JEREMIA 15:20 - BIBEL JAMITA NA DENGGAN

²⁰ BaenonKu ma ho songon benteng tumbaga maradopkon halahi. Porangan ni halahi ma ho, tapi nada tartaluhon halahi. DongananKu ma ho jana jagohononKu anso malua ho.

JEREMIA 15:20 ပူးပေါင်းရင်းမြစ်များ

MASMUR 37:39

Dipalua Tuhan do halak na daulat jana diondihon do halahi di hamamasa ni hasusaan.

MASMUR 46:11

Didongani Tuhan Na Markuaso i do hita, Debata ni si Jakob do mangondihon hita.

MASMUR 46:7

Didongani Tuhan Na Markuaso i do hita, diondihon Debata ni si Jakob do hita.

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

JESAYA 7:14

Hara ni i Tuhan sandiri ma mangalehen sada tanda di hamu: Sasintongna, sada halak anakboru angkon mardenggan pamatang jana manubuhon sada anak, jana goaronnia ma Anak i “Immanuel”.

JEREMIA 1:8

Ulang ho mabiar mida halahi, angke sai dongananKu do ho laho mangondihon ho. Au Tuhan, madung mandok songon i!”

JEREMIA 15:10

Na sial ma da au on! Tu aha do umbaen na ditubuhon dainang au? Angkon martongkar jana martangkangi au dohot sandok jolma na adong di luat on. So jungada au painjamkon sanga manginjam, hape haru songon i pe sude jolma mamurai au.

JEREMIA 15:15

Dung i hudok ma, “Diboto Ho do ale Tuhan. Ingot ma au jana urupi. Baloskon ma tu halahi na manyosak au. Ulang mabahattu sobarMu maradopkon halahi gabe sanga lalu dibunu halahi au. Ingot ma antong, hara ni Ho do da umbaen na marlayas au.

JEREMIA 38:28

Hot dope au ditahan di alaman ni bagas godang i lopus tu ari hatatalu ni Jerusalem.

JEREMIA 39:11

Madung disuru Raja Nebukadnesar komandan ni parangannia si Nebusaradan paruarkon parenta songon on,

JEREMIA 42:11

Ulang be mabiar hamu tu raja ni Babel i. Di tonga-tongamunu do Au laho paluahon hamu sian kuaso ni tangannia.

JEREMIA 6:27

Madung Huangkat ho gabe panguji ni bangsongKu, angkon botoonmu do manguji halahi jana angkon ujionmu do pangalaho ni halahi!

JEHESKIEL 3:8

Hupatogu pe rohamu mangalo hajogalon ni roha ni halahi jana Hubahen pe ho songon bosibaja maradopkon hajogalon ni roha ni halahi.

JEHESKIEL 3:9

BahenonKu ma ho pir songon togu ni batu mamak dohot songon batu intan, anso ulang mabiar ho mida angka hajogalon ni roha ni halahi.”

DANIEL 3:17

Muda margogo antong Debatanami paluahon hami sian purunan api na gara-gara i dohot sian kuaso ni raja i, angkon baenonNia do songon i.

2 TIMOTEUS 4:22

Sai didongani Tuhan i ma tondimu. Sai didongani asi ni roha ni Debata ma hamu!