JEREMIA 15:4 - BIBEL JAMITA NA DENGGAN

⁴ BaenonKu ma manyikur sandok bangso na di tano on marnida halahi. Patunda ni parbuatan ni si Manase anak ni si Hiskia ma Hubaen sudena i, i ma pangalahonia di Jerusalem dompak na gabe raja ia di Juda.”

JEREMIA 15:4 ပူးပေါင်းရင်းမြစ်များ

2 RAJA-RAJA 21:1

Marumur dua bolas taon ma si Manase di na mamungka ia gabe raja di Juda jana lima pulu lima taon honokna ia mamarenta di Jerusalem. Si Hebsiba do goar ni inangnia.

2 RAJA-RAJA 21:15

BaenonKu ma sudena i tu bangsongKu hara ni na mardosa halahi tu Au jana dipasunggul-sunggul halahi murukKu mamungka sian parruar ni ompu ni halahi sian Mesir lopus tu sadari on.”

2 RAJA-RAJA 21:2

Mardosa do si Manase tu Tuhan hara ni na niihutkonnia angka hasomalan na jahat sian angka bangso na nipaorot ni Tuhan sian Kanaan di na laho masuk halak Israel tu luat i.

2 JUJUR TAON 33:1

Marumur dua bolas taon ma si Manase di na gabe raja ia di Juda jana lima pulu lima taon honokna ia mamarenta di Jerusalem.

2 JUJUR TAON 33:2

Mardosa do si Manase tu Tuhan, hara ni na mangihutkon angka hasomalan na jahat sian angka bangso na niusir ni Tuhan sian Kanaan di hatiha na masuk halak Israel tu luat i.

JEREMIA 24:9

Giot baenonKu ma halahi gabe marjaya, lopus gabe mabiar sandok bangso na adong di tano on. Sanga na di dia angkon Hupaserak halahi, siincak-incahan halahi, sipartataan jana sipargonjak-gonjakkonon. Songon hata bura do goar ni halahi.

JEREMIA 29:18

Kojar-kojaronKu halahi marhite porang, tangkuraparon, dohot nyae masa lopus jorbut pangkilalaan ni sude bangso na satano on marnida na masa tu halahi. Siincak-incahan noma halahi jana goar ni halahi gabe songon bura.

JEREMIA 34:17

Hara ni i Au Tuhan mandok, anggo hamu madung mangalaosi tu parentangKu; nada dipalua hamu dongan sabangsomunu Israel. Antong saonnari Hulehen ma hamu bebas mamili: Bebas laho mate di partempuran, mate dibaen nyae masa, sanga mate tangkuraparon. Giot baenonKu mabiar bangso na satano on mida sipamasaonKu tu hamu.

JEREMIA 9:16

PaserahonKu ma halahi tu tonga-tonga ni angka bangso na so ditanda ni halahi sanga ompu ni halahi. TongosonKu ma tentara na mamorangi halahi lopus abis sudena.”

ANDUNG 1:8

Dipahodar Jerusalem do dirina sandiri dohot dosa na nibaenna i mambaen gigi. Saonnari talak-talak ia jana marlayas; ma pola mago sude hagodanganna. Humolos ia, hara ni na dung maluak bohina.

JEHESKIEL 18:19

Tapi ra adong do halak na marsapa biasi nada dohot anakna i mananggung panginona ni angka dosa ni amangna i. Anggo alus ni i, songon on do: Angke burju jana tigor do antong anaknia i. Burju do dioloi angka tona na sian Au jana torus do i didalankon ia, jadi gabe tongtong ma ia mangolu.

JEHESKIEL 23:46

Didok Tuhan Debata i ma, “Padiar ma bangkit sarombongan jolma laho mamparkanciti dohot mangarampas siboru panggampang na dua i.

HAMALIMON 26:33

ParoonKu ma parporangan di luatmunu jana manyarsar hamu di luat na leban. Angka ladangmu gabe tarulang jana kotamu gabe abu.

PANGARATAION 28:25

Muda nada dioloi ho Tuhan Debatamu, pamonangonNia ma angka musumunu mangalo ho. Porangonmunu ma halahi sian sada dalan, tapi maporus ma ho masarsar tu pitu dalan. Gaor ma sude bangso na satano on muda diida halahi na masa tu ho.

PANGARATAION 28:64

Paserahon ni Tuhan ma ho di tonga-tonga ni angka bangso, sian ujung na sada tu ujung na sada nari di tano on. Sombaonmunu ma disi angka debata na dibaen sian hayu dohot batu, i ma angka debata na so unjung hian disomba ho dohot ompumunu.