JEREMIA 15:15 - BIBEL JAMITA NA DENGGAN

¹⁵ Dung i hudok ma, “Diboto Ho do ale Tuhan. Ingot ma au jana urupi. Baloskon ma tu halahi na manyosak au. Ulang mabahattu sobarMu maradopkon halahi gabe sanga lalu dibunu halahi au. Ingot ma antong, hara ni Ho do da umbaen na marlayas au.

JEREMIA 15:15 ပူးပေါင်းရင်းမြစ်များ

NEHEMIA 13:22

Jadi husuru ma angka halak Levi patupahon upacara paiaskon diri dohot manjago angka pintu horbangan laho mangawasi anso dipasangap halak Ari Sabat i. Martangiang ma au, “Ale Debatangku laing ingot ma au hara ni pangalahongki jana ibo ma rohaMu di au hombar tu godang ni holong ni rohaMu.”

NEHEMIA 13:31

Laing huatur muse ma anso rade dibaen rayat i soban sipakeon tu parhaulan di hatiha na tontu jana dioban haul sian suha ni gandum na parjolo malamun. Ujungna martangiang ma au, “Debatangku, ingot ma sudena on jana ibo ma rohaMu mida au.”

NEHEMIA 5:19

Pangidoanku ale Debata, ingot ma sasude na dung hubaen i di bangso on jana pasupasu ma au.”

NEHEMIA 6:14

Martangiang ma au, “Ale Debata, sai ingot ma na nibaen ni si Tobia dohot si Sanbalat i. Uhumi ma halahi! Songon i panurirang dadaboru na margoar si Noaja dohot angka panurirang na asing i na mambiar-biari au.”

JOB 10:7

Diboto Ho do nian jana torang di rohaMu, na bonar jana na so marsala au. Jana umpe sahalak na margogo palua iba sian tanganMu.

MASMUR 102:24

Jadi ningku do, “Ale Debata, ulang buat hosangku dompak di hajegesan ni goarku.” Salolot-lolotna do Ho mangolu, ale Tuhan,

MASMUR 106:4

Ingot ma au ale Tuhan, muda diurupi Ho bangsoMi, tolong ma au muda dipalua Ho halahi.

MASMUR 119:84

Intap ni andigan sai sobar naposoMon? Sadihari do uhumonMu na mamparkanciti au?

MASMUR 17:3

Ditanda Ho do rohangku; muda borngin ro do Ho pamanatkon au; hape anggo hata dohot hagiot na jat, nada dapot Ho sian au.

MASMUR 39:13

Tadingkon ma au, anso marsonang-sonang au, painte kehe au jana gabe soada be.

MASMUR 44:22

Hara ni Ho sai torus do hami tarancam mate, jana dibaen songon biri-biri sisambolon.

JESAYA 38:3

“O Tuhan, ingot ma na dung huoloi Ho sian haburjuon dohot bulus ni rohangku. Sai huparayak do mangoloi hagiotMu.” Dung i tangis ma si Hiskia, lungun partangisnia i.

JEREMIA 12:3

Tapi anggo Ho ale Tuhan, ditanda Ho do. Diida Ho do sanga aha na hubaen, jana diboto Ho do sanga songon dia holong ni rohangku tu Ho. Togu ma angka parjahat i tu ruar; oban ma halahi songon biri-biri tu panyambolan. Jago ma halahi lopus dapot hatihana hona sambol halahi.

JEREMIA 15:10

Na sial ma da au on! Tu aha do umbaen na ditubuhon dainang au? Angkon martongkar jana martangkangi au dohot sandok jolma na adong di luat on. So jungada au painjamkon sanga manginjam, hape haru songon i pe sude jolma mamurai au.

JEREMIA 15:20

BaenonKu ma ho songon benteng tumbaga maradopkon halahi. Porangan ni halahi ma ho, tapi nada tartaluhon halahi. DongananKu ma ho jana jagohononKu anso malua ho.

JEREMIA 17:16

Tapi ale Tuhan, na so unjung do husosoi Ho parohon jaya tu halahi, nada muse por rohangku anso didondoni hasusaan. Diboto Ho do i ale Tuhan. Diboto Ho do sanga aha na hudok.

