JEREMIA 16:20 - BIBEL JAMITA NA DENGGAN

²⁰ Tarbaen jolma ma he mambaen debatana sandiri? Bia ma pambaen ni i! Pasti nada Debata na nibaenna i.”

JEREMIA 16:20 ပူးပေါင်းရင်းမြစ်များ

2 RAJA-RAJA 19:18

Ditutungi do angka debata ni halahi jana diropukkon, angke nada adong saotik pe gogo ni halahi. Hum hamaloan ni tangan ni jolma do mambaen halahi, patung sian hayu dohot sian batu.

JESAYA 36:19

Di dia ma he angka debata ni Luat Hamat dohot Arpad? Di dia ma he angka debata ni Sefarwaim? Adong dehe na bisa paluahon Samaria sian tanganku?

JESAYA 37:19

Ditutungi jana ditapori halahi angka debatana, dibaen nada i Debata. Hum patung na nibaen sian hayu dohot batu sajo do i antong na nibaen ni tangan ni jolma; hara ni i do umbaen na bisa disegoi jolma.

JEREMIA 2:11

Nada jungada sada bangso manggonti debatana haru pe i nian nada Debata na satutuna. Hape anggo bangsongKu ditulak do Au jana marsomba tu na so margogo mambaen bagi aha.

JEREMIA 5:7

Bia do lakna, bisa dope ampunanKu hamu? Madung ditadingkon angka anakmu Au, jana marsumpa marhitehon na so debata. Dung Hupabutong halahi, marmainan do halahi jana kehe tu bagas parkarosuan.

DANIEL 3:1

Di sada hatiha, dibaen Raja Nebukadnesar ma sada patung sian sere 27 meter gincatna jana godangna hira-hira 3 meter. Di napa Dura na di propinsi Babel do i dipajongjong ia.

BAENON NI ANGKA RASUL 19:26

Saonnari madung tangkas diida jana dibege hamu sandiri sanga aha na nibaen ni si Paulus. Didok ia, anggo angka debata na nibaen ni tangan ni jolma, nada tutu i debata. Jana madung marbalik bahat halak dibaen ia gabe mangkaporsayai na niajarkonnia i. Nada hum di Epesus on sajo, tapi bolas dohonon madung sudena halak na saluat Asia on.

GALATIA 1:8

Sanga ise na manjamitahon ‘jamita na denggan’ na asing sian Jamita Na Denggan na hami jamitahon i, sai diburai Debata ma i – haru pe sian hami haroro ni i sanga pe sian sada surusuruan na sian banua ginjang!

GALATIA 4:8

Najolo nada ditanda hamu dope Debata, jadi hara ni i ma umbaen na gabe hatoban hamu di angka kuaso na nidok ni halak songon debata hape nian nada tutu Debata.