JEREMIA 17:4 - BIBEL JAMITA NA DENGGAN

⁴ Paksaonna ma hamu pasahatkon tano na dung Hupasahat i tu hamu, jana baenonKu ma hamu mangoloi tu musumunu di tano na so nitandamunu. Hara ni murukKu na marjimbur songon api na gara jana na so haintopan ma umbaen na songon i Hubaen sudena i.”

JEREMIA 17:4 ပူးပေါင်းရင်းမြစ်များ

1 RAJA-RAJA 9:7

gabe paruaronKu ma bangsongKu Israel sian luat na dung Hulehen di halahi. Au pe tinggalkononKu ma bagas parsombaan na dung Hudokkon gabe inganan na dung mardohonan laho marsomba tu Au. Sanga didia pe halak Israel angkon dilayasi jana dipartatai halak.

2 RAJA-RAJA 25:21

na di Luat Hamat. Disambok ma halahi disi lalu dibunu. Songon i ma angka halak Juda i dioban sian tano ni halahi tu habuangan.

NEHEMIA 9:28

Tapi dung sonang mangulahi luatna i, manigor do halahi mardosai mangulahi. Gabe dipasahat ma mangulahi halahi, tu musu na mamisat i. Tapi di na sadar halahi jana manyosak situtu rohana gabe pio-pio tu Ho mangido dipalua. Ditangihon Ho do halahi sian banua ginjang; jana ditolong Ho marpupu, dibaen ibo do rohaMu mida halahi jana holong situtu.

JESAYA 14:3

Giot paluaon ni Tuhan ma Israel sian parhancitan dohot pardangolanna dohot sian karejo na borat na nipaksahon tu halahi.

JESAYA 30:33

Mamungka sian narobi na dung diparade hian do api baen panutung ni raja Asur. Bagas jana lumbang do inganan i na marisi soban martinggang-tinggang. Ombuskonon ni Tuhan ma hosaNia laho pagarahon api i.

JESAYA 5:25

Muruk Tuhan tu bangsoNia i. Madung rade Ia laho manguhumi halahi. Humutur ma angka dolok; marragean ma angka bangke songon rompak di angka dalan. Hape laing muruk dope Tuhan jana laing na giot manguhumi.

JESAYA 50:11

Satutuna, sude hamu na pagara api jana mamasang pana-pana api, masuk ma hamu tu bagasan ngorngor ni apimu, dohot tu tonga-tonga ni pana api na nipasangmunu i! Hara ni tanganKu do tarjadi sudena i: Marpayakan ma hamu di inganan paruhuman i.

JESAYA 66:24

Laho kehe, idaon ni halahi ma angka bangke marserak; i ma angka halak na mangalo tu Au. Binga na mamangani bangke ni halahi i, inda na ra mate, jana api na manutung halahi i nada ra mintop; pamandangan na jorbut ma i di sude jolma.”

JEREMIA 12:7

Madung Hutinggalkon bagas ingananKi jana Huambungkon luatKi. Madung Hupasahat haholonganKi tu tangan ni musuna.

JEREMIA 15:14

Giot baenonKu noma halahi gabe hatoban ni musu ni halahi di tano na asing na so ditanda ni halahi, angke madung gurgur murukKu songon api na marjimbur-jimbur jana na so ra mintop.”

JEREMIA 16:13

Hara ni i, paorotonKu noma hamu sian luat on jana buangonKu tu sada luat na asing situtu di hamu dohot di ompumunu. Anggo disi arian na borngin mangoloi tu angka debata na leban noma hamu, jana nada maribo ni roha be Au mida hamu.’ ”

JEREMIA 18:23

Tapi diboto Ho do ale Tuhan sasude na nitahi ni roha ni halahi laho mamatehon au. Hara ni i, ulang be ampuni halahi; ulang sesa hasalaan ni halahi. Potuk ma halahi lopus dabu. Maralo ma Ho tu halahi di bagasan muruk ni rohaMu.”

JEREMIA 2:14

“Nada hatoban Israel, nada muse pomparan ni hatoban. Tapi biasi sai diayak-ayak alona ia?

JEREMIA 22:28

“Adong he na dung gabe songon hudon tano na matapor do Raja Joyakin, na niambungkon jana na so tarpake be? Hara ni i dehe umbaen na dipaorot jana dibuang ia dohot dakdanaknia tu luat na so nitanda ni halahi?”

JEREMIA 5:19

Tapi muda sapa-sapa halahi sanga hara ni aha umbaen na songon i Hubaen tu halahi, dokkon ma ale Jeremia tu halahi sanga songon dia panadingkon ni halahi di Au di tano ni halahi sandiri laho mangoloi angka debata na asing, laing songon i muse ma halahi gabe hatoban ni angka halak na asing di luat na leban.”

JEREMIA 5:29

Tapi patunda ni sasudena i, Au Tuhan, giot uhumanKu ma halahi giot baloskononKu angka pambaenan ni bangso on.

JEREMIA 7:20

Au Tuhan Debata, padondonkononKu ma murukKu na jorbut i tu bagas paribadatan on, tu jolma dohot tu binatang dohot tu suan-suanan dohot tu suha ni tano. Marjimbur-jimbur ma murukKu songon api na so haintopan.”

ANDUNG 1:12

“O hamu angka halak na mamolus di dalan, ligi pe da jana parrohahon. Adong dehe godang ni parkancitan songon na hutaon saonnari, hara ni muruk ni Tuhan i?

ANDUNG 5:2

Madabu tu tangan ni halak sileban do tean-teanannami, diingani halak na asing angka bagasnami.

JEHESKIEL 21:31

PalaluonKu ma tu ginjangmunu muruk ni rohangKu na gara-gara i. Jana pasahatonKu ma hamu tu angka jolma na jingar na dung somal mamatehon.

JEHESKIEL 7:24

ParoonKu ma angka bangso na jumingar laho mambuati angka bagasmunu. Heput do angka jolma na gumarang sian hamu angke padiaronKu do angka bangso i mangaroncohon inganan paribadatanmunu.

PANGARATAION 28:25

Muda nada dioloi ho Tuhan Debatamu, pamonangonNia ma angka musumunu mangalo ho. Porangonmunu ma halahi sian sada dalan, tapi maporus ma ho masarsar tu pitu dalan. Gaor ma sude bangso na satano on muda diida halahi na masa tu ho.