JEREMIA 18:11 - BIBEL JAMITA NA DENGGAN

¹¹ Didok Tuhan ma tu au, “Saonnari paboa ma tu angka halak Juda dohot tu halak na mangingani Jerusalem paboa na mambaen sangkap do Au saonnari laho mangalo halahi, dohot pasidungkon uhuman tu halahi. Suruhon ma anso diantak halahi parngoluon ni halahi na mardosai i jana dipadenggan halahi pangalaho dohot parbuatan ni halahi.

JEREMIA 18:11 ပူးပေါင်းရင်းမြစ်များ

PAMUNGKAAN 11:7

Dumenggan ma mijur Hita jana Tapasarsar ma hata ni halahi anso ulang be marsiastuan hata ni halahi be.”

1 RAJA-RAJA 22:23

Ujungna didok si Mika ma, “Bia baenon, i ma na tarjadi! Tuhan do mambaen angka panurirang ni tuan i margabus tu tuan i, angke na dung ditontuhon Tuhan do laho padondonkon bala tu tuan i!”

2 RAJA-RAJA 17:13

Tu halak Israel dohot Juda, disuru Tuhan do angka utusan dohot angka panurirangNia laho palaluhon tona on, “Antak hamu ma na mambaen na jahat jana burju ma oloi hamu parenta dohot uhum na Hulehen tu ompumunu jana na Hupalalu tu hamu markite angka panurirang naposongKi.”

2 RAJA-RAJA 22:13

“Kehe ma hamu marsapa tu Tuhan salaho tu au dohot rayat sudena i taringot tu isi ni buku on. Na muruk do Tuhan tu hita hara ni na so didalankon ni angka ompunta angka parenta na tarsurat di buku on.”

2 RAJA-RAJA 5:5

Jadi didok raja i ma, “Denggan, kehe ma ho manopot raja ni Israel. Hubaen pe surat tusia.” Jadi kehe ma si Naaman, dioban ia ma tolu pulu ribu hepeng perak, onom ribu hepeng sere, dohot pakean na jeges-jeges sampulu pasang.

JESAYA 5:5

Antong, songon on noma baenonKu kobun anggurKi: AngkatonKu noma handang na humaliang kobun i, tembok na manjagohon kobun i pe rumpakkononKu noma i, padiaronKu ma angka binatang riar manjampali i lalu mandege-degesa.

JESAYA 57:1

Mate halak partigor, jana nada adong sahalak pe na mampardulihonsa; angka halak na alim hona sintak hosana, jana nada adong na mangantureskonsa; tutu, hara ni na dung rarat hajahaton, hona sintak ma hosa ni halak partigor.

JEREMIA 11:11

Patunda ni i, Au Tuhan, madung Hupaingot bahaso na giot paroonKu hamamago tu halahi, jana nada tarbaen halahi pasidingkonsa. Muda pio-pio halahi mangido tolong tu Au, nada ra Au manangihonsa.

JEREMIA 11:19

Songon biri-biri na so mardongan biar do au na ditogu tu panyambolan. Nada huboto hapengani au do na giot honaan ni halahi di angka sangkap na jahat i. Didok halahi, “Tole ma hita taba bona ni hayu on dompak ra dope marbatu; tabunu ma i anso dihalupahon halak goarnia.”

JEREMIA 18:18

Didok halahi ma, “Tole ma martahi hita mangalo si Jeremia. Haru so adong pe ia laing na adong do angka malim na mangalehen pangajaran, laing na malo do angka halak na bisuk mangalehen sipaingot; jana laing tarbaen angka panurirang do palaluhon angka tona ni Debata tu hita. Beta ma hita aduhon ia tu paruhuman jana nada be patangi-tangionta angka hatania.”

JEREMIA 19:15

bahaso na nidok ni Tuhan Na Markuaso i Debata ni Israel songon on, “Giot paroonKu noma tu kota on dohot tu angka huta pagaran na humaliangsa sandok parmaraan na dung Husangkaphon humani, hara ni jogal ni rohamunu dohot na so ra hamu manangihon.”

JEREMIA 19:3

Dongkon ma, “Tangihon ma hata ni Tuhan, ale raja-raja ni Juda dohot rayat Jerusalem! Songon on ma hata ni Tuhan Na Markuaso, Debata ni Israel: Satutuna paroonKu ma parmaraan tu inganan on, gabe marnginging ma pinggol ni halak na umbegesa.

JEREMIA 25:2

Hudok ma tu sude bangso Juda dohot halak na maringanan di Jerusalem,

JEREMIA 25:5

Disuru halahi do hamu manadingkon parngoluonmunu na jahat i dohot angka parbuatanmunu na gok dosa i anso tarbaen hamu hot maringanan di tano pusako na nilehen ni Tuhan tu hamu dohot tu angka ompumunu songon tano pusako.

JEREMIA 26:13

Hara ni i pauba hamu ma parngoluonmunu dohot angka pangalahomunu; oloi hamu ma Tuhan Debatamunu anso disundati Ia nietNia laho mangago hamu.

JEREMIA 26:3

Betak na ra do bangso i manangihon, gabe mantak mambaen na jahat gabe Husundati rohangKu laho mangago halahi hombar tu pambaenan ni halahi na jahat i.”

