JEREMIA 17:20 - BIBEL JAMITA NA DENGGAN

²⁰ Palaluhon tonaNia tu angka raja-raja dohot sude halak Juda maradu sude halak na maringanan di Jerusalem na mamolus sian pintu i.

JEREMIA 17:20 ပူးပေါင်းရင်းမြစ်များ

JEREMIA 13:18

Didok Tuhan tu au, “Suru ma raja i dohot namora i mijur sian habangsana i, angke madung madabu tukuna na jeges i sian ulunia.

JEREMIA 17:19

“Disuru Tuhan ma au kehe tu Pintu Ni Horbangan Rayat, siboluson ni angka raja ni Juda muda laho masuk sanga haruar halahi sian kota. Laing disuru Ia muse au kehe tu sude horbangan na asing na di Jerusalem i.

JEREMIA 19:3

Dongkon ma, “Tangihon ma hata ni Tuhan, ale raja-raja ni Juda dohot rayat Jerusalem! Songon on ma hata ni Tuhan Na Markuaso, Debata ni Israel: Satutuna paroonKu ma parmaraan tu inganan on, gabe marnginging ma pinggol ni halak na umbegesa.

JEREMIA 19:4

Angke madung ditadingkon halahi Au, madung dilehen halahi inganan on tu debata na asing, jana madung manghaulkon haul situtungon halahi tu debata na asing i. Na so tinanda ni ompu ni halahi dohot angka raja ni Juda. Madung dihodari halahi muse inganan on marhite mudar ni halak na so marsala.

JEREMIA 21:11

Disuru Tuhan ma au palalu tona on tu bagas ni raja ni Juda, pomparan ni si Daud, “Tangihon sanga aha na Hudok, Au Tuhan mandok. Parayak ma anso didalankon hatigoran ganop ari. Palua ma halak na hona incop sian tangan ni halak na mangincopsa. Muda nada songon i gabe gara ma murukKu songon api na so haintopan baenon ni hajahatan na nipambaenanmunu.”

JEREMIA 22:2

Dokkon ma: Tangihon ma hata ni Tuhan ale raja ni Juda na juguk di habangsa ni si Daud, ho dohot angka pagawemu dohot rayatmu na masuk tu pintu harbangan on!”

JEHESKIEL 2:7

Palalu ma sude na Hutonahon tu halahi, sanga ra pe halahi manangihon i sanga nada. Ingot ma, angka pangalo do halahi.

JEHESKIEL 3:17

“Ale jolma parsantongkinan, Huangkat ma ho gabe panjago ni Israel. Palalu ma tu halahi sipaingot on.

HOSEA 5:1

Didok Tuhan ma, “Tangihon hamu ma ale angka malim! Parrohahon ma ale halak Israel! Bege ma, ale hamu angka jolma pomparan ni raja! Madung didabu uhum tu hamu. Angke, sapatutna nian angkon tigor do hamu manguhumi, hape balikna i do gabe tudos tu jorgong do hamu di Mispa, songon jorat di Dolok Tabor,

AMOS 4:1

Tangihon hamu ma, ale angka boru Samaria, na mur mamokmok songon angka lombu Basan! Dipisat hamu do halak na gale, halak na pogos diporo hamu, jana sai digogohon hamu anso diparade halaklahimu tongtong inumon na koras di hamu!

MIKA 3:1

Tangihon hamu ale angka parkuaso ni Israel! Sapatutna nian angkon porluhononmunu do hatigoran,

HALUMBAAN 2:29

Ditangihon na marpinggol i ma na nidok ni Tondi i tu angka parlagutan i!”