JEREMIA 16:9 - BIBEL JAMITA NA DENGGAN

⁹ Tangihon tangkas sanga aha na giot dokkononKu tu ho. Au Tuhan Na Markuaso. AntahonKu ma sora jop ni roha dohot hamogaan dohot hariburan ni pesta ni na marbagas. Idaon ni angka jolma na mangolu saonnari do pangalaho i tarjadi.

JEREMIA 16:9 ပူးပေါင်းရင်းမြစ်များ

MASMUR 78:63

Dipapangani api angka doli-doli ni halahi, gabe nada adong be mambuat angka bujing-bujing disi.

JEREMIA 25:10

AntahonKu ma sian halahi sora na marriang-riang jana na marmoga-moga di pesta parbagason, sora ni batu panggilingan dohot torang ni lampu.

JEREMIA 7:34

Gabe padang na harsang ma tano i. AntahonKu ma sora na marmoga-moga dohot sora ni pesta haroan boru di angka kota ni Juda dohot di angka dalan ni Jerusalem.

JEHESKIEL 12:25

Au Tuhan Debata, Au sandiri noma manghobari tu bangso Israel jana sude na Hudokkon musti angkon tarjadi, nada pola marlambat-lambat be. Tangihon hamu ma, ale angka pangalo! Taran di ngolumunu on dope, dalankononKu ma sandok na dung Hupaboa hian tu hamu. Au Tuhan Debata madung mandok songon i.”

JEHESKIEL 26:13

AntahonKu ma sude ende-endemu dohot musik hasapimu.

HOSEA 2:11

AntahonKu sude angka pestana i, pesta siganop taon dohot pesta siganop bulan dohot angka Ari Sabat, pendekna sude ari pesta ni ugamonia.