JEREMIA 16:12 - BIBEL JAMITA NA DENGGAN

¹² Hape jumahat dope na nibaenmunu. Na jogal do rohamunu jana rohamunu na jahat i do diparrohahon hamu. Nada ra hamu mangoloi Au.

JEREMIA 16:12 ပူးပေါင်းရင်းမြစ်များ

PAMUNGKAAN 6:5

Di na nipamanat ni Tuhan, hape na sun do jahat ni jolma i sude di tano on, boti santak ni busuk ni angka pikiran ni halahi,

PAMUNGKAAN 8:21

Moga ma Tuhan dibaen uap na huskus sian haul somba-somba i, jana didok Tuhan ma di bagasan rohaNia, “Nanggo buraanKu be portibi on hara ni pangalaho ni jolma; Huboto, sian haposoon ni jolma i do jahat pikiranna. Nada uhumanKu be sude jolma na mangolu, songon na baru Hubaen i.

PARJAMITA 8:12

Haru pe dibaen sada pardosa saratus hajahatan, laing totop do ia mangolu jana umurna ginjang. Ninna, sanga ise na mangoloi Debata, mur maradu mura do ngoluna.

PARJAMITA 9:3

Jadi, sarupa do bagian na mandondoni halahi sudena. Nada tigor songon i laing songon sude na masa na di tano on. Salolot di ngolu ni jolma i gok hajungkaton do rohana jana pikiranna pe gok haotoon do. Dung i tompu ma ro ajalna.

JEREMIA 13:10

Na jogal do roha ni bangso na jahat on jana na so ra do halahi mangoloi Au. Marsomba jana mangoloi angka debata na asing do halahi. Hara ni i ma halahi gabe songon bobat abit na so marguna i.

JEREMIA 17:9

Nada tardodo anggo roha ni jolma umbisuk do i sian sasudena jana sun antong jahatna.

JEREMIA 18:12

Tapi alusan ni halahi ma, ‘Aha guna ni i? Aha sundatna muda giot sai tongtong hami ihutkon hagiotnami na jahat i?’ ”

JEREMIA 22:28

“Adong he na dung gabe songon hudon tano na matapor do Raja Joyakin, na niambungkon jana na so tarpake be? Hara ni i dehe umbaen na dipaorot jana dibuang ia dohot dakdanaknia tu luat na so nitanda ni halahi?”

JEREMIA 7:24

Hape nada ra halahi manangihon dohot mamparrohahonsa. Tubu-tubu ni roha ni halahi na pir boti na jat i sandiri do dipaihut-ihut halahi. Indada mur dumenggan halahi tapi mur tu jahatna noma.

JEREMIA 7:26

Hape nada adong na manangihon sanga na mamparrohahon. Mur jumogal do rohamunu jana mur jumahat sian ompumunu.”

JEREMIA 9:14

Jogal do roha ni halahi jana marsomba tu Baal do halahi songon na niajarkon ni angka ompu ni halahi.

ANDUNG 5:7

Mardosa ompunami, saonnari nada adong be halahi; jana hami on ma angkon manaonsa, angka dosa na nibaenna.

JEHESKIEL 20:30

Jadi palalu ma tu halak Israel sanga aha na Hudok, Au Tuhan Debata mandok tu halahi, ‘Biasi dibaen hamu angka dosa songon na nipambaenan ni ompumunu? Laing songon halahi, hamu pe mangihut do tu angka gana-ganaan hagigian i.

AMOS 2:4

Songon on ma didok Tuhan, “Hara ni na dung mardosa halak Juda marhite tolu hajahatan lopus tu opat hajahatan, nada tarikonKu be haputusanKi. Dilaosi halahi do angka parenta ni Tuhan, jana nada dimomosi halahi haputusanNia. Lilu do halahi dibaen angka debata na nisomba ni angka ompu ni halahi.

MALEAKI 3:7

Laing songon ompu na umpompar hamu najolo, songon i muse do hamu marbalik sian angka aturanKu jana nada dihaburjuhon hamu mandalankonsa. Mulak ma hamu tu Au, Au pe gabe mulak ma tu hamu. Hape disapai hamu dope, ‘Bia dehe baenonnami anso mulak hami tu Ho?’

MARKUS 7:21

Angke sian bagasan ni sada-sada halak, i ma na sian rohania, marroan angka pikiran na jahat na mambaen ia gabe mambaen na rogon, manangko, mamunu,

PANGARATAION 29:19

Ulang ma adong dison sahalak pe na umbege sadari on pangidoan na koras i hapengani di bagasan rohania laing pos do rohania marnasib na denggan ia tongtong haru pe manggogo ia manustus dalannia sandiri. Hara ni i angkon diabiskon ma sude na maraek dohot na mahiang.

PANGARATAION 9:27

Ingot ma angka naposoMu si Abraham, si Ishak dohot si Jakob, jana ulang ma ligi tu jogal ni roha, hajahatan dohot dosa ni bangso on.

2 TIMOTEUS 3:13

hape anggo angka parjahat dohot angka panipu i mur jumahat dope. Ditipu halahi ma halak na asing, hape hona tipu muse do halahi.

IBRANI 3:12

Hamu angka dongan, manat ma hamu anso ulang jabat adong sian hamu sahalak pe na songon i jahatna jana na so porsaya tu Jesus, gabe marbalik mangkudukkon Debata na mangolu i!

HAKIM-HAKIM 2:19

Tapi muda dung mate pamimpin i, jumorbut dope pangalaho ni bangso i sian sundut na di jolona. Mangoloi dohot marsomba tu angka debata na asing ma halahi. Diulahi halahi ma tu hasomalanna na jat jana nada ra halahi mangantaksa.

1 SAMUEL 15:23

Angke na mangalo tu Tuhan tudos tu na padalan aji do jahat ni i jana hatangkangon sarupa do jahat ni i tu na manyomba debata. Dibaen madung ditulakkon raja i parenta ni Tuhan, jadi Tuhan i pe madung manulakkon raja i songon sada raja.”