JEREMIA 16:7 - BIBEL JAMITA NA DENGGAN

⁷ Nada adong muse na giot mambaen pangapulion laho mangapoi halak na marsiluluton. Nada adong halak na dohot mararsak ni roha, haru pe tu halak na agoan ama sanga ina.

JEREMIA 16:7 ပူးပေါင်းရင်းမြစ်များ

JOB 42:11

Marroan ma manopot si Job sude angkangnia dohot ibotonia maradu ale-alenia sude di hatiha na salpu, lalu rap marpesta ma halahi di bagasnia. Dipaboa halahi ma na dohot halahi marsak hara ni sude hasusaan na niparo ni Tuhan tusia jana diapoi halahi ma ia. Marsilehen ma halahi hepeng na sasadia be dohot tintin sada be tu si Job.

PARJAMITA 4:1

Dung i huparrohahon muse ma sada hageduhan na masa di tano on. Martangisan angka halak na hona sosak jana nada adong na ra mangurupi halahi. Umpe sahalak na ra mangurupi, harana godang do kuaso ni angka na manyosak i.

JEREMIA 22:10

Hamu halak Juda, ulang ma hamu marsak hara ni parmonding ni Raja Josia. Si Joahas anakna i ma tangisi hamu angke madung hona oban ia jana nada mulak be. Nada idaonna be tano hatubuanna.

ANDUNG 1:9

Torang do tarida hahodaranna tapi nada diampirkon ia bagiannia. Santak ma da parsegona, hape sahalak pe nada adong mangapoisa. Mangido ibo ni roha ia sian Tuhan, hara ni angka musuna na dung monang.

JEHESKIEL 24:17

Ulang jabat tarbege partangismu. Ulang be mardalan na so mamake tutup ni ulu sanga na so marlapik patmu, songon halak na di bagasan siluluton. Ulang tutupi muse bohimu jana ulang pangan roti siluluton.”

HOSEA 9:4

Anggo di angka luat i nada tarbaen hamu manghaulkon anggur dohot haul situtungon laho pasonang roha ni Tuhan. Gabe hodar sandok halak na mangankon sipanganon i, songon sipanganon na dipangan di na mangubur na mate. Hum na pabutong butuha sajo do guna ni sipanganon i; saotik pe nada obanon i tu Bagas Ni Tuhan anso dihaulkon disi.

PANGARATAION 26:14

Saotik pe sian haul parsampuluan i nada adong na hupangan di hatiha siluluton; sanga huoban tu ruar ni bagas dompak hodar au, jana saotik pe sian i nada adong na hulehen gabe pelean di halak na mate. Madung huoloi Ho, ale Tuhan; madung hupatulus sude na niparentahonMi taringot tu parsampuluan i.