JEREMIA 15:10 - BIBEL JAMITA NA DENGGAN

¹⁰ Na sial ma da au on! Tu aha do umbaen na ditubuhon dainang au? Angkon martongkar jana martangkangi au dohot sandok jolma na adong di luat on. So jungada au painjamkon sanga manginjam, hape haru songon i pe sude jolma mamurai au.

JEREMIA 15:10 ပူးပေါင်းရင်းမြစ်များ

1 RAJA-RAJA 21:20

Disi diida si Ahab si Elia, didok ia ma, “O alongku, dipaihut-ihut ho ma au, atehe?” “Tutu do,” ning si Elia mangalusi. “Angke dibaen ho do hajahatan na tarlobi di panatapan ni Tuhan,

1 RAJA-RAJA 22:8

Dialusi si Ahab ma, “Adong dope sada nari, i ma si Mika anak ni si Jimla. Tapi goyak do rohangku mida i, harana na so jungada dope hum saragam panyurirangonnia na denggan tu au; hum na so ture do sude.” “Ulang ma dok songon i!” ning si Josafat.

MASMUR 109:28

Haru pe diburai halahi au, tapi laing dipasupasu Ho do au. Padiar ma alongki ditaluhon, tapi anggo au, naposoMon, sai dipamoga ma nian.

MASMUR 15:5

jana painjamkon hepeng so marbunga; na so giot manjagit hepeng suap laho mangarugi i halak na so marsala. Halak na mambaen songon i tongtong sonang nada adong manyusai.

MASMUR 69:4

Halak na magigi mida au di na so dalanna, umbahat sian obuk na di uluniba. Sai giot agohonon ni angka halak na gogo au, dipahata-hata halahi ma au dohot hata na so tutu. Dipaksa halahi au paulakkon arta na so hurampas.

HARURUAR 22:25

Muda painjamkon hepeng hamu tu halak na pogos sian dongan sabangsomunu, ulang baen hamu songon partunggu ni parsingir na manuntut bunga ni hepeng i.

PODA 26:2

Songon unggas na habang di awang-awang jana hum na mamolus sajo, nada tarbaen hona bura halak muda na so marsala do.

JEREMIA 15:20

BaenonKu ma ho songon benteng tumbaga maradopkon halahi. Porangan ni halahi ma ho, tapi nada tartaluhon halahi. DongananKu ma ho jana jagohononKu anso malua ho.

HAMALIMON 25:36

Ulang mangido bunga ni hepeng sian hepeng na nipainjamkonmu tu halak i, tapi angkon habiari hamu ma Debata, jana padiar ma halahi mangolu rap dohot hamu. Ulang muse mambuat labo ho sian sipanganon na nigadismu disia.

HABAKUK 1:3

Biasi dipadiar Ho au paida-ida hajahatan na songon i bahat? Tahan dehe Ho lakna paida-ida songon i bahat ni pangalaosion? Sanga na di dia masa hasegoan, na mangasahon gogo, parbadaan dohot parsalisian.

MATEUS 24:9

Dung i ditangkupi ma hamu, dipasahat ma tu parkancitan anso dibunu. Goyak ma roha ni halak na satano on mida hamu hara ni goarKu.

MATEUS 5:44

Tapi saonnari Au mandok di hamu: Haholongi ma alomu jana tangiangkon ma halak na mamparkanciti ho,

LUKAS 2:34

Dipasupasu si Simeon ma halahi jana didok ia tu si Maria inang ni Dakdanak i, “Na dung ditodo Debata do Dakdanak on laho mangarorak dohot pajongjongkon bahat halak Israel. Baen sada tanda na parohon partangkangan,

LUKAS 6:22

Martua ma hamu muda goyak roha ni halak mida hamu jana nada dijagit hamu, boti dipalayas-layas jana didok halak na jahat hamu, hara ni Anak Ni Jolma i!

BAENON NI ANGKA RASUL 28:22

Tapi hami pe, giot begeonnami do nian taringot tu haporsayaanmunu, harana madung sude hami umbege na so tumbuk do di halak poda na nitiopmu,” ninna halahi.