JEREMIA 17:14 - BIBEL JAMITA NA DENGGAN

¹⁴ Pamalum ma au Tuhan, anso gabe torkis au. Palua ma au, anso gabe malua au. Hum Ho do na hupasangap!

JEREMIA 17:14 ပူးပေါင်းရင်းမြစ်များ

MASMUR 106:47

Palua ma hami, ale Tuhan Debatanami, sian tonga-tonga ni angka bangso i oban ma hami mangulaki anso tarbaen hami mandok tarimakasi dohot mamuji goarMu na tongam i.

MASMUR 109:1

Hupuji do Ho ale Debata, ulang ma sai so Ho.

MASMUR 119:94

Palua ma au, dibaen Ho do nampuna au, madung husitutui mangoloi haputusanMu.

MASMUR 12:4

Didok halahi do, “Markuaso do hami marhite dilanami; tarbaen hami mangkatai sagiotnami, jana nada adong tarbaen na mangambati!”

MASMUR 148:14

Madung dipargogoi Ia bangsoNia, halak Israel, hasianNia. Sude ma bangsoNia mamuji-muji Ia. Puji ma Tuhan!

MASMUR 54:1

Ale Debata, palua ma au hara ni kuasoMu, lehen ma hatigoran tu au hara ni hagogoonMu.

MASMUR 6:2

Ibo ma rohaMu mida au, angke abis ma gogongku da Tuhan, pargogoi ma au, angke madung gale-gale au.

MASMUR 6:3

Ale Tuhan, na sun ma sompit ni rohangku, sadia honok nari tadingkononMu au?

MASMUR 6:4

Sai marpangulahi ma rohaMu jana palua ma au, palua ma au hara ni holong ni rohaMu.

MASMUR 60:5

anso malua angka halak na nihaholongan ni rohaMu. Lehen ma hamonangan marhite kuasoMu jana tangihon ma tangiangnami.

JESAYA 6:10

Pamajal ma pikiran ni angka jolma i, paingol pinggolna i jana papitung matana i, anso ulang marnida sanga marbinege sanga mangarti jana anso ulang ro tu Au jana malum.”

JEREMIA 15:20

BaenonKu ma ho songon benteng tumbaga maradopkon halahi. Porangan ni halahi ma ho, tapi nada tartaluhon halahi. DongananKu ma ho jana jagohononKu anso malua ho.

JEREMIA 3:23

Nada adong gunana marsomba gana-ganaan hami di puncu ni angka dolok! Hum sian Tuhan Debatanami do pangurupion anggo tu Israel.

JEREMIA 30:17

Haru pe didok musumu, ‘Madung tarbuang Sion, jana nada adong na marnidasa,’ baenonKu horas hamu mangulahi, jana angka bugangmu Huubati.”

JEREMIA 31:18

Hubege do halak Israel mangkuling di bagasan arsak godang, ‘Ale Tuhan, tudos do hami tu lombu riar na so dipajinak hape diajar Ho do hami anso patu, saonnari madung rade hami mulak tu adopanMu. Antong, oban ma hami mangulahi, ale Tuhan, Debatanami.

JEREMIA 33:6

Tapi pasuangonKu do muse pangalaho ni kota on dohot halakna; margogo do halahi mangulahi. LehenonKu do tu halahi hasonangan dohot hadamean na sumurung.

BILANGAN 12:13

Dung i dipangido si Musa ma tu Tuhan i, “Ale Debata, pamalum ma ia.”

MATEUS 14:30

Tapi di na mardalan i ro ma dihilala ia alogo na gogo di dano i, mabiar ma ia, dung i mamungka ma bonom. “Tolong Tuhan!” ninna si Petrus.

MATEUS 8:25

Jadi disungguli anak siseanNia i ma Ia. Ninna halahi ma, “Ale, Tuhan! Palua ma hita, marmara ma hita!”

LUKAS 4:18

“Tondi Ni Tuhan do na adong di Au, angke madung dimiahi Ia do Au laho mamaritahon Jamita Na Denggan na sian Debata tu halak na pogos, jana disuru Ia do Au paboahon haluaan tu angka na tartangkup dohot parnidaan tu angka na mapitung; laho paluahon halak na marhancit,

PANGARATAION 10:21

Puji ma Ia – Ia do Debatamunu. Diida matamunu sandiri do angka pambaenan na godang jana hahomangan na nibaenNia hara ni hamu.

PANGARATAION 32:39

Tapi songon i pe Au, Au sandiri do na tutu Debata; asing sian Au nada adong be Debata. Au do na mamunu, dohot na pangoluhon mambugangi dohot na pamalumkon. Muda jabat do Hubaen pangalaho sanga na aha sahalak pe nada tarbaen mangalosa.