JEREMIA 16:17 - BIBEL JAMITA NA DENGGAN

¹⁷ Huida do sude na nibaen ni halahi. Nada adong na buni di Au; angka dosa ni halahi pe Huida do.

JEREMIA 16:17 ပူးပေါင်းရင်းမြစ်များ

2 JUJUR TAON 16:9

Dijagoi Tuhan do sandok portibi on jana dipatuduhon Ia do hagogooanNia tu angka jolma na setia tuSia. Di pambaenanmi dipataridahon ho do ho na bodo, patunda ni i, mamungka saonnari sai marpupu noma ho mangalami parporangan.”

JOB 10:14

Sai dipamanat Ho do au betak sai mambaen sala, anso tartulak Ho mangalehen hasesaan ni dosa.

JOB 31:4

Diboto do sasude pangalahongku; dipamanat Ia do sandok langkangku.

MASMUR 109:15

Sai diingot Tuhan ma tongtong dosa ni halahi, anso ulang adong na mangingot halahi di tano on.

MASMUR 139:3

Diida Ho do au, sanga na karejo sanga na maradian; diboto Ho do sude na hubaen.

MASMUR 33:15

Ditopa Ia sandok pikiran ni halahi; didodo Ia sude pambaenan ni halahi.

MASMUR 51:9

Padao ma panailiMu sian dosangku, sesa ma sude hasalaanku.

MASMUR 90:8

Dipatalak Ho angka dosanami di joloMu, dosanami na buni pe torang do di parnidaanMu.

PODA 15:3

Diida Tuhan do sudena na tarjadi di sude inganan; diparrohahon Ia do sudena na denggan dohot na jat.

PODA 5:21

Diida Tuhan do sasude na nibaenmu, dijago Ia do ho sanga na tu dia pe ho kehe.

JESAYA 29:15

Marjaya ma sanga ise halak na giot manabunihon tahina sian Tuhan! Marsibuni-sibuni ma halahi mambaen sibaenonna, jana ning roha ni halahi nada adong sahalak pe na marnida sanga na umboto sanga aha na nibaen ni halahi.

JESAYA 66:18

Huboto do pikiran dohot parbuatan ni halahi. Ro Au laho paluhutkon angka jolma sian sandok bangso. Muda marlagut halahi, idaon ni halahi ma kuasongKu

JEREMIA 2:22

Haru pe dipaias ho dirimu dohot aek abu, dohot sabun na marlobi-lobian, tapi hasalaanmi torus do i haidaan di Au, ninna Tuhan Debata.

JEREMIA 23:24

Sahalak pe nada adong na tarbaen buni sian parnidaanKu. Angke di sude inganan do Au adong: Di banua ginjang sanga di tano on.

JEREMIA 29:23

Songon i ma bagian ni halahi hara ni na dung mambaen angka dosa na godang di Israel; marmainan halahi jana dipake halahi goar ni Tuhan laho mancaritohon angka pangalaho na so tutu. Maralo do na songon i tu hagiot ni Tuhan, diboto Ia do sanga aha na nibaen ni halahi, jana Ia sandiri saksina laho mangalo halahi. Madung didok Tuhan songon i.”

JEREMIA 32:19

Sumurung do angka sangkapMu jana hahomangan do angka pambaenanMu; diida Ho do sude pambaenan ni jolma, jana dibalos Ho do tu halahi hombar tu pambaenan ni halahi.

JEREMIA 7:11

Adong he na dietong rohamunu do asar ni panyamun BagasKon? Huida do sude pangalahomunu i.

JEHESKIEL 8:12

Didok Debata ma tu au, “Ale jolma parsantongkinan, aha do diida ho na nipambaenan ni angka pamimpin ni Israel di sihabunian i? Marsomba do halahi di bagasan bilik na gok dohot gana-ganaan i marhite alasan na mandok na dung Hutadingkon luat on jana nada Huida be parbuatan ni halahi i.”

JEHESKIEL 9:9

Dialusi Debata ma, “Dosa na lobi godang do na dung dipambaeni ni angka halak Israel dohot Juda. Dipadalan halahi do pamunuon di sude inganan, jana dipahodar halahi do Jerusalem marhite hajahatan. Didok halahi bahaso na dung Hutadingkon luat on jana nada Huida be parbuatan ni halahi i.

ZEPANYA 1:12

Di hatiha i buatonKu ma obor jana galedaonKu ma kota Jerusalem. UhumanKu ma halak na disi na marpos ni roha jana puas dibaen dirina sandiri, jana na mandok di bagasan rohana, na so jungada sanga aha dibaen Tuhan na denggan sanga na jat.

1 KORINTUS 4:5

Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.

IBRANI 4:13

Umpe sada sian na nitompa i na buni, na so niida ni Debata. Talak do sudena jana patar di joloNia. Jana angkon lehenonta do tuSia partanggungjawabanta.