JEREMIA 3:1

Didok Tuhan, “Muda disirangkon halaklahina sada dadaboru, lalu marbagas anak boru i tu bayo na asing, nada tola be halaklahina i humani mambuat dadaboru i mangulahi gabe ripena, angke pasego-segohon do pangalaho na songon i di luat on. Antong ho ale Israel, madung bahat sajo haholongan ni rohamu, biasi dope puluk ho mulak tu Au?

JEREMIA 3:22

O hamu sude na manadingkon Tuhan, mulak ma hamu! PamalumonNia ma hamu, jana baenonNia ma hamu setia. Didok hamu, “Olo da, saonnari ma hami ro tu Tuhan, angke Ia do antong Debatanami.

JEREMIA 35:15

Torus do marpupu Husuru naposongKu, sude angka panurirang tu hamu, jana madung dipaingot halahi hamu laho padenggankon pangalahomunu jana anso mantak hamu mambaen jahat. Dipaingot halahi do hamu anso ulang mamele tu angka debata jana anso ulang mangoloi tu halahi, anso tarbaen hamu torus maringanan di luat na dung Hulehen on tu hamu dohot tu ompumunu. Hape nada ra hamu mamparrohahon jana nada ra hamu manangihon.

JEREMIA 36:3

Betak na ra do halak Juda mantak mambaen na jahat muda dibege halahi taringot tu sude parmaraan na giot dondonkononKu tu halahi. Jadi ampunanKu do dosa dohot hajahatan ni halahi.”

JEREMIA 36:7

Betak na gabe martangiang do halahi tu Tuhan baenon ni i jana muba halahi sian angka parbuatan ni halahi na jahat i. Sun do muruk ni Tuhan tu halahi jana mangondam do tu halahi.”

JEREMIA 4:1

Didok Tuhan, “O halak Israel, muda ra hamu mulak mangulahi, antong mulak ma hamu. Jolo parambungkon hamu ma angka gana-ganaan na Huhagigihon i, jana setia ma hamu tu Au,

JEREMIA 4:14

O Jerusalem, ambungkon ma hajahatan sian bagasan rohamu anso dipalua ho. Sadia honok nari angka pikiran na jahat i sai simpan-simpanonmu di bagasan rohamu?

JEREMIA 4:23

Manaili ma au adop tano, rumar jana harsang idaon. Mandorgak au adop langit an, nada adong na marsinondang.

JEREMIA 4:6

Patuduhon ma dalan tu Sion, dolok ni Tuhan, ompoti hamu ma mangungsi, ulang ma marsidalian. Sian Utara diparo Tuhan hamamago dohot hasegoan.

JEREMIA 51:11

Madung dijajang Tuhan angka raja na sian Media, hara ni na giot roncohononNia Babel. Songon i ma dalanna dibaen Ia laho mamalos parbuatan ni angka jolma na mangaroncohon bagasNia i. Didok komandan ni parangan parporang i ma, “Patajom be anak ni pana! Parade parince!

JEREMIA 7:3

Songon on do hata ni Tuhan Na Markuaso i, Debata ni Israel, ‘Pauba ma pangalahomu dohot pambaenanmu anso ra Au maringanan di inganan on rap dohot hamu.’

JEHESKIEL 13:22

Angka halak na burju na so adong Huhahua, dipahancit hamu ma roha ni halahi marhite pargabusonmunu i. Angka halak na jahat dipagodang hamu rohana anso tongtong mardosa boti anso ulang dipalua.

JEHESKIEL 18:23

Adong he didok rohamu, Au Tuhan Debata marsonang ni roha muda mate halak na jahat i? Nada songon i! GiotKu nian ditadingkon ia ma angka dosania anso laing mangolu ia.

JUNUS 3:8

Jolma dohot pahan-pahanan angkon mamake abit goni. Songon tanda ni panyolsolion angkon martangiang sude jolma sian situtu ni rohana tu Debata. Angkon padengganonna be pangalahona na jahat i dohot parangena na gok dosa i.

MIKA 2:3

Hara ni i didok Tuhan ma, “Marsangkap do Au laho parohon parmaraan godang tu hamu, anso ulang adong na malua sian hamu. Nada tarbaen be gakgak pardalanmu angke anggo hatiha i, i ma hatiha na marmara.

ZAKARIA 1:3

Hara ni i dokkon ma tu halahi, ‘Songon on ma hata ni Tuhan Na Markuaso: Mulak ma tu Au, ninna Tuhan Na Markuaso, jana Au pe gabe mulak ma tu hamu ninna Tuhan Na Markuaso.’

BAENON NI ANGKA RASUL 26:20

Tangkas do hupatorang sanga na tu ise pe anso marsipauba rohana be sian angka dosana jana marsipasahat dirina be ma tu Debata jana angkon tarida ma di ngolu ni halahi be paboa na dung muba rohana sian dosa ni halahi be. Di Damaskus ma parjolo hupatorang songon i, dung i baru di Jerusalem dohot di sude Luat Judea dohot di tonga-tonga ni angka bangso na asing.

JAKOBUS 4:13

Hamu angka dongan na mandok, “Sadari on sanga ancogot na giot kehe do hami tu kota adu i jana disi ma hami maringanan sataon honokna anso marjagal jana manjalahi hepeng disi,

JAKOBUS 5:1

Hamu angka halak na mora! Tangihon hamu ma sipaingotkon. Tangis ma hamu jana mangandungi, harana manaon parkancitan ma hamu!