so ture; adong sian hamu na pardadaboruhon na nialap ni amangna. Hape halak na so mananda Tuhan pe nada ra mambaen na songon i!

1 SAMUEL 4:7

gabe mabiar ma halahi jana didok halahi ma, “Adong ro Debata tu parbandaran ni halahi! Mago ma hita on! Na so unjung dope taalami na songon on!