JEREMIA 15:13 - BIBEL JAMITA NA DENGGAN

¹³ Didok Tuhan ma tu au, “TongosonKu ma musu laho maroban sinadongan dohot arta ni bangsongKu songon uhuman hara ni angka dosa na nipambaenan ni halahi di ganop inganan.

JEREMIA 15:13 ပူးပေါင်းရင်းမြစ်များ

MASMUR 44:12

Digadis Ho ma bangsoMi, argana pe so sadia, songon na so adong astuan ni halahi bagi na aha.

JESAYA 52:3

Didok Tuhan ma tu bangsoNia, “Nada margarar hamu digadis, jadi saonnari pe nada margarar hamu dipalua.”

JESAYA 52:5

Tapi saonnari, aha dope urusanKu di son? BangsongKu madung dirampas songon i sajo. Halahi na markuaso tusia, madung manyombong, songon i ma didok Tuhan, jana goarKu torus dipabile halahi ganop ari.

JEREMIA 15:8

Gok ma na mabalu di tanomunu umbahat sian horsik na di topi ni laut. ParoonKu ma tu angka ina dohot na poso pambunu di tonga ari. Ompot Huparo tu halahi biar dohot hagogotan.

JEREMIA 17:3

dohot di angka dolok di balian ni kota. Hara ni sandok dosa na dung dipambaeni hamu di luat on sudena, baenonKu ma anso diangkat angka musumunu i sude arta dohot sinadonganmunu.

JEREMIA 20:5

PadiaronKu muse musu ni halahi i mangarampas sandok sinadongan ni kota i jana mambuat sude hartona, maradu sude angka barang pusako ni raja-raja ni Juda; dioban ma sudena i tu Babel.

JEHESKIEL 38:13

Sapa-sapa ma tu ho halak Seba dohot Dedan maradu angka parboniaga na di angka kota ni Luat Spanyol songon on, ‘Na giot mangarampas dohot manangko sere, perak, pahan-pahanan dohot barang-barang dehe umbaen diarahon tentarami lalu maroban sudena i?’ ”

ZEPANYA 1:13

Hona rampas ma sinadongan ni halahi jana roncohonon ma bagas ni halahi. Pajongjongon ni halahi ma bagas, tapi nada ingananna. Karejohonon ni halahi ma kobun anggur tapi nada inumonna anggurna.