JEREMIA 18:23

Tapi diboto Ho do ale Tuhan sasude na nitahi ni roha ni halahi laho mamatehon au. Hara ni i, ulang be ampuni halahi; ulang sesa hasalaan ni halahi. Potuk ma halahi lopus dabu. Maralo ma Ho tu halahi di bagasan muruk ni rohaMu.”

JEREMIA 20:11

Tapi Ho do ale Tuhan donganku; na sun gogo do Ho boti barani. Muli madabu jana abis gogo do halahi angka na manyompiti ngolungku. Maila ma halahi sapanjangna sundat ma sude sangkapna. Paingot-ingoton ma samatua habileon ni halahi sudena.

JEREMIA 20:12

Tapi ale Tuhan Na Markuaso, tigor do pangujiMu di sude jolma; diboto Ho do roha dohot pikiranna. Hara ni i paloas ma jolo au marnida Ho mamalos hajahatan ni musu angke tu Ho do hupasahat parkarongku.

JEREMIA 20:8

Ganop mangkuling au, marsurak au sagogongku, “Hakejamon! Parmaraan!” Dipacia-cia jana dipalayas do au, Tuhan, ari-ari, hara ni na palaluhon tonaMi.

ANDUNG 3:64

Uhumi ma halahi, ale Tuhan, hombar tu parbuatanna.

ANDUNG 3:66

Ayak-ayak jana haromkon ma halahi sude lopus hais sian tano on sude.”

MATEUS 10:22

Goyak ma roha ni halak sude mida hamu hara ni Au. Tapi na torus tahan lopus tu ujungna, i do na giot paluaon.

MATEUS 19:29

Angke sanga ise na maninggalkon bagasna, sanga kahanggina, sanga ibotona, sanga pe inangna dohot amangna, sanga dakdanakna, sanga sabana hara ni Au, saratus lompit ma jagiton ni halahi mangulahi. Nilehen muse dope disia hangoluan na so mantak.

LUKAS 21:17

Sude ma halak margoyak ni roha tu hamu hara ni goarKu.

SURAT NI SI PAULUS TU PARLAGUTAN ROM 12:19

Hamu ale angka dongan na nihaholongan! Ulang ma hamu sandiri na mambaen pambaloson, tapi lehen ma inganan tu hamumuruk ni Debata. Angke tarsurat do, “Au do mambaen pambaloson,” ninna Tuhan.

SURAT NI SI PAULUS TU PARLAGUTAN ROM 8:35

Ise ma he na ra manyirang hita sian holong ni roha ni Kristus i? Parkancitan, sanga hagogotan, sanga pangayak-ayakan, sanga tangkuraparon, sanga parsaemaraan, sanga parmaraan, sanga podang lakna?

2 KORINTUS 5:11

Hami boto do tangkas, sanga songon dia na nidok mangkabiari Debata; i do umbaen na manggogo hami papos roha ni halak na asing. Tangkas sajo do hami ditanda Debata, jana pos muse do rohangku torang muse au di bagasan rohamunu.

2 TIMOTEUS 4:14

Si Aleksander tukang tumbaga i, madung bahat dibaen ia na jahat tu au. Baloskonon ni Tuhan ma tusia hombar tu pangalahonia i.

HALUMBAAN 18:20

Marjop ni roha ma hara ni ia, ale banua ginjang, dohot hamu halak na badia, angka rasul dohot angka panurirang, harana madung diuhumi Debata ia hara ni pambaenannia maradopkon hamu!

HALUMBAAN 6:10

Jana pio-pio ma halahi marsora na gogo ninna ma, “Ale Tuhan, na badia jana na sintong! Sadia honok nari dope anso diuhumi, jana dibaloskon Ho mudarnami tu angka na maringanan di tano on?”

HAKIM-HAKIM 16:28

Di hatiha i martangiang ma si Simson; didok ia ma, “Ale Tuhan Debata, sai ra ma Ho jolo marningot au. Laing lehen ma jolo hagogoon di au sanoli nari on, o Debata, anso laing tarbaloskon au sakali on pambaenan ni angka halak Pilistin on na mangholuk anak ni matangkon dua-dua.”