JEREMIA 16:4 - BIBEL JAMITA NA DENGGAN

⁴ Marmatean do halahi hona nyae na mambaen mate, jana marmatean ma halahi di parporangan sanga mate tangkuraparon. Sahalak pe nada adong na manangisi halahi sanga na manguburkonsa. Marampar do bangke ni halahi songon rompak-rompak di tano i, jana dipapangani unggas ma i dohot angka binatang.

JEREMIA 16:4 ပူးပေါင်းရင်းမြစ်များ

2 RAJA-RAJA 9:10

Nada tanomon anggo si Isebel; panganon ni anjing do bangkena i di Rura Jisreel.’ ” Dung didok panurirang na poso i songon i, ruar ma ia, jana manigor kehe ma.

MASMUR 78:64

Jorbut do dibaen mamunu angka malimna, nada tarbaen tangis, angka na mabaluna i.

MASMUR 83:10

na niabiskon di Endor, jana bangkena i gabe napu ni tano.

JESAYA 18:6

Tadingkonon ma angka bangke ni tentarana i gabe sipanganon ni angka unggas dohot binatang panyoro. Papanganan ni angka unggas ma i dompak di logo ni ari jana di musim nonat gabe soroan ni binatang riar ma i.”

JESAYA 5:25

Muruk Tuhan tu bangsoNia i. Madung rade Ia laho manguhumi halahi. Humutur ma angka dolok; marragean ma angka bangke songon rompak di angka dalan. Hape laing muruk dope Tuhan jana laing na giot manguhumi.

JEREMIA 19:7

SundatanKu ma di inganan on tahi ni halak Juda dohot Jerusalem. PadiaronKu ma halahi rumpak baenon ni podang ni musu, baenon ni tangan na giot mambuat hosa ni halahi. PadiaronKu ma bangke ni halahi dipapangani angka unggas na di langit dohot angka binatang na di tano on.

JEREMIA 21:6

BunuonKu ma halak na mangingani kota on; bope jolma sanga binatang marmatean ma baenon ni nyae masa na jorbut.

JEREMIA 25:33

Anggo di ari i marpayahan ma angka bangke ni jolma na nimatehon ni Tuhan di sude sisik ni tano on. Nada nitangisan halahi, nada dioban muse laho mananomsa, tapi dipadiar do i di tano i sajo songon parpunguan ni rompak.

JEREMIA 34:17

Hara ni i Au Tuhan mandok, anggo hamu madung mangalaosi tu parentangKu; nada dipalua hamu dongan sabangsomunu Israel. Antong saonnari Hulehen ma hamu bebas mamili: Bebas laho mate di partempuran, mate dibaen nyae masa, sanga mate tangkuraparon. Giot baenonKu mabiar bangso na satano on mida sipamasaonKu tu hamu.

JEREMIA 34:20

PasahatonKu ma halahi tu musu na giot mamatehon halahi. Papanganan ni unggas ma bangke ni halahi dohot angka binatang panyoro.

JEREMIA 36:30

Hara ni i Au Tuhan mandok tu ho ale Joyakim, sahalak pe sian pomparanmu nada adong be na mamarenta songon pomparan ni si Daud. Sampakkonon ma bangkemu tu balian, dipangan las ni ari di arian dohot ombun manyorop di bornginna.

JEREMIA 44:12

Jana ampot adong sian halak Juda na teba i na sai marpor ni roha tu Mesir laho maringanan disi, gabe bunuonKu ma halahi. Sude halahi na menek na godang, mate ma di Mesir baenon ni porang sanga hara ni haleon potir. Gabe jorbut pangkilalaan ni halak mida halahi jana palayasonna halahi. Gabe goar bura ma baenon ni halak goar ni halahi.

JEREMIA 44:27

JalahanKu do dalan anso mago hamu jana nada marhasonangan lopus mate hamu sudena, bope di parporangan sanga pe hara ni nyae masa.

JEREMIA 7:33

Angka bangke i ma panganon ni unggas dohot binatang panyoro jana nada adong manyosaksa.

JEREMIA 9:22

Marampar angka bangke niida songon rompak di tano parragena; songon bona ni gandum na tading jana na so dipalagut be. I ma tona ni Tuhan na angkon baritahononku.”

ANDUNG 4:9

Maruntungan noma mate di parporangan, sian na mate malean. Mardangol halahi boti muli-muli markancit, hara ni na so adong panganon sian ladang.

JEHESKIEL 24:21

Dokkon ma tu halak Israel; songon on do didok Tuhan Debata satutu-tutuna pahodaronKu ma inganan parbadiaanKu, kuaso na dipangasahonmu, hasonangon ni matamu dohot rohamu; dohot anakmu halaklahi dohot dadaboru na nitinggalkonmu angkon mate rumpak dibaen podang.

JEHESKIEL 5:12

Sapartolu sian jolma na mangingani ho, mate ma i hara ni nyae masa dohot baenon ni haleon potir na masa di kota i. Sapartolu hona sambol baenon ni podang humaliangmu, jana sapartolu nari sarsarkononKu sun tu dia jana paihut-ihuton ni podang sian pudi baenonKu.

ZEPANYA 1:17

Didok Tuhan ma, “ParoonKu ma bahat parmaraan tu jolma manusia lopus gapa-gapa halahi songon halak na so marnida. Mardosai do halahi tu Au, jana saonnari durus noma mudar ni halahi songon aek, jana marbusuhan ma angka bangke ni halahi di tano i.”

PANGARATAION 28:22

Uhumon ni Tuhan ma ho dohot ragam ni nyae na posi, tbc, milas, radang. ParoonNia ma logo ni ari dohot alogo na mangombuskon lopus sego suha ni ladangmunu. Sai marpupu ro do bala on taononmunu lopus mate hamu sude.

PANGARATAION 28:26

Muda mate ho, marroan ma angka unggas dohot binatang panyoro jana papangananna ma bangkemunu, jana nada adong sahalak pe na mangayak angka binatang i.