JEREMIA 17:22 - BIBEL JAMITA NA DENGGAN

²² Nada tola muse hamu markarejo sanga maroban barang sanga aha pe haruar sian bagasmu anggo di Ari Sabat. Angkon parbadiaanmunu do ari i songon sada ari hapunjungan hombar tu na Huparentahon tu ompumunu.

JEREMIA 17:22 ပူးပေါင်းရင်းမြစ်များ

NEHEMIA 13:15

Huida ma di hatiha i sanga na piga-piga halak di Juda na mamoro anggur di Ari Sabat. Adong muse deba nari na marmuat gandum, anggur, batu ni anggur, batu ni ara dohot barang-barang na asing di ginjang ni halode jana dioban tu Jerusalem. Hularang antong halahi marjagal di Jerusalem.

HARURUAR 23:12

Angkon markarejo hamu onom ari di bagasan saminggu, tapi ulang hamu karejo anggo di ari papituhon, anso tarbaen angka hatobanmunu dohot halak na asing na markarejo di hamu bope angka pahan-pahananmunu maradian.

JESAYA 58:13

“Muda nada didege-dege hamu aturan ni Sabat jana nada dikarejohon hamu siurusonmunu di aringKu na badia i, muda didok hamu Ari Sabat i ari na marhasonangan, jana ari na badia ni Tuhan i ari na marmulia; muda dipasangap hamu ari i marhite na so mangkarejohon karejomunu dohot na so mambaen urusanmu sanga na marhata na rumar,

JEREMIA 17:24

Oloi hamu ma sude na Huparentahon. Ulang oban hamu sanga na barang aha pe mamolus sian pintu ni horbangan ni kota on anggo di Ari Sabat. Parbadiai ma Ari Sabat i songon ari na marhasurungan. Anggo di na sadari i na so tola karejohononmunu sanga na aha pe.

JEHESKIEL 20:12

Husuru do halahi pasangapkon Ari Sabat songon tanda ni parjanjianKu dohot halahi, laho paingotkon halahi paboa na dung Huhapunjungkon halahi di Au, Au Tuhan mangkapunjungkonsa.

JEHESKIEL 22:8

Dipahodar ho do angka inganan paribadatan tu Au jana Ari Sabat pe nada diargahon ho.

HAMALIMON 19:3

Ganop halak angkon pasangap inana dohot amana jana marningot Ari Sabat, songon na dung Huparentahon, angke Au do Tuhan Debatamu.

HAMALIMON 23:3

Sanga di dia sajo pe hamu maringanan angkon sumurung Ari Sabat i baenonmunu di Au. Onom ari honokna hamu markarejo tapi ingot ma, ari papituhon, Ari Sabat ari paradianan do i. Nada tola markarejo di ari i, hum marpungu do laho pasangap Au.

ZAKARIA 1:4

Ulang ma hamu songon angka ompumunu i. Narobi dipalalu angka panurirang do tonangKu tu halahi anso ulang be nian sai mambaen na jahat halahi dohot mambaen dosa. Hape nada diterge halahi jana nada ra halahi mangoloi Au.

LUKAS 23:56

Dung i mulak ma halahi, dipature halahi ma angka parmasak dohot miak na huskus silapuhonon tu bangke ni Jesus. Ancogotna i, di Ari Sabat, maradian be ma halahi markarejo mangoloi angka Tona ni ugamo Jahudi.

LUKAS 6:5

Dung i didok Jesus ma tu halahi, “Anggo Anak Ni Jolma i Tuhan ni Ari Sabat do!”

HALUMBAAN 1:10

Di ari ni Tuhan i, digohi Tondi Parbadia do au, dung i hubege ma sada sora na gogo – songon sora ni sarune – mandok hata sian pudingku.