JEREMIA 16:16 - BIBEL JAMITA NA DENGGAN

¹⁶ Didok Tuhan ma, “Giot piohononKu bahat halak parihan laho manangkupi angka jolma on. Dung i piohononKu ma bahat halak parburu laho marburu halahi di sandok dolok dohot partoran, dohot di angka liang ni dolok batu.

JEREMIA 16:16 ပူးပေါင်းရင်းမြစ်များ

PAMUNGKAAN 10:9

Hara ni pangurupi ni Tuhan gabe parburu godang ma ia, jana hara ni i ma umbaen na somal didok halak, “Sai dipatumbuk Tuhan ma ho gabe parburu godang songon si Nimrod.”

JEREMIA 25:9

‘PiohononKu ma sude bangso na sian Utara, songon i muse naposongKu si Nebukadnesar raja ni Babel. ArahononKu ma halahi marporang mangalo Juda dohot halakna i sude dohot bangso na humaliangsa. PatimpasonKu sude bangso on rap dohot angka bangso hombarna jana padiaronKu malala sapanjangna. Tarsonggot ma halak na midasa jana panyogiton. Au Tuhan, madung mandok songon i.

JEREMIA 4:29

Habegean do gaor sora ni angka parangan na markudo dohot parsior, mambaen ganop halak marlojongi humosa-hosa; marmasuhan halahi tu harangan, tu dolok batu halahi manangkok. Angka kota maradu mamolngit, nada adong be na ra maringanan disi.

JEREMIA 49:5

Tondongon ni hakejamon ma hamu na Huparo sian sude pihak. Marlojong ma hamu, marsipalua dirina be, jana nada adong be na palagutkon hamu mangulahi.

JEREMIA 6:9

Songon on ma hata ni Tuhan Na Markuaso i, “Jomputi ma teba-teba ni halak Israel, songon na mamutiki parbatu ni anggur. Ulahi ma mamutiki songon na mamutik turiangna.”

ANDUNG 4:18

Nada tarbaen hami ruar tu alaman, hara ni panjago ni alo na rongkingan. Dapot ma da ajalnami, madung marujung ari-arinami.

ANDUNG 4:19

Humipas do na mangayak hami sian unggas rajawali; di dolok dohot di halongonan dikojar jana diolat halahi do hami.

HOSEA 10:10

PoranganKu ma angka jolma na mardosa i jana uhumanKu halahi. Marsaroha ma angka bangso laho mangalo halahi, jana hona uhum ma halahi hara ni dosa ni halahi na bahat i.

AMOS 4:2

Au Tuhan Debata, Tuhan Na Badia do Au, jana madung Hujanjihon, muli dapot do hatihana saraton hamu dohot saitan; songon ihan na hona hail ma hamu.

AMOS 5:19

Tudos tu halak na marlojong sian singa do pangalahona, hape marsuo dohot gompul. Sanga songon halak na mulak tu bagasna, jana ditungkolkon tanganna tu tembok lalu diturbing ulok!

MIKA 7:2

Halak na burju ma pola mago sian luat on, halak na setia tu Debata nada adong be dapot. Sude jolma painte-inte hatiha na tumbuk hadenggananna laho mamunu jolma. Marsibaen gasipna tu donganna.

ZEPANYA 1:12

Di hatiha i buatonKu ma obor jana galedaonKu ma kota Jerusalem. UhumanKu ma halak na disi na marpos ni roha jana puas dibaen dirina sandiri, jana na mandok di bagasan rohana, na so jungada sanga aha dibaen Tuhan na denggan sanga na jat.

1 SAMUEL 24:11

Saonnari diida raja i sandiri ma nangkin di bagasan liang i madung dipasahat Tuhan raja i tu au. Na dung dielek-elek do au laho mamunu raja i tapi nada ra au. Hualusi do, na so ra au mamparkanciti rajangku na nipili ni Tuhan.

1 SAMUEL 26:20

Ulang ma antong padiar au hona bunu di tano na asing, dao sian Tuhan. Aha ma he gunana ro raja ni Israel laho mambunu au songon halak na mambunu manuk harangan di dolok-dolok